پیدٲیش1
1گۅڈٕ کٔرؠ خداین آسمان تہٕ زمین پٲدٕ۔2ییٚلہِ تٔمؠ زمین پٲدٕ کٔر، یہ ٲس وٲران تہٕ سنسان۔ سرٔنِس آبس پٮ۪ٹھ اوس انہ گوٚٹ نال ؤلِتھ۔ خدایہ سُنٛد روح اوس آبہٕ پیٚٹھؠ نژان۔3خداین ووٚن، "بہٕ چُھس حکم دِوان گاش پھوٚلِن، "تہٕ گاشہٕ پھوٚل۔4خدا گو گاش وُچِھتھ خوش۔ پتہٕ پریٚزلوو تٔمؠ خاص جاین مختلف وقتو یہِ گاش، یوٚدوے باقی جاین وُنہِ تہِ انہِ گوٚٹ اوس۔5تٔمؠ تھوو گاشس دُہُل ناو تہٕ انہِ گٔٹس روتل۔ یہِ اوس شام تہٕ صبح، گو گۅڈنیُک دوٚہہ۔ 6پتہٕ ووٚن خداین، "بہٕ چُھس ونان آبس درمیان اکھ بوٚڈ خٲلی گُنٛبد ہیٚو پٲدٕ کرُن یمہِ سٟتؠ آبس زِ حصہٕ سپدن۔"7تہٕ تی سپُد۔ خداین کٔر آبس درمیان اکھ خٲلی جاے اکہِ بڈِ گنٛبدچہِ شکلہِ منٛز پٲدٕ، تٔمؠ کوٚر آب دوٚن حصن منٛز تقسیم کٔرتھ بنمہِ آبہٕ نشہٕ ہیٚور کھٲلِتھ الگ۔8خداین تھوو اتھ گنٛبد شکلہِ ہنٛدِس اتھ حصس "آسمان" ناو۔ یہِ اوس بیاکھ شام تہٕ صبح، یعنی دویم دوٚہہ۔9تمہِ پتہٕ ووٚن خداین، "آسمانس تل موجود آب سپدِ أکِس جایہ جمع تاکہِ خُشک زمین نیرِ نٔنؠ تہٕ تمہِ پٮ۪ٹھٕ ییہِ ہیٚور کھٔسِتھ۔" تہٕ تی سپُد۔ 10خداین کوٚر اتھ دھرتی "زمین" ناو، تہٕ یُس آب جمع سپُد تتھ ونُن "سمندر" خدا سپُد زمین تہٕ سمندر وُچِھتھ خوش۔11پتہٕ ووٚن خداین، "مےٚ ووٚن زمینس رنٛگہ رنٛگہ کُلؠ کٔٹؠ وپداونہٕ باپتھ یم پھرؠ پھرؠ ۅپدان آسن، تِتھ کُلؠ یِمن بیٚول آسہ، میٚوٕ دِن تہٕ تِمنےٕ منٛز تِہُنٛد بیٚول تہِ موجود آسہ" تہٕ تی سپُد۔ 12پتہٕ آے زمینَس کُلؠ۔ پرٮ۪تھ قسمہٕ کِس کُلس اوس پنُن بیول سٟتؠ۔ پرٮ۪تھ اکؠ کُلؠ دیُت میٚوٕ یَتھ پنُن بیٚول تہِ سٟتؠ اوس۔ خدا گو یم کُلؠ وُچِھتھ خوش۔13یہِ اوس شام تہٕ صُبح تریمہِ دوٚہُک۔14پتہٕ ووٚن خداین، مےٚ دیُت حکم مختلف گاش آسمانس منٛز ظٲہر سپدَنٕکؠ۔ یمو سٟتؠ دوٚہس تہٕ رٲژ منٛز فرق لبنہٕ ییہِ۔ یہنٛزن ظٲہری شکلن منٛز تبدیلی یِتھ مختلف ۅرسَن تہٕ دویمیٚن چیزن ہنٛدِ وقتٕچ نشاندہی سپدِ یۅسہ لوٗکھ مختلف موقن تہٕ ورؠ ین منٛز کران چھِ۔"15بہٕ چُھس یتہِ یژھان زِ آسمانٕکؠ یم گاش گٔژھؠ زمینہ پٮ۪ٹھ تہِ پرٮ۪زلٕنؠ" تہٕ یی سَپُد تہِ۔16خداین بنٲوؠ زٕ بٔڈؠ وسیلہٕ امہِ گاشٕکؠ۔ ساروٕے کھۅتہٕ بوٚڈ اکھ آفتاب، یُس دوٚہس پٮ۪ٹھ راج کرِ تہٕ بیاکھ لۅکٕٹ اکھ، زوٗن، یۅسہ رٲژ پٮ۪ٹھ راج کرِ۔ بیٚیہِ کٔرنؠ پٲدٕ تارک۔17خداین جٔرؠ تم آسمانس یُتھ زن زمینس کُن پرٮ۪زلن،18دوٚہس تہٕ رٲژ پٮ۪ٹھ کرن راج، رٲژ ہُنٛد انہِ گۅٹ کڈن دوٚہہ کہِ پرٛیزلنہٕ سٟتؠ بیٚون۔ خدا گو یم گاش وُچِھتھ خوش۔19یہِ اوس شام تہٕ صبُح ژورمہِ دوٚہُک۔