گلتی5
1مسیحنؔ دیُت اسہِ ایمان والیٚن نجات تِم قانون یا سۅ کتاب پالنہٕ نِش یِم خداین یہودٮ۪ن دِتؠ تاکہِ اسہِ پیٚن نہٕ تِم پالٕنؠ۔ اوے تہِ روزو خداوندس کُن لٔگؠ تھےٕ۔ یِنہٕ کٲنٛسہِ پانس پیٚٹھ یِم پالنہٕ باپتھ جبر دِیو کرنہٕ یِم قانون پالنہٕ باپتھ۔ بیٚیہِ زنتہٕ توٚہؠ غلام چھُو یِمن قانونن ہنٛدؠ۔2بہٕ چھُس پولُسؔ۔ دھیان تھٲیِو بہٕ کیا چھُسو ونان۔ یودوے توٚہؠ کٲنٛسہِ ختنہٕ کرنہٕ دِیو تیٚلہِ کرنہِ توٚہہِ مسیحؔ سٕنٛز تہنٛز باپتھ دنہِ آمٕژ قربٲنی کانہٛہ مدد۔3بہٕ چھُس بیٚیہِ سنٛجیدگی سان ونان زِ یُس کٲنٛسہِ تہِ پانس ختنہٕ کرنہٕ دِیہِ تاکہِ سُہ پالہِ تِم سٲری قانون یِم خداین یہودٮ۪ن دِتؠ تاکہِ تِم بنن راستباز۔4یِم یتھٕ پٲٹھؠ پانس راستباز بناونچ کوشش چھِ کران تِم قانون پٲلِتھ یِم خداین یہودٮ۪ن دِتؠ۔ تیٚلہِ چھُو توٚہؠ مسیحسؔ نِش الگ کران۔ خدا کرِ نہٕ توٚہہِ پیٚٹھ کانہٛہ مہربٲنی۔5یہِ چھُ اوٕ کِنؠ زِ أسؠ ایمان وٲلؠ چھِ بڈٕ اعتمادٕ سان امید کران زِ مسیحسؔ پیٚٹھ پژھ تھاونہٕ کِنؠ بناوِ اسہِ خدا راستباز۔ پاک روح بناوِ اسہِ یہِ کرنس لایق۔6یہِ چھُ اوٕ کِنؠ زِ ییٚلہِ أسؠ خداین یسوع مسیحسؔ سٟتؠ جوڑؠ لوٗکن چھا ختنہٕ کِنہٕ نہ اتھ چھیٚنہٕ کہینؠ اہمیت۔ بلکہ، چھےٚ مسیحسؔ پیٚٹھ سانہِ پژھ اہمیت۔ أسؠ چھِ مسیحسؔ پیٚٹھ پنٕنؠ پژھ ہاوان باقین سٟتؠ پننہِ لولہٕ سٟتؠ۔7توٚہؠ ٲسِو روحٲنی طور ترقی ہنٛزِ وتہِ پیٚٹھ بڈٕ رٕتؠ پٲٹھؠ۔ توٚہہِ پزِ ہے نہٕ کانہٛہ اتھ منٛز پانس رُکاوٹ بننہٕ دیُن۔ ژکہِ زنتہٕ توٚہہ زونمُتےٕ چُھنہٕ پزر کیاہ چُھ۔8خدا چھُ سُہ یُس توٚہہِ ناد لایان چھُ۔ سُہ چھُنہٕ توٚہہِ پتہٕ لٔگِتھ یہِ کرنہٕ باپتھ9یہِ اپٕز تعلیم والہِ توٚہہِ سارِنےٕ وُنہٕ۔ یتھٕ پٲٹھؠ مانٛڈنہٕ آمتِس ٲٹِس منٛز چھرا خمیرٕ پیونٛت چھُ اتھ ہُپہٕ راوان۔ 10تکیازِ خداین کوٚر اسہِ خداوندس سٟتؠ یکُت۔ مےٚ چھُ یقین زِ توٚہؠ سونچِو تہٕ کٔرِو چھرا میٲنِس وننس پیٚٹھےٕ یوت پژھ۔ اتھ اُلٹہٕ دِیہِ خدا یقیناً تِمن سزا یِم توٚہہِ پراکندہ کران چھُو۔ یِمن چیزن متعلق چاہے تِم کم تہِ چھِ۔11میانیٚو ایمان والیٚو باجیٚو یودوے مےٚ بیٚیہِ یہِ ونُن پیٚیہِ زِ اسہِ پزِ کٲنٛسہِ اتھہِ ختنہٕ کرناوُن راستباز بننہٕ باپتھ تیٚلہِ ستایہِ ہےنہٕ کانہٛہ مےٚ۔ یہِ چھُ اوٕ کِنؠ تہِ ونُن زِ سُہ مۅکلاوِ ہے تصوُر زِ یسوع سُنٛد مرُن کوتاہ جارہانہٕ چھُ۔12بیٚیہِ یِم توٚہہِ ڈالان چھُو سپدن پانہٕ آختہٕ۔13ایماندار سٲتھیو، خداین دِتُو توٚہہِ ناد نجاتس کُن۔ تِمو قانونو نِشہٕ یِم خداین یہودٮ۪ن دِتؠ۔ مگر تٔمؠ کٔرِو نہٕ توٚہؠ آزاد تِمو قانونو نِشہٕ تاکہِ توٚہؠ کرِو گناہ۔ گناہ کرنہٕ بجایہ کرو اکھ أکِس سٟتؠ محبت۔14یہِ کٔرِو تکیازِ اکھ حکم چھُ سارنےٕ قانونن ہُنٛد ہرتر یِم قانون خدایہ سنٛدؠ یہودٮ۪ن حکم چھِ۔ پرٛتھ کٲنٛسہِ نفرس بٔرِو لول یوٗتاہ توٚہؠ پانس بران چھُو۔ 15ووٚنؠ اگر توٚہؠ اکھ أکِس اِذا دِوان روزِو ونہٕ ہاپتن ہنٛدؠ پٲٹھؠ، خبردار روزِو توٚہؠ کٔرِو پٲنؠ پانس ختم۔16بہٕ چھُسو ونان پننِس مقدس روحس دِیو پنُن رہنما بننہٕ، یودوے توٚہؠ تہِ کٔرِو نہٕ تہِ یہِ تُہنٛد گناہگار نفس یژھِ کرُن تہِ بنہِ۔17یہِ چھُ اوٕ کِنؠ زِ تُہنٛد گناہگار نفس چھُ تہِ کرُن یژھان یہِ زن پاک روح سنٛدِس وننس مخٲلف چھُ۔ مذید یتہِ پاک روح یژھان چھُ تہِ کرُن یہِ گناہگار نفسس مخٲلف چھُ۔ یہِ چھُ اوٕ کِنؠ زِ یِم دۅشوے چھِ اکھ أکِس مخٲلف۔ نتیجہٕ چھُ یہِ زِ توٚہؠ چھُو نہٕ ہر وِزِ تہِ کٔرِتھ ہیٚکان یژھنہٕ باوجود تہِ۔18یودوے توٚہہِ پاک روح رہنما بنہِ تِم قانون یِم خداین یہودٮ۪ن دِتؠ رٹن توٚہہِ تَل۔19توٚہہِ چھَو پانس صاف صاف خبر زِ لوٗکھ کیا چھِ کران پننیٚو گناہ گار نفسو۔ تِم چھِ کران غٲر اخلٲقی جنسی کامہ، بدکٲری تہٕ ویکھٕتؠ کار۔20تِم چھِ اپزٮ۪ن خداین پوٗزان، جٲدؠ کران، اِذا واتناوان، لوٗکن سٟتؠ لڑایہ تُلان، حسد تھاوان، ژکھہِ سان خۅد غرضی کران، لوٗکہٕ جمٲژن منٛز شیطٲنؠ کار کران تہٕ لوٗکن منٛز بیٚنٮ۪ر تراوان۔21تِم چھِ لوٗکن ہنٛز دٕے تہِ تھاوان، شرابہٕ نشہٕ کٔرِتھ روزان، نشس منٛز باقےٕ گناہ تہٕ اتٕرؠ کران۔ بہٕ چھُسو خبردار کران اتریٚو تہٕ گنہو نِشہٕ۔ یتھٕ پٲٹھؠ مےٚ توٚہؠ برونہٛہ تہِ خبردار کٔرِو۔ سُہ کانہٛہ تہِ یُس یِم کۅکار ہیٚتھےٕ کران روزِ، سُہ سپدیٚنہٕ خدایہِ سٕنٛدِس سلطنتس منٛز شٲمِل۔22پاک روح کرِ توتہِ اسہِ مسیحسؔ مانن والیٚن باقین سٟتؠ لول بٲگراونس تہٕ خوشی تہٕ امنہٕ سان جان پٲٹھؠ روزنس، صبرٕ تہٕ رحم دلی تہٕ وفادٲری،23شریف تہٕ پانس پیٚٹھ ضبط تھاونس لایق، کانہٛہ تہِ قانون چھُنہٕ یُس یہِ کرنس ٹھاک کرِ۔24اسہِ یِمن مسیحسؔ سٟتؠ تعلق چُھ، چُھ تہِ کرُن تروومُت یہِ سون گناہ گار نفس محسوس کران تہٕ کرناوُن یژھان چھُ۔25چونکہِ پاک روحن کٔرؠ أسؠ روحٲنی طور بیدار۔ اسہِ پزِ پاک روحس پنٕنؠ رہبری کرنہٕ دِنؠ۔26تھیٚکنل مہٕ بٔنِو۔ اَکھ أکِس مہٕ کھٲلِو ژَکھ۔ اکھ أکِس سٟتؠ مہٕ کٔرِو حسد۔
Bridge Connectivity Solutions Pvt. Ltd.