عبر1
1پتھ کالہِ کوٚر خداین اسرائیلکیٚن جدن سٟتؠ کلامہٕ تِمو لوٗکو ذریعہ یِمو تمؠ سنٛدِ پٲغامُک اعلان کوٚر۔ تمؠ کوٚر یہِ تتھ سارسے وقتس دوران یتھ منٛز تِمو جدو زندگی گُزٲر، تہٕ تمؠ کٔرؠ تہِ کرنہٕ خٲطرٕ واریاہ بیون بیون طریقہٕ استعمال۔2اما پوٚز، ییٚلہِ یہِ ٲخری وقت شروع سُپد، خداین کوٚر پننِس گوٚبرؠ سنٛدؠ ذریعہٕ اسہِ سٟتؠ کلام۔ خداین بنوو تمؠ سنٛدِ سٟتؠ دنیاہ یکوٹہٕ، تہٕ خداین کوٚر تمؠ سُنٛد انتخاب ہر کانٛہہ چیز پراونہٕ باپتھ ۔3تس، خداے سٕندس گوٚبرس یسوعسؔ، منٛز چھِ أسؠ وُچھان زِ خداے کوتاہ جلال وول چُھ۔ حقیقتس منٛز چُھ خداے سُنٛد گوبر اصل پٲٹھؠ ہاوان خداے کیتھ ہیو چُھ۔ قدرتہٕ سان کلام کرنہٕ سٟتؠ چُھ سُہ پریتھ کانٛہہ چیز قٲیم تھاوان یُس خداین بنوومُت چُھ۔ پنہٕ نین لوٗکن کرؠ مٕتیٚو غلط چیزو نِش پاک کرنہٕ پتہٕ، کھوٚت سُہ آسمانس پیٚٹھ تہٕ کرنؠ پننِس بب خدایس سٟتؠ بادشٲہی شروع ۔4تمس متعلق یِمن چیز ہُند مانے چُھ زِ سُہ خداے سُنٛد گوبر یسوع، چُھ روحٲنی وجوٗد کھوٚتہٕ واریاہ بوٚڈ۔ امی اندازٕ، خداے یمہِ ناوٕ سٟتؠ تس وونؠ بُلاوان چُھ سُہ چُھ تِہندیو ناوو کھوٚتہٕ افضل۔5توٚہؠ ہیکیو ونتھ زِ خداے سُنٛد گوبر چُھ روحٲنی وجود کھوٚتہٕ افضل تکیازِ خداین وونؠ نہٕ یِم کتھٕ کُنہِ تہِ وزِ کٲنٛسہِ تہِ روحٲنی وجوٗدس: " أزؠ کیٚن دوٚہس پیٚٹھ چُھ مےٚ پریتھ کٲنٛسہِ نِش واضیح کوٚرمُت زِ بہٕ چُھس چوٗن بب، تہٕ ژٕ چُھکھ میون گوبر!" تمؠ ونہِ نہٕ یمہٕ کتھٕ کٲنسہِ تہِ روحٲنی وجوٗدس متعلق:" بہٕ آسہٕ تسند بب، تہٕ سُہ آسہِ میون گوبر" بہرحال، تمؠ ونہِ یمہٕ کتھٕ پننِسے گوٚبرس متعلق ۔6تمہِ علاوٕ، ییٚلہِ خداین گوٚڈنُک زامُت پنُن گوبر آسمٲنی دنیاہس منٛز تُل، تمؠ دِیُت حکم: تمام روحٲنی وجوٗدن یِم خدایس خدمت کران چھِ زِ تِمن پزِ تمس احترام تہٕ تعریف کرنؠ "7خداے چُھ روحٲنی وجوٗدن متعلق یہِ ونان: "مےٚ چھِ روحٲنی وجوٗد یِم مےٚ خدمت کران چھِ واوٕکؠ تہٕ دزونہِ نارٕکؠ ہیوؠ بنٲومٕتؠ "8دوٚیمہِ طرفہٕ چُھ خداے پننِس گوٚبرس متعلق یہِ ونان:" ژٕ یُس خداے چُھکھ کرکھ پوشہِ ونؠ حکومت پننیٚن لوٗکن پیٚٹھ تہٕ ژٕ کرکھ پننہِ بادشٲہی پیٚٹھ عدلہٕ تہٕ راستبٲزی سان حکومت۔9ژےٚ بوٚرُتھ پزرس لول تہٕ خداے سنٛدؠ قانون پھُڑراون والین کرٕتھ ژےٚ نفرت۔ توے، بنووکھ ژٕ مےٚ، چٲنؠ خداین، تمس بیٚیہِ کٲنٛسہِ کھوٚتہٕ زیادٕ طاقتہٕ وول تہٕ خوشحال یُس ژےٚ سٟتؠ چُھ "10تہٕ خداے چُھ ییتہِ پننِس گوٚبرس متعلق ونان: ژٕ چُھکھ خداوند، یمؠ قدرت سان پریتھ کانٛہہ چیز پٲدٕ کوٚر یُس موجود چُھ آسمانس پٮ۪ٹھ ییٚلہِ یہِ سورے شروع سُپد "11یِم سٲری چیز گژھن ٲخر کار ختم، مگر ژٕ روزکھ ابدن زندٕ۔ تِم چھِ پلون ہنٛدؠ پٲٹھؠ پرٲنؠ سپدان تہٕ ژھنان،12تہٕ ژٕ نِہکھ تِم ؤٹِتھ زن تہِ تِم پرٲنؠ پلو تہِ ٲسؠ۔ یتھٕ پٲٹھؠ زن اکھ نفر پلو چُھ بدلاوان، ژٕ بدلاوکھ تِم چیز یِم ژٕ پٲدٕ کرِتھ۔ اتھ برعکس، چُھکھ ژٕ سُہ اکھ یُس ہیوے روزِ تہٕ ہمیشہِ روزِ زندٕ!"13خداین ونہِ نہٕ یژھہٕ کتھٕ کنہِ ساعتہٕ کٲنسہِ تہِ روحٲنی وجوٗدس:" مےٚ سٟتؠ کر بادشٲہی یتھ دوران بہٕ چانؠن سارنے دشمنن شکس دِمہٕ!" اما پوٚز، تمؠ ونہِ یِم کتھٕ پننِس گوٚبرس۔ 14روحٲنی وجوٗد چھِ قدرت وٲلؠ وجود آسان یِم خدایس خدمت کرن چھِ، تہٕ خداین چھِ تِم تِمن مدد کرنہٕ خٲطرٕ سوزؠ متٕؠ یِمن سُہ جلدے نجات دیہِ۔
Bridge Connectivity Solutions Pvt. Ltd.