قٲضؠ11
1تٔمہِ وقتہٕ اوس جلعاد علاقس منٛز اِفتاحؔ ناوُک اکھ نفرا۔ تٔمؠ اوس پنُن جنگجو آسُن ہٲوِتھ دیُتمُت۔ وۅنؠ گوو تس سنٛز موج ٲس اکھ پاژھِنؠ۔ مٲلؠ سُنٛد ناو اوسُس جلعاد۔2جلعاد سنٛزِ آشنہِ زاے واریاہ گۅبر۔ ییٚلہِ تِم بٔڈؠ گۓ، تِمو کوٚڈ اِفتاحؔ جبرن گرِ نٮ۪بر، یہِ ؤنِتھ زِ، "ژٕ چھُکھ أکِس وۅپر زنانہِ ہُنٛد نیٚچو نہ زِ سانہِ ماجہِ ہُنٛد۔ اوے ییٚلہِ سون مول مرِ، ژےٚ میلی نہٕ یمہِ جایدادٕ منٛز کانٛہہ حصہٕ۔3اوے تہِ ژوٚل اِفتاحؔ پننٮ۪ن باین دوٗر۔ تہٕ بسیو طوب کِس ملکس منٛز۔ اتہِ روزنس دوران آیہِ کینٛہہ بدمعاش أمِس أنٛدؠ أنٛدؠ سمِتھ تہٕ لاجٮیٚکھ یتہٕ ہُتہِ تھپہٕ دِنہِ۔4کینٛژِ کٲلؠ آے بنی عمونٕکؠ سِپاہ اسرائیلی سِپہن پٮ۪ٹھ وۅگلِتھ۔5اوے دراے جلعادؠ سردار اِفتاحسؔ ژھارنہِ تاکہِ تس انن واپس طوبچہِ زمینہِ پٮ۪ٹھ۔6تِمو ووٚن أمِس ولہٕ اسہ سٟتؠ واپس تہٕ روز سانہِ لشکرُک سردار تہٕ کر اسہِ مدد بنے عمونؔ چہِ لشکرِ خلاف لڈنس منٛز۔7مگر اِفتاحنؔ ونُکھ یورٕ، "توٚہہِ رودُو میون عداوت۔ توٚہہِ کوٚرووٗس بہٕ مٲلؠ سُنٛد گرٕ تراونس پٮ۪ٹھ مجبور۔ وۅنؠ کیازِ اوو مےٚ نِش مدد منٛگنہ پننہِ مصیبتہٕ وِزِ؟8جلعٲدؠ سردارو دیُت اِفتاحسؔ جواب، "اوے تہِ آے أسؠ ژےٚ نِش۔ ولہٕ تہٕ لڈ اسہِ سٟتؠ سٟتؠ تہٕ سٲنِس لشکرس کر بنی عمونیؔ ین خلاف سرداری تہٕ ژں بنکھ جلعادس منٛز اسہِ سارنےٕ ہُنٛد سردار۔9اِفتاحنؔ ونُکھ یورٕ، "یوٚدوے بہٕ توٚہہِ سٟتؠ جلعاد واپس گژھٕ بنی عمونؔ کِس لشکرس سٟتؠ لڑنہِ۔ تہٕ ہرگاہ یہُوواہؔ اسہِ تِمن تلفس تل اننس منٛز مدد کرِ، بہٕ آسہٕ تیٚلہِ تُہنٛد سردار۔10تٔمؠ ووٚنُس یورٕ یہُوواہؔ چُھ سون گواہ تتھ سٲرؠ سےٕ یہِ أسؠ ژےٚ ونان چھی۔ یوٚدوے أسؠ پنُن وعدٕ پوٗرٕ کرو نہٕ تیٚلہِ دِین یہُوواہؔ اسہِ سزا۔11اوے تہِ گوو اِفتاحؔ یِمن سٟتؠ جلعاد واپس تہٕ لوٗکو بنوو سُہ پنُن سردار تہٕ پننہِ لشکرُک تہِ سردار۔ اِفتاحنؔ پھرؠ کرنہٕ آمتہِ مہادٕکؠ سٲری شرط مِصفاہؔ گژھتھ یہُوواہسؔ برونٛہہ کنہِ۔12اِفتاحنؔ سوزؠ بنی عمونؔ کِس بادشاہس شیٚچھہِ وٲلؠ۔ تِمو پرُژھ بادشاہس، "اسہِ کوٚر کیا زِ ژٕ سپدُکھ ناراض تہٕ توے چھِ چٲنؠ لشکر سٲنِس ملکس منٛز روزن والٮ۪ن پٮ۪ٹھ وۅگلِتھ آمٕژ۔13بادشاہن ونُکھ یورٕ، "توٚہہِ رٔٹٕو سٲنؠ زمین ییٚلہِ توٚہؠ مِصرٕ پٮ۪ٹھٕ یور آیو۔ توٚہہِ رٔٹٕو سٲرے زمین یردن دریاو کِس مشرقس منٛز جنوبس منٛزٕ ارنون دریاوٕ پٮ۪ٹھٕ شمالس منٛز یبوق دریاوس تام۔ یہِ دِیو اسہِ واپس کُنہِ ۂر ورٲے۔14پتہٕ سوز اِفتاحنؔ یِمہٕ شیٚچھہِ وٲلؠ بادشاہس نِش۔ بیٚیہِ۔15تِمو ووٚن أمِس، "اِفتاحنؔ وۅنُے یہِ، "اسرائیل یو نِیہِ نہٕ موآبؔ تہٕ عمونیؔ لوٗکن ہنٛز زمین تھپہِ۔16ییٚلہِ ادرٲییلی مِصرٕ منٛزٕ نیرتھ آے تِم وٲتؠ سیٚکِلؠ ژھنڈتھ بحرِ قُلزمؔ سٕدرس تام تہٕ اتھ تار دِتھ وٲتؠ وتہٕ مینان ادوم کِس بنس پٮ۪ٹھ قادِس قصبس منٛز۔ 17تِمو سوزؠ شیٚچھہِ وٲلؠ ادوم کِس بادشاہس یہِ وننہِ اسہِ دی تو مہربٲنی کٔرِتھ پننہ زمینہِ منٛزؠ نیرنہٕ۔ مگر ادومٕکؠ بادشاہن مونُکھ نہٕ۔ پتہٕ سوز تِمو یہِ شیٚچھ موآبؔ کِس بادشاہس تہِ۔ مگر تٔمؠ تہِ کوٚرُکھ انکار پننہِ زمینہِ منٛزؠ پکنس۔ اوے تہِ رودؠ اسرائیلی قادِس منٛزےٕ واریہس کالس۔18پتہٕ دراے اسرائیلی بیابانن کُن تہٕ دراے ادوم تہٕ موآبؔ ملکہٕ نٮ۪برؠ نٮ۪برؠ۔ تِم رودؠ پکان موآبؔ کِس مشرقس منٛز تہٕ یتہِ ارنون دریاوکِس شمالس منٛز یُس زن موآبؔ ملکُک شمٲلی بنہٕ چُھ۔ تِم ژاے نہٕ موآبؔ زمینس منٛز کُنہِ لِکھہٕ تہِ تکیازِ ارنون اوس موآبؔ ملکُک بنہٕ۔19پتہٕ سوز اسرائیلی سردارو حسبون کِس امورؠؔ بادشاہ سیحونسؔ شیٚچھ۔ تِمو ووٚن أمِس، "مہربٲنی کٔرِتھ دی تو اسہِ اسرائیل ین پننہِ زمینہِ منٛزؠ نیرنہٕ تاکہِ أسؠ گژھو تتھ زمینس منٛز یۅسہ سٲنؠ چھےٚ۔20وۅنؠ گوو سیحونن کٔرنہٕ اسرائیل ین پٮ۪ٹھ پژھ زِ تِم کیا نیرن تسنٛدِ علاقہٕ منٛزؠ امنہٕ سان۔ اوے سمبرٲوؠ أمؠ پنٕنؠ سٲری سِپاہ تہٕ تِمو دِتؠ پنٕنؠ خٟمہٕ یحزؔ جایہِ تہٕ اتہِ کوٚرُن اسرائیل ین سٟتؠ جنگ۔21مگر یہُوواہؔ، اسرائیلی خداین کوٚر اسرائیلی لشکرس مدد تہٕ تِمو دیُت سیحونس تہٕ تسٕنٛدِس لشکرس شِکس۔ ادٕ کوٚر تِمو قبضہٕ تتھ سٲرسےٕ زمینس ییٚتہِ امورؠؔ روزان ٲسؠ۔22اسرائیل یو أنؠ اتھس منٛز سۅ سٲرے زمین یۅسہ امورؠؔ ین ہنٛز ٲس۔ جنوبس منٛز ارنون دریاوٕ پٮ۪ٹھٕ شمالس منٛز یبوق درایوس تام تہٕ مشرقی سیٚکِلؠ علاقہٕ پٮ۪ٹھٕ مغربس منٛز دریاے یردنس تام۔