20پتہٕ ووٚن خداین، "پرٮ۪تھ کُنہِ زوو زٲژ منٛز آبس روزنہٕ باپتھ یمہ مےٚ پٲدٕ کرِ تہٕ آکاشس منٛز جاناوارن پھٲلنہٕ باپتھ یمہٕ زمینہِ پٮ۪ٹھ نژان چھِ۔"21تہٕ خداین کٔر سمندرس منٛز روزن واجِنؠ مخلوٗق پٲدٕ، تہٕ تِم سٲری جاندار أنِن وجوٗدس یم سمندرس منٛز روزان چھِ، واریہس تعدادس منٛز۔ تٔمؠ أنؠ پرٛتھ کُنہِ قسمٕکؠ پکھل جاناوار بارسس۔ یہِ سٲرےٕ مخلوٗق چھےٚ پنٕنؠ ذریاتھ پانے وپداوان۔ خداین وُچھ یم سٲری چیز یمہٕ تٔمؠ وجوٗدس أنؠ تہٕ وُچِھتھ سپُد خوش۔22خداین دِژ یِمن برکتھ تہٕ وننکھ، "پنٕنؠ ذریاتھ وپدٲیو تہٕ ہُررٲیو واریاہ زیادٕ۔ بہٕ چُھس یژھان آبس منٛز موجود تمام ذریاتھ ٲسِن آبہٕ کیٚن تمام حِصن منٛز، تہٕ جاناوار تہِ ٲسِن بے شُمار۔"23یہِ اوس صبح شام پٲنٛژمہِ دوٚہُک۔24پتہٕ ووٚن خداین، "بہٕ چُھس زمینَس حکم دِوان زِ سۅ کرِ قسمہٕ قسمہٕ جانور پٲدٕ یمہٕ پانہٕ پنٕنؠ نسٕل زمینہِ پٮ۪ٹھ بڈاون۔ مختلف قسمٕکؠ گریلو چاروٲے، زمینہِ پٮ۪ٹھ یٔڈ کھکھرِ پکن وٲلؠ جانور تہٕ قسمہٕ قسمہٕ بٔڈؠ جنٛگلی جانور۔" تہٕ یی سپُد۔25خداین بنٲوؠ پرٛتھ قسمٕکؠ جنٛگلی جانور، گریلو چاروٲے تہٕ زمینہِ پٮ۪ٹھ پکن وٲلؠ مختلف قسمن ہنٛدؠ جاندار۔ یم پانہٕ پانسےٕ ہی مذید جانور پٲدٕ کرن۔ خدا اوس تمن خوش۔26پتہٕ ووٚن خداین، "ؤلِو وُنؠ بناون بہٕ پانسےٕ ہِش انسٲنی مخلوٗق۔ بہٕ چُھس یژھان زِ تم روزَن تمام سمندرچن گاڈن، آسمان کیٚن جاناوارن، تمام گریلو چارواین تہٕ زمینس پٮ۪ٹھ پکن والیٚن دوٚیمیٚن سارنی زوو ذٲژن پٮ۪ٹھ مختار۔27تہٕ خداین کٔرؠ انسان پٲدٕ، یم واریہو رنٛگو تمسےٕ ہی ٲسؠ۔ تٔمؠ بنٲوؠ تم پانسےٕ ہی، تٔمؠ بنٲوؠ تم مرٕد تہٕ زنہِ ہنٛدس صوٗرتس منٛز۔ 28پتہٕ دِژ خداین تِمن ٲہی تہٕ وُننَکھ، "واریہن شُریٚن دِیو زایُن، یم سٲرسےٕ زمینَس پھہلَن تہٕ کرن تتھ پٮ۪ٹھ راج۔ بہٕ چُھس یژھان یہِ زِ توٚہؠ کٔریو سمندرچن گاڈن، آسمان کیٚن جاناوارن تہٕ زمینہِ پٮ۪ٹھ موجود تمام زُو ذٲژن پٮ۪ٹھ راج۔"29پتہٕ ووٚن خداین، وُچھو! مےٚ دِتِمو توٚہہِ تِم تمام کُلؠ یم سٲرسےٕ زمینَس پنُن بیوٗل پھٲلاوان چھِ، تہٕ سٲری میٚوٕ دِنہٕ وٲلؠ کُلؠ۔ یم سٲری چیز تُہنٛدِ کھینہٕ باپتھ چھِ۔30مےٚ ۅپدٲوؠ تمام سبٕز کُلؠ سارنی جنٛگلؠ جانورن، جاناوارن تہٕ زمینہٕ پٮ۪ٹھ روزن واجنیٚن تمام زُو ذٲژن یعنی پرٮ۪تھ اکؠ سٕنٛدِ کھیٚنہٕ خٲطرٕ یمِس منٛز زندگی بخشن وول شہہ چُھ۔ تہٕ یی سَپُد تہِ۔31خدا اوس پرٮ۪تھ کنہِ چیزس خوش یُس تٔمؠ پٲدٕ کوٚر۔ پٔزؠ پٲٹھؠ اوس یہِ سورےٕ سیٹھاہ اصل۔ یہِ شام تہٕ صبُح اوس شیٚمہِ دوٚہُک۔
Bridge Connectivity Solutions Pvt. Ltd.