گلتی3
1اے! گلاتینس منٛز روزن والیٚو میانیٚو پژھ باجیٚو توٚہؠ چھُو دماغ ورٲے عمل کران۔ ضرور آسیٚو کٲنٛسہِ جود کوٚرمُت۔ مےٚ ہَے توٚہہِ صاف صاف فکرِ تورُو زِ یسوع مسیحنؔ کیا پروو ییٚلہِ سُہ صلیبس پیٚٹھ مود۔2اوے تہِ یژھٕ بہٕ توٚہہِ یہِ اکھ کتھ ونٕنؠ۔ خداین بخُش نہٕ توٚہہِ یہِ پاک روح اوٕ کِنؠ زِ توٚہؠ چھُو موسیٰ سُنٛد سُہ شریعت مانان یُس تمِس دنہٕ آو۔ یقیناً پزِ توٚہہِ زانُن زِ تٔمؠ بخُش توٚہہِ پاک روح اوٕ کِنؠ زِ توٚہؠ یُتھےٕ رٕژ شیٚچھ بوزِو توٚہؠ کٔرِو مسیحسؔ پیٚٹھ پژھ۔ 3توٚہؠ چھُو بالکل عقلہِ ورٲے کران عمل۔ توٚہؠ بٔنِو گۅڈٕ عیسٲیی تکیازِ خدایہِ سٕنٛدؠ بخشمٕتؠ روحن بنٲیو توٚہؠ اتھ قٲبل۔ اوے پزِ نہٕ توٚہہِ ووٚنؠ یہِ سونٛچُن زِ موسیٰ ہس دِنہٕ آمتٮ۪ن قانونن پیٚٹھ عمل کٔرِتھ کیا روزِو روحٲنی ترقی پراوان۔4یہِ کتھ تھٲیو دماغس منٛز زِ اگر خداین یہِ تُہنٛدِ باپتھ کوٚر تہِ کوٚرُن اوٕ کِنؠ زِ توٚہؠ مٲنِو شریعت یُس خداین موسیٰ ہس بخش تہٕ مسیحسؔ پیٚٹھ پژھ قٲیِم کرنہٕ کِنؠ تیٚلہِ تلُو توٚہہِ بٔلؠ یوٗت تکلیف۔ مےٚ چھُ پوٗرٕ یقین زِ توٚہہِ تلُو نہٕ یہِ عِذا بٔلؠ۔5اوے تہِ ییٚلہِ توٚہہِ خدا یتھٕ پٲٹھؠ کھُلہٕ دِلہٕ پنُن روح بخشان چھُ تہٕ تہنٛدِ باپتھ بجہِ بجہِ کامہِ أنٛزراوان چُھ، چھُنہٕ اوٕ کِنؠ زِ توٚہؠ چھُو موسیٰ ہس دِنہٕ آمٕتؠ قانون مانان۔ یقیناً چھُو توٚہؠ پانہٕ زانان زِ ییٚلہِ توٚہؠ رٕژ شیٚچھ بوزِو مسیحسؔ متعلق توٚہؠ کٔرِو اتھ پژھ۔6یمیُک توٚہہِ پانس تہِ تجربہٕ چھُ یتھٕ پٲٹھؠ زن موسیٰ ہن پننٮ۪ن مذہبی صحیفن منٛز لیٚوکھ ابرہامس متعلق تٔمؠ لیٚوکھ ابرہامس ٲس اتھ کتھِ پیٚٹھ پژھ تہٕ امیُک پھل دراو زِ خداین زون ابرہام راستباز۔ 7توٚہہِ پزِ ژٮ۪ترُن زِ یہ چھُ صرف تم یم مسیحؔ سٕنٛدِس کرنس پیٚٹھ پژھ چھِ کران۔ تِمے چھِ ابرہام سٕنٛدؠ زُرؠ تکیازِ ابرہام سٕنٛدؠ پٲٹھؠ خدایس پیٚٹھ پژھ تھاوان۔8امہِ مزید اوس خداین گۅڈے یہِ سونچمُت زِ یُتھےٕ غٲر یہُودؠ تس پیٚٹھ پژھ قٲیِم کرن سُہ زانہِ تِمن راستباز۔ موسیٰؔ ہن لیٚوکھ پننِس صحیفس منٛز یہِ رُت پٲغام زِ خداین ووٚن ابرہامس، "چانہِ کِنؠ دِمہٕ بہٕ تمام قومن برکت" 9اوے ہیٚکو أسؠ یہِ اخز کٔرِتھ زِ یِم لوٗکھ چھِ تِمے یِمو پژھ کٔر مسیحؔ سٕنٛدِس کرنس پیٚٹھ یمِس فضل کوٚر خداین ابراہامؔ سنٛدؠ پٲٹھؠ یمؠ برونہٛہ کالہِ تس پیٚٹھ پژھ کٔر۔10یعنی خدا دِیہِ تِمن ہمیشہٕ باپتھ سزا یِم غلط فہمی کِنؠ سونٛچن زِ تتھ شریعتس پیٚٹھ یُس خداین موسیٰ ہس دیُت عمل کرنہٕ سٟتؠ کیاہ مانہِ تِمن راستباز۔ موسیٰ ہن یہِ صحیفن منٛز لیٚوکھ چھُ یہِ زِ خدا دِیہِ تِمن لوٗکن ہمیشہٕ پوشہٕ وُن سزا یِم لٔگؠ تھےٕ تہٕ مکمل پٲٹھؠ خدایہِ سنٛدین سارنےٕ قانونن پیٚٹھ عمل کرن نہٕ یمؠ شریعتس منٛز لیٚکھنُک خداین تس ہدایت دیُت۔ 11خدا چھُنہٕ کٲنٛسہِ نفرس راستباز مانان موسیٰ سنٛزِ کتابہِ پیٚٹھ پژھ تھاونچ کوشش کرنہٕ سٟتؠ۔ یہِ چھُ صاف ظٲہِر توٕکِنؠ زِ صحیفن منٛز چھُ آمُت، "پرٛتھ کانہٛہ چھُ روزان راستباز خدایس پیٚٹھ پننہِ پژھِ کِنؠ۔ 12مگر ییٚلہِ خداین یہودٮ۪ن کتاب بخشؠ تٔمؠ بنٲوؠ نہٕ تِم پانس پیٚٹھ پژھ تھاون وٲلِس کٲنٛسہِ شخصس ماتحت۔ اتھ برعکس ووٚن خداین یہ چھِ چھرا تِم یِم خدا سنٛدین سارنےٕ کتابن قانونن ہیٚتھےٕ مانن تہٕ مکمل پٲٹھؠ تس مٲنِتھ زُوان روزن۔ 13یودوے زن اسہِ انسانو خدایہِ سٕنٛدؠ قانون مُتوٲتِر تہٕ مکمل پٲٹھؠ پوٗرِ پوٗر مانہِ نہ مسیحنؔ بخش اسہِ نجات خدایہِ سٕنٛدِ پوشہٕ وٕنہِ عزابہٕ نِشہٕ مسیحنؔ دیُت اسہِ نجات پانہٕ خدا سُنٛد سزا قبول کٔرِتھ أمہِ بدلہٕ زِ خدا دِیہِ ہے اسہِ سزا۔ یہِ موسیٰ ہن پننٮ۪ن صحیفن منٛز لیٚوکھ چھُ ہاوان زِ یی چھُ پوٚز۔ خدا چھُ تس پرٛتھ نفرس بد دعا دِوان یَس لوٗکھ صلیبس پٮ۪ٹھ مارن پننہِ کُنہِ اترِ باپتھ۔ 14مسیحنؔ بخُش اسہِ نجات پننہِ تہِ کرنہٕ سٟتؠ یہِ تٔمؠ سانہِ باپتھ کوٚر۔ خدایس تہِ چھُ غٲر یہودٮ۪ن فضل کرُن یتھٕ پٲٹھؠ خداین ابرہامس فضل کوٚر امیُک وجہہ چھُ یہِ۔ مسیحسؔ پیٚٹھ سانہِ پژھ کرنہٕ سٟتؠ ما کرو أسؠ سٲری پاک روح حٲصل یہِ دنُک اسہِ خداین وعدٕ چھُ دیُتمُت۔15میانیٚو ایماندار سٲتھیٚو! ووٚنؠ کرٕ بہٕ أمِچ وضاحت انسٲنی رشتن ہنٛدِس حوالس منٛز۔ ییٚلہِ زٕ نفر پانہٕ وٲنؠ کانہٛہ مہادٕ کرن۔ کانہٛہ تہِ ہیٚکہِ اتھ نکار کٔرِتھ یا ہُرٮ۪ر کٔرِتھ۔