23یہِ اوس بس یہُوواہؔ یمؠ امورؠؔ پنٕنؠ روزن جاے تراونس پٮ۪ٹھ واتہٕ نٲوؠ، اسرائیلی یلغارس مقابلہٕ۔ اوے تہِ چُھکھا ژٕ یہِ سونچان زِ ژٕ ہیٚککھ تہنٛز زمین قبضس أنِتھ۔24ژےٚ چھُے اتھ زمینس پٮ۪ٹھ حق یوٚدوے ژےٚ پنُن دیوتا کموس یہِ دِیی۔ تہٕ أسؠ بسو تتھ زمینس پٮ۪ٹھ یۅسہ اسہِ پنٕنؠ خداین دِژمٕژ چھےٚ۔ 25ژٕ چُھکھا موآبؔ کِس بادشاہ، صفورؔ سٕنٛدِس نیٚچوِس بلقؔ سٕنٛدِ کھۅتہٕ کھٔستھےٕ؟ تٔمؠ کوٚر نہٕ زانہٛہ تہِ جُرت اسرائیلس خلاف لڑنس۔26تریٚن ہتن ؤرین رودؠ اسرائیلی حسبونؔ تہٕ عروعیرؔ کٮ۪ن شہرن منٛز تہٕ یِمن أنٛدؠ پٔکؠ قصبن تہٕ ارنون دریاو بٔٹھؠ بٔٹھؠ سارنے شہرن منٛز۔ توٚہہِ امورؔ یو کیازِ نِیو نہٕ ییتہِ ہن ؤرین یِم سٲری شہر واپس؟27اسہِ کوٚرنہٕ کینٛہہ غلط ژےٚ خلاف۔ مگر ژٕ چھُکھ مےٚ تہٕ میٲنِس لشکرس خلاف وۅتلِتھ یِتھ غلط کران۔ بہٕ چُھس پژھ کران یہُوواہسؔ یُس منصف چُھ۔ تہٕ یُس فٲصلہٕ کرِ زِ آیا اسرائیلی لوٗکھ چھا پزرس پٮ۪ٹھ کِنہٕ عمونؔؠ۔28وۅنؠ گوو عمونیؔ بادشاہن ترٲوؠ اورؠ اِفتاحؔ سٕنٛدِ طرفہٕ امہِ شیٚچھِ منٛز آگٲہی تہٕ خبردٲری۔29امہِ پتہٕ روٚٹ اِفتاحؔ یہُوواہؔ سنٛدؠ روحن پننِس اختیارس تل۔ افتاحؔ پھیور جلعادس تہٕ تتھ سٲرسےٕ علاقس یتہِ منسیؔ قبیلہٕ روزان ٲسؠ، پننہِ لشکرٕ باپتھ نفری برتی کرنہِ۔ چھیکرس سمبرٲوِنؠ سٲری جلعادکِس مِصفاہسؔ منٛز عمونینؔ سٟتؠ جنگ لڈنہٕ باپتھ۔30اتہِ کوٚر افتاحنؔ اکھ پکہٕ عہد یہُوواہسؔ سٟتؠ یہِ ؤنِتھ "یوٚدوے ژٕ میٲنِس لشکرس عمونینؔ شکس دِنس منٛز مدد کرکھ،31ییٚلہِ بہٕ جنگہٕ پٮ۪ٹھٕ واپس پھیرٕ بہٕ کرے ژےٚ پیش قربٲنی باپتھ یِتہِ میانہِ گرٕ منٛزٕ مےٚ خوش آوے کرنہِ برنہٛہ کُن واتہِ، تہِ آسہ سورےٕ چون۔"32اوٕ پتہٕ دراے افتاحؔ تہٕ تسٕنٛدؠ نفر مِصفاہؔ پٮ۪ٹھٕ عمونینؔ پٮ۪ٹھ حملہٕ کرنہِ تہٕ یہُوواہنؔ بنٲو امسُنٛد لشکر تِمن شکس دِنس لایق۔33افتاحؔ تہٕ تس سنٛزِ نفری مٲرؠ تِم سٲری رعوعیرؔ شہرٕ پٮ۪ٹھٕ مِنیتؔ شہرس تام یتہِ یُس اوس۔ بیل کرامِیمؔ شہرس تام کوٚر تِمو وُہن شہرن ڈُبہٕ ڈاس۔ یتھٕ پٲٹھؠ کٔرؠ اسرائیل یو مکمل پٲٹھؠ عمونیؔ بُرباد۔