عزرا3
1ؤنؠ ٲسؠ اسرائیلی جلایہِ وطنی پتہٕ واپس یِتھ پننٮ۪ن پننٮ۪ن شہرن منٛز بسیمٕتؠ، ہردٕ کالس منٛز سمیاے تِمہ سٲری یکہٕ وٹہٕ یروشلمسؔ منٛز۔ 2پتہٕ کوٚر یُوصدؔق سنٛدؠ نیٚچوؠ یسوعنؔ، تمسنٛدؠ سٲتھی کاہن، سالتی ایلؔ سنٛدؠ نیٚچوؠ زرُبابلن تہٕ تمسنٛدؠ سٟتؠ بٲج اسرائیل کِس خدا سُنٛد قربان گاہ نَوِ سرٕ بناونُک سنٛز۔ تاکہِ تم آسن تتہِ بُزمژٕ قربٲنیہِ تھاوان۔ تم ٲسؠ یژھان نبی موسیٰؔ سںنٛدؠ تِم شریعت بجا انٕنؠ یم خداین تِمن فرمٲومٕتؠ ٲسؠ۔ 3حالانکہ جلاوطنی پٮ۪ٹھٕ واپس یِنہٕ والیٚن اوس تتہِ برونٛہےٕ روزن والین لوٗکن ہُنٛد خوف تہِ۔ مگر تِمو کوٚر تٔتھؠ جایہِ نوو قربان گاہ تعمیر یتِتھ گۅڈٕ قربان گاہ اوس تہٕ لٔگؠ یہُوواہؔ سٕنٛدِ خٲطرٕ تتھ پٮ۪ٹھ پرٛتھ دوٚہہ صُبحن تہٕ شامن بُزمژٕ قربٲنیہِ تراونہِ۔ 4پنٛدہییہِ دوٚہؠ پتہٕ کرِ تِمو یم قربٲنیہِ پیش کرنہِ شروع تہٕ لوٗکو لٲج جایہِ پرٲیشہٕ ہنٛز عید مناونؠ۔ موسیٰؔ ہن فرموو تِمن خدایہِ سٕنٛدِ دتہِ متہِ دستورٕ مطٲبق یہِ کٲم انجام دنہٕ باپتھ۔ یتھٕ پٲٹھؠ زن یہِ موسیٰؔ سٕنٛدِس شریعتس منٛز لیکھِتھ چُھ۔ یمہِ دوٚہہ یۅسہ قربٲنی دِنؠ ضروری ٲس تمہِ دوٚہہ ٲس سۅ دِنہٕ یوان۔5امہِ پتہٕ کرِ تِمو مُتوٲتِر بُزمژٕ قربٲنیہِ تہٕ باقی ضروری قربٲنیہِ پیش۔ یم آسہ نوِ زوٗنہِ ہنٛدِ بڈِ دوٚہہ تہٕ باقی بٔڈؠ دوٚہہ مناونہٕ کِس خصوصی موقن پٮ۪ٹھ پرٛتھ وریہِ یہُوواہؔ سٕنٛدِس یادس منٛز دنہٕ یوان۔ تم ٲسؠ یہُوواہؔ سٕنٛدِس احترامس منٛز تہنٛدِ خٲطرٕ بیٚیہِ تہِ قربٲنیہِ پیش کران نکہِ تمن اوس امہِ باپتھ وننہٕ یوان۔ 6مگر امہِ باوجود کرِ تِمو یہُوواہؔ سٕنٛدِ خٲطرٕ ہردٕ کال شروسےٕ منٛز بُزمژٕ قربٲنیہِ پیش۔ ییٚلہِ زن وُنہِ خدا سٕنٛدِ گرٕچ تعمیری کٲم شُروع گژھنے ٲس۔7اسرائیل یو رٔٹؠ تعمیری کٲم شروع کرنہٕ باپتھ کنہِ کٹاس تہٕ چھان کامہِ۔ تِمو ہیٚتؠ صیداؔن تہٕ طویرؔ شہرٕ کین لوٗکن دیودٲرؠ مونٛڈؠ مٔلؠ، تِمو دیُت تِمن لوٗکن کھیٚن، چیٚنہٕ، تہٕ زیتