یشوع15
1یوٚسہٕ زمین یہُوداؔ سٕنٛدِس خاندانس دِژمٕژ ٲسٕکھ سۅ ٲسٕکھ امہِ سنٛدٮ۪ن خاندانن منٛز بٲگرآومٕژ۔ تہنٛز زمیٖن ٲس جنوبٕ طرفہٕ عدومؔ کِس سرحدٕ پٮ۪ٹھ صِین کِس بیابانس تام پھٔلِتھ۔2تہنٛزِ زمیٖنہِ ہُنٛد جنوبی سرحد یُس یہُوداؔ کِس خاندانس منٛز تفویض اوسُکھ کوٚرمُت، بحیرہ نمک یَتھ بحیرہ مردار تہِ ونان چھِ گو ٲخرس پٮ۪ٹھ شروع، اتھ خلیجہٕ پٮ۪ٹھٕ یُس جنوبہٕ طرفہٕ چُھ۔ 3امہِ پتہٕ گو یہِ جنوب طرفہٕ تہٕ عقربیمؔ کِس کوٚہس ہیٚور تہٕ صِین تام رود پکان تہٕ پتہٕ گو اکہ پھرِ جنوب طرفس کُن قادِس برنِیع پٮ۪ٹھٕ، حصرونؔ نِش، اددار تام پکان، تہٕ پتہٕ پھیور قرقع تام۔4تتہِ پٮ۪ٹھٕ رود یہٕ عضمون کِنؠ مِصر چہِ کۅلہِ نزدیک گژھان، تتہِ پٮ۪ٹھٕ گو یہِ مغربس منٛز بحیرہ رومؔ کُن۔ یہِ آسہ چون جنوبی سرحد۔5یہُوداؔ خاندانکہِ زمیٖنہِ ہُنٛد مشرقی سرحد اوس بحیرہ مردار۔ یہِ اوس شُمالہٕ طرفہٕ یردن دریاو کِس ٲخرس تام پھٔلِتھ، ییٚتہِ یہِ بحیرہ مردارس منٛز گژھان اوس۔6شمٲلی سرحد رود تمہِ جایہِ پٮ۪ٹھٕ جٲری تہٕ شُمال کُن پھٔلیو بیت حجلہ تام۔ تتہِ پٮ۪ٹھٕ گو یہِ بیت العربہ کِس شمالس منٛز بوہنؔ چہِ کنہِ تام اکھ کٔنؠ یۅسہ روبنؔ سٕنٛدؠ نیٚچوؠ بوہاننؔ ٲس کھڑا کٔرمٕژ۔7امہِ جایہِ پٮ۪ٹھٕ پھیور سرحد مغرب طرفس کُن عکوز وادی منٛزؠ دبِیر تام۔ تتہِ پٮ۪ٹھٕ پھیور یہِ جِلجال گژھنہٕ خٲطرٕ دُبسرٕ شُمال طرفس کُن۔ جِلجال چُھ تتھ سڑکہِ شُمالس منٛز یُس دریاو چہِ وادی ہنٛدِس جنوبہٕ طرفہٕ عدومیم کِس کوہس پٮ۪ٹھ گژھان چُھ۔ جِلجال پٮ۪ٹھٕ اوس سرحد مغرب طرفہٕ عین شمس کٮ۪ن ناگن تام تہٕ تتہِ پٮ۪ٹھ عین روجل تام پھٔلِتھ۔8تمہِ جایہِ پٮ۪ٹھٕ یبوسیؔ شہر یعنی یروشلمؔ جنوبہٕ پاسہٕ سرحدس کُن۔ یہِ سرحد چُھ واتان کوہ تینتٲلِس تام وادی ہِنوم کہِ مغرب پاسہٕ یُس وادی رفایم کہِ شمالہٕ طرفہٕ چُھ۔9تتہِ پٮ۪ٹھٕ اوس سرحد شمالہٕ مغربہ طرفہٕ کوہ تینتٲلس تام پھٔلِتھ یُس نفتوحؔ کِس ناگس تام گژھام ٲس تہٕ تتہِ پٮ۪ٹھٕ کوہ عفرونؔ نزدیک شہرن تام۔ تتہِ پٮ۪ٹھٕ اوس سرحد مغربہ طرفہٕ بعلہؔ تام پھٔلِتھ یَتھ ؤنؠ ناو چُھ قریتؔ یعریمؔ۔10پتہٕ پھٔلیو سرحد مغربس منٛز بعلہؔ پٮ۪ٹھٕ کوہِ شعیر تام۔ پتہٕ گو سُہ کوہ یعریمؔ کہِ شمال طرفہٕ جنوب مغربس منٛز یتھ کسالونؔ تہِ ونان چھِ تہٕ گو بیت شمسؔ تام۔ تتہِ پٮ۪ٹھٕ گو یہِ تمناؔ کِنؠ۔11سرحد رود شمال مغربس منٛز عقرون کِش شمالس منٛز کوہس تام جٲری۔ تتہِ پٮ۪ٹھٕ اوس یہِ مغرب منٛز شکیرونؔ تام پٔھہلِتھ تہٕ بعلہؔ اوس کوہ یبنی ایلؔ تام تہٕ پتہٕ اوس شمال مغربس منٛز بحیرہ رومؔ تام پھٲلِتھ۔12امہِ زمیٖنہِ ہُنٛد مغربی سرحد یُس یہُوداؔ سٕنٛدِس خاندانس دِنہٕ اوس آمُت سُہ اوس بحیرہ رومؔ۔ یہُوداؔ ہٕکؠ سٲری خاندان ٲسؠ یِمن سرحدن انٛدر روزان۔13خداوندن دیُت یسوعسؔ حکم دیا زِ یہُوداؔ سٕنٛدِ خاندانہ کہِ زمیٖنہِ منٛز دِ کینٛہہ حصہٕ کالبسؔ۔ یتھٕ پٲٹھؠ دیُت أمؠ قریتؔ اربعؔ ہُک شہرکالبسؔ یتھ ؤنؠ حبرونؔ چھِ ونان۔ اربہؔ اوس عناقؔ سُنٛد مول۔14کالبنؔ کٔرؠ عناقؔ قومٕکؠ ترےٚ خاندان حبرونؔ ییٚلہِ تراونس پٮ۪ٹھ مجبور۔ تِم ٲسؠ سیسیؔ، اخِیمانؔ تہٕ تلمیؔ خاندان۔15پتہٕ دراو تتہِ کلبؔ تہٕ گو دبِیرس منٛز روزن والٮ۪ن لوٗکن سٟتؠ لڑنہِ یتھ گۅڈٕ قریتؔ سِفر ونان ٲسؠ۔16کالبنؔ ووٚن، "یوٚدوے کانٛہہ قریتؔ سِفر کٮ۪ن لوٗکن پٮ۪ٹھ حملہٕ کٔرِتھ تہنٛدِس شہرس پٮ۪ٹھ قبضہٕ کرِ تیٚلہِ کرٕ بہٕ پننہِ کورِ عکسہؔ سُنٛد خاندر تمِس سٟتؠ۔17کالبؔ سٕنٛدؠ بھٲئؠ قنزؔ سٕنٛدؠ نیٚچوؠ غتنی ایلنؔ کوٚر شہرس پٮ۪ٹھ قبضہ۔ توے دِژ کالبن پنٕنؠ کور عکسہؔ أمِس خانٛدرِ خٲطرٕ۔18ییٚلہِ کالب سنٛزِ کورِ اوتھنلسؔ سٟتؠ خانٛدر کوٚر تہٕ تٔمؠ ووٚن تمِس زِ سۅ ونہِ پننِس مٲلِس زِ سُہ دِیہ أمِس اکھ زمینہِ ٹُکرٕ۔ پتہٕ گییہِ عکسہؔ پننِس مٲلِس کالبؔس سٟتؠ کتھ کرنہِ۔ ییٚلہِ سۅ پننہِ سوارِ یُس خر اوس پٮ۪ٹھٕ بوٚن ؤژھ، کالبنؔ پرُژھ تمِس، "ژےٚ ما چھِے ضرورت کینٛہہ؟"19عکسہنؔ دیُتُس جواب، "آ، بہٕ چھیٚس یژھان زِ ژٕ کرَکھ مےٚ خٲطرٕ کینٛہہ۔ ژےٚ چھیٚتھ مےٚ جنوبی یہُودیہ کٮ۪ن بیابانن ہنٛز زمین دِژمٕژ، مگر تتہِ چُھنہٕ آب کینٛہہ۔ تہٕ مےٚ دِیو مہربٲنی کٔرِتھ سۅ زمین یتھ منٛز ناگ آسن۔ "کالبنؔ دِتؠ أمِس حبرونؔ نزدیک ہیٚرِم تہٕ بوٚنِم ناگ۔ 20یہِ چُھ ملکہٕ کٮ۪ن تِمن شہرن ہُنٛد فہرست یُس خداوندن یہُوداؔ سنٛدٮ۪ن خاندانن دِنُک وعدہ اوس کوٚرمُت۔ پٮرٮ۪تھ خاندانس آیہِ زمین دِنہٕ21یہُوداؔ سٕنٛدِس خاندانس ٲسؠ یِم سٲری شہر جنوبی یہُودیہ کٮ۪ن بیابانن منٛز، عدومؔ علاقہٕ کِس سرحدس نزدیک دِنہٕ آمٕتؠ: قبضی ایلؔ، عیدرؔ، یجُورؔ، 22قینہؔ، دیمونہؔ، عدہؔ،23قادِسؔ، حصورؔ، اِتنانؔ،24زِیفؔ، تلمؔ تہٕ بعلوتؔ۔25تہٕ حصُورؔ حدتہؔ، قریتؔ حصرونؔ یَتھ حصورؔ تہِ ونان چھِ26تہٕ امامؔ، سمعؔ، مولادہؔ،27حصار جدہؔ، حِشمونؔ بیت فلطؔ28حصرسوعالؔ، بیرسبعؔ تہٕ بزیوتیاہؔ۔29بعلہؔ، عییمؔ تہٕ عضمؔ تہِ،30تہٕ اِلتولد، کِسیلؔ، حُرمہؔ31صقلاج، مدمنّہؔ، سنسنّاؔہ۔32لباؤتؔ سِلحِیمؔ، عَینؔ تہٕ رِمّونؔ۔ اتہِ ٲسؠ کُنترٕہ شہر تہٕ انٛدؠ پٔکِکؠ گام یکجا۔33یہُوداؔ سٕنٛدِس خاندانس ٲسِکھ یِم شہر مغربی دامنکِس شمٲلس منٛز دِتمٕتؠ: اِستالؔ، صُرعاؔ، اشناہؔ، 34زنواح، عین جنِیّمؔ، تفُوحؔ، عَیناؔم35یرموتؔ، عدُلام، شوکہؔ، عزیقاؔہ36شعریمؔ عدِیتیمؔ تہٕ جدیرؔہ یَتھ جدیرتِیمؔ تہِ ونان چھِ۔ أتی ٲسؠ ژۅداہ شہر تہٕ انٛدؠ پٔکِکؠ گام یکجا۔37یہُوداؔ سٕنٛدِس خاندانس ٲسؠ مغربی دامنکِس جنوبس منٛز نوٚم شہر حصہٕ رٔنٛگؠ آمٕتؠ دِنہٕ: ضِنانؔ داشہؔ، مجدلؔ 38دِلعاؔن، مِصفاہؔ، یقتی ایلؔ39لکِیسؔ، بُصقتؔ تہٕ عجلُون۔40تہٕ کبُّونؔ، لحماؔم، کِتلِیسؔ،41جدِیروؔت، بیت دجونؔ، نعمہؔ تہٕ مقیدہؔ۔ یِم ٲسؠ شُراہ شہر تہٕ انٛدؠ پٔکِکؠ گام۔42یہُوداؔ کِس خاندانس تہِ ٲسِکھ یِم شہر مغربی دامنہٕ کِس مزکزے حِصَس منٛز دِتؠمٕت: لبناہؔ، عترؔ، عسنؔ، 43یِفتاؔح، اشناہؔ، نصِیبؔ44کیلا، اکزِیبؔ تہٕ مریسہؔ۔ یِم ٲسؠ انٛدؠ پٔکؠ کٮ۪ن گامن سٟتؠ سٟتؠ نَو شہر۔45اتہِ ٲسؠ عقرونؔ شہر تہِ سٟتؠ امِکؠ گام تہٕ قصبہٕ۔ 