16خداین ووٚن ابرہامس تہٕ تسنٛدِس زُرِس زِ سُہ چھُ وعدٕ کران ابرہامس فضل کرنُک۔ خداین یہِ ووٚن تتھ منٛز اوسنہٕ "تہٕ چانہِ قبیلچہِ زُریٲژ" سُہ اوسنہٕ واریاہن لوٗکن متعلق کتھ کان۔ بلکہِ اوس سُہ اکِس خاص انسانس متعلق ونان۔ یُس مسیحؔ چھُ۔ توٕکِنؠ زِ یِم لفظ تٔمؠ ؤنؠ ٲسؠ "تہٕ چٲنِس زُرِس" 17یی تہِ چھُس بہٕ ونان، "خداین کوٚر اکھ مہادٕ ابرہامس سٟتؠ زِ یِم قانون تٔمؠ یہودٮ۪ن 430 ؤری گژھِتھ دِژ ہیٚکہِ نہٕ رد کٔرِتھ تتھ وعدس۔ 18بہٕ چھُس یژھان زِ توٚہؠ زٲنِو زِ اگر یہِ اوٕ کِنؠ چھُ زِ أسؠ چھِ مانان قانون یِم خداین یہودٮ۪ن دِتؠ تہٕ تمہِ کِنؠ دِتِن اسہِ تہِ یہِ وعدٕ کوٚرمُت چھُن اسہِ سٟتؠ۔ تیٚلہِ دیُت نہٕ تٔمؠ اسہِ تہِ یہِ وعدٕ چھُن کوٚرمُت۔ ووٚنؠ گو خداین دیُت پننہِ مہربٲنیہِ تہٕ یہِ تٔمؠ ابرہامس سٟتؠ وعدٕ کوٚر تکیازِ خداین اوس تس سٟتؠ وعدٕ کوٚرمُت۔ یِتھے پٲٹھؠ چھُنہٕ یہِ اوٕ کِنؠ زِ اسہِ مٲنؠ خدایہِ سٕنٛدؠ دِتمٕتؠ قانون زِ خداین دیُت پننہِ فٲصلہٕ سٟتؠ اسہِ تہِ یہِ وعدٕ کوٚرُن۔19اوے تہِ یودوے کانہٛہ پرژِھ، "خدا کیازِ چھُ پتہٕ پہن قانون موسیٰ ہس دِوان۔ بہٕ ونس یورٕ، "زِ یہِ اوس اوٕ کِنؠ زِ لوٗکھ ژٮ۪ترٮ۪ن زِ تِم کٲتیاہ گناہ گار ٲسؠ۔ تِم قانون ٲسؠ درُست یوٚتام یسوع آو۔ سُہ زُر یمہِ سُنٛد حوالہٕ خداین دیُت ییٚلہِ تٔمؠ ابرہامس سٟتؠ مہادٕ کوٚر۔ خداین دِتؠ پنٕنؠ قانون موسیٰ ہس تمس فرشتس اتھہٕ واتنٲوِتھ۔ موسیٰؔ اوس منٛزِمیور، سُہ یمؠ قانون لوٗکن تام واتنٲوؠ۔20ووٚنؠ، ییٚلہِ زن اکھ منٛزِمیور کٲم کرِ اکھ دوٚر چھُنہٕ بیٚیِس دٔرِس سٟتؠ سیٚدِ سیٚود کتھ کران، مگر خداین کوٚر پانہٕ سیٚدِ سیٚود وعدٕ ابرہامس سٟتؠ۔21یودوے کانہٛہ پرژھِ ییٚلہِ خداین موسیٰ ہس قانون دِتؠ، تمہِ پتہٕ واریاہہِ کٲلؠ ییٚلہِ تٔمؠ ابرہامس ووٚن زِ سُہ چھُ تس دِنُک وعدٕ کران۔ سُہ اوس پننہِ کتھہِ نِش پھِران۔ تس آو بدل سونچ۔ بہٕ ونہٕ خداین بدلوو نہٕ پنُن سونچ ییٚلہِ تٔمؠ یہِ کوٚر۔ یودوے خداین تیوٚتھ قانون آسہِ ہے دیُتمُت یُس لوٗکن ابدی زندگی لسنس قٲبل بناوِ ہے۔ ابدی تہٕ روحٲنی طور تیٚلہِ آسہِ ہے یہِ یقیناً ممکن اتھ قانونس پیٚٹھ عمل کرنہٕ سٟتؠ یمہِ سٟتؠ خدا لوٗکن راستباز مانہِ ہے۔