34ییٚلہِ افتاحؔ مِصفاہسؔ منٛز پنُن گرٕ ووت، تس سنٛز کور درایہِ برونٛہہ پننہِ گرِ نٮ۪بر تس خوش آوے کرنہِ۔ سۅ ٲس خوش خوش تُمبکھ نار وایان نژان۔ سۅ ٲس تس کُنی۔ تس اوس نہٕ بیٚیہِ کانٛہہ تہِ شُر۔35ییٚلہِ افتاحنؔ پنٕنؠ کور وُچھ، تٔمؠ ژٔٹؠ پنٕنؠ پلو یہِ ہاونہٕ باپتھ زِ سُہ کوتاہ دۅکھٕ لد چُھ تہِ کرنہٕ باپتھ یہِ سُہ کرن وول چُھ۔ تٔمؠ ووٚن تس۔ "میٲنؠ کوری، وُنہِ کٮ۪ن ژٕ وُچِھتھ کۅرتھس ژےٚ بہٕ لژھِ عظیم دۅکھٕ سٟتؠ۔ تکیازِ مےٚ چُھ یہُوواہسؔ وعدٕ کوٚرمُت زِ بہٕ کرن قربانس سُہ اکھ یُس ساروے برونٛہہ میانہِ گرٕ منٛزٕ گۅڈٕ مےٚ کُن ییہِ، تہِ مےٚ پزِ کرُن تہِ یہِ مےٚ وعدٕ چُھ کوٚرمُت۔"36اورٕ ووٚنُس کورِ، "ژےٚ یُس پوٚز وعدٕ یہُوواہسؔ سٟتؠ کوٚرمُت چُھتھ ژےٚ پزی تہِ مےٚ سٟتؠ کرُن۔ یوٚدوے یہُوواہنؔ ژےٚ عمونینؔ شکس دِنس منٛز مدد چھی کوٚرمُت۔"37تٔمہِ ووٚن تمِس بیٚیہِ، "وۅنؠ گوو مےٚ دِ اکھ کتھ کرنہٕ۔ گۅڈٕ دِ مےٚ بالن کُن گژھنہٕ تہٕ دوٚن ریٚتن تتہِ پھیرنا تھورنا کرنہٕ، توٕ کِنؠ زِ مےٚ چُھنہٕ زانہٛہ تہِ وۅنؠ نیتھٕر کرُن تہٕ بچہٕ پٲدٕ کرٕنؠ۔ مےٚ تہٕ میانٮ۪ن وٮ۪سن دِ گژھنہٕ تہِ یِکوٹہٕ ودنا کرنہٕ" 38افتاحنؔ ونُس، "رُت گوو، ژٕ ہیٚککھ گٔژھِتھ، "اوے درایہِ سۅ دوٚن رٮیٚتن ہنٛدِ باپتھ۔ سۅ تہٕ تس سنٛزٕ وٮ۪سہٕ روزٕ بالن پٮ۪ٹھ تہٕ تس سنٛزٕ وٮ۪سہٕ روزٕ تسنٛدِ باپتھ ودان رِوان تکیازِ تس سپُد نہٕ زانہٛہ خاندر یا نیتھٕر۔39زٕ رٮ۪تھ سپٕدؠ ادا، تہٕ سۅ آیہِ مٲلِس نِش پھیرِتھ تہٕ تٔمؠ کوٚر تس سٟتؠ تی یہِ تٔمؠ کرنُک عہد اوس کۅرمُت۔ اوے سپُد نہٕ تس سنٛزِ کورِ زہنٛؠ تہِ خاندر۔
اوے کِنؠ چُھ وۅنؠ اسرائیل ین منٛز یہِ رسم40انہرشہِ اسرائیلی کورِ چھےٚ بالن کُن گژھان ژوٚن دوٚہُن ہنٛدِ خٲطرٕ پرٮ۪تھ ؤرؠ یہِ۔ اتہِ چھےٚ یِمہٕ ژٮ۪تس پاوان تہٕ ودان رِوان زِ تس افتاحنہِؔ کورِ سٟتؠ کیا سپُد۔
اوے کِنؠ چُھ وۅنؠ اسرائیل ین منٛز یہِ رسم40انہرشہِ اسرائیلی کورِ چھےٚ بالن کُن گژھان ژوٚن دوٚہُن ہنٛدِ خٲطرٕ پرٮ۪تھ ؤرؠ یہِ۔ اتہِ چھےٚ یِمہٕ ژٮ۪تس پاوان تہٕ ودان رِوان زِ تس افتاحنہِؔ کورِ سٟتؠ کیا سپُد۔
Bridge Connectivity Solutions Pvt. Ltd.