46عقرونؔ پٮ۪ٹھٕ بحیرہ رومؔ تام یہُوداؔ کِس علاقس منٛز ٲس اشدودؔ شہرس نزدیک سٲری زمین تہِ شٲمل، اتِکؠ گام ہٮ۪تھ۔47اشدودؔ تہٕ امِکؠ انٛدؠ پکِکؠ گام؛ غزہ ہُکؔ شہر تہٕ امِکؠ انٛدؠ پکِکؠ گام مِصرٕ کِس نالس تہٕ بحیرہ رومؔ تام سرحدن کٔر بٹھٮ۪ن ہنٛز رٲچھ۔48یہُوداؔ کٮ۪ن خاندانن آے کوٚہستٲنؠ ملکہٕ کِس جنوبی مغربی حِصس منٛز یِم شہر تہِ دِنہٕ: سمیرؔ، یتیِرؔ، شوکہؔ، 49دنّاہؔ، قریتؔ سنّہؔ یَتھ دبِیرؔ تہِ ونان چھِ50عنابؔ، اِستِموہؔ، عنِیمؔ51جشن، حولُونؔ تہٕ جِلوہؔ یِتہِ ٲسؠ انٛدؠ پٔکؠ گامن سٟتؠ سٟتؠ کاہ شہر۔52یہُوداؔ کٮ۪ن خاندانن آے کوٚہستٲنؠ ملکہٕ کِس جنوبی وسطی حِصس منٛز یِم شہر تہِ دِنہٕ: ارابؔ، دوماہؔ، اشعانؔ53ینیِمؔ، بیت تفوحؔ، افیقہؔ، 54حُمطہؔ، قریتؔ اربعؔ یتھ وُنکٮ۪ن حبرونؔ چھِ ونان تہٕ صیعُورؔ۔ یِم ٲسؠ نَو شہر انٛدؠ پکِکؠ گام ہٮ۪تھ۔55ہوداہ کٮ۪ن خاندانن آے کوٚہستٲنؠ ملکہٕ کِس جنوبی مشرقی حِصس منٛز یِم شہر تہِ دِنہٕ: معُونؔ، کرمِلؔ، زِیفؔ، یُوطہؔ۔ 56یزرعیلؔ، یقدِعاؔم، زنواح،57قینؔ، جِبعہؔ تہٕ تِمنت۔ یِتہِ ٲسؠ انٛدؠ پٔکؠ گامن سٟتؠ سٟتؠ داہ شہر58یہُوداؔ کٮ۪ن خاندانن آے کوٚہستٲنؠ ملکہٕ کِس وسطی حِصس منٛز یِم شہر تہِ دِنہٕ: حلحُوؔل، بیت صُورؔ، جدُورؔ، 59معراتؔ، بیت عنوتؔ تہٕ اِلتقوؔن۔ یِتہِ ٲسؠ انٛدؠ پٔکؠ گامن سٟتؠ سٟتؠ شٮےٚ شہر60یہُوداؔ کٮ۪ن خاندانن ٲسؠ کوٚہستٲنؠ ملکہٕ کِس شمال حصس منٛز زٕ شہر دِنہٕ آمٕتؠ: ربہؔ تہٕ قریتؔ بعلؔ یَتھ قریتؔ یعریمؔ تہِ ونان چھِ۔ 61یہُوداؔ کٮ۪ن خاندانن ٲسؠ آے کوٚہستٲنؠ ملکہٕ کِس بحیرہ مردارسؔ نزدیک ریگستانس منٛز یِم شہر تہِ دِنہٕ: بیت العربہ، مِدینؔ، سکاکہؔ، 62نِبسانؔ، نوٗنُک شہر، تہٕ عین جیدیؔ۔ یتہِ ٲسؠ انٛدؠ پٔکؠ کٮ۪ن گامن سٟتؠ سٟتؠ شےٚ شہر۔63یہُوداؔ کٮ۪ن خاندانن ہُنٛد فوج اوسنہٕ یبوسینؔ ژٔلراونس قٲبل۔ توے رودؠ تِم یروشلمسؔ منٛزےٕ۔ تِم چھِ از تہِ یہُوداؔ کٮ۪ن خاندانن منٛزےٕ روزان۔
Bridge Connectivity Solutions Pvt. Ltd.