22مگر ژکہِ چھُ یہِ ناممکن زِ قانون بنٲوؠ انسانن ابدی تہٕ روحٲنی طور لسنس لایق۔ اتھ برعکس صحیفن منٛز درج قانونو پھسٲوؠ لوٗکھ سزہن منٛز پننیٚو گناہو باپتھ۔ یتھٕ پٲٹھؠ بٲنٛدؠ وانہٕ منٛزٕ لوٗکھ ژٔلِتھ ہیٚکان چھِنہٕ خداین کوٚر یی تاکہِ سُہ دیہِ یسوع مسیحسؔ پیٚٹھ پژھ تھاون والیٚن تہِ یمیُک تٔمؠ تِمن وعدٕ کوٚرمُت چھُ تکیازِ تِم چھِ تس پیٚٹھ پژھ کران۔23أمہِ برونہٛہ زِ خدا کرِ اظہار مسیحسؔ پیٚٹھ پژھ تھاونچہِ رٕژِ شیٚچھِ ہُنٛد۔ خدایہِ سنٛدِ طرفہٕ موسیٰ ہس میلن وٲلؠ قانون ٲسؠ اسہِ گٔنٛڈِتھ تھاوان۔ یتھٕ پٲٹھؠ اکھ بٲنٛدؠ وانس منٛز آسان چھِ۔ یہِ سپدِ توٚت تام زِ اسہِ کر مٲنؠ مسیحسؔ متعلق رٕژ شیٚچھ۔ سۅ رٕژ شیٚچھ ییٚلہِ خدا اوس ظٲہر کرنس تیار تہٕ ووٚنؠ کرِنؠ اظہار24یتھٕ پٲٹھؠ اکھ مول پننس نابالغ شُرِس نگرٲنی کران چھُ بچہٕ سُنٛد خیال تھاونہٕ باپتھ تسٕنٛدِ باپتھ اکھ نوکر مقرر کٔرِتھ۔ خدا اوس یِمو قانون سٟتؠ سٲنؠ نگرٲنی کران یوٚت تام مسیحؔ آو۔ تٔمؠ کوٚر یہ تاکہِ سُہ کرِ پننہِ نظرِ منٛز سانہِ راستباز آسنُک اعلان۔ چھرا اوٕ کِنؠ زِ أسؠ چھِ، مسیحس پیٚٹھ پژھ کران۔25مگر ووٚنؠ ییٚلہِ زن خداین مسیحسؔ پیٚٹھ پژھ تھاونُک پنُن پٲغام ظٲہِر کوٚر۔ خدایہِ سٕنٛدؠ طرفہٕ موسیٰ ہس میلؠ مٕتؠ قانون چھِنہٕ اسہِ نگرٲنی کران۔26ووٚنؠ توٚہؠ سٲری یہُودؠ تہٕ غٲر یہُودؠ چھُو زنتہٕ توٚہؠ خدایہِ سٕنٛدؠ شُرؠ تکیازِ توٚہؠ چھُو یسوع مسیحسؔ پیٚٹھ پژھ کران۔ 27توٚہؠ چھُو ووٚنؠ سٮ۪ٹھا چیٚرٕ روحٲنی یکتِس منٛز مسیحسؔ سٟتؠ۔ ییٚلہِ زن توٚہؠ بپتسمہ دِنہٕ آوُو، توٚہؠ اوو ہِشراونہٕ مسیحسؔ سٟتؠ۔28اگر توٚہؠ مسیحسؔ مانان چھُو خدایس نِش چھنہٕ اتھ کانہٛہ قدر زِ توٚہؠ چھُو یہُودؠ کنہٕ غٲر یہُودؠ، غلام کنہٕ آزاد، مرد کِنہٕ زنہِ تکیازِ توٚہؠ سٲری چھُو ہِوِی، یسوع مسیحسؔ سٟتؠ پننہِ رِشتہٕ سٟتؠ۔29أمہِ مزید، چونکہِ توٚہؠ چھُو مسیح سٕنٛدؠ، توٚہؠ چھُو زنتہٕ ابرہام سٕنٛدؠ زُرؠ۔ تکیازِ توٚہؠ چُھو خدایس مٹہ یتھٕ پٲٹھؠ ابرہامس نِش أسؠ تہٕ توٚہؠ تہِ کٔریٚو حٲصِل یہِ تٔمؠ ابرہامس وعدٕ کوٚرمُت اوس۔
Bridge Connectivity Solutions Pvt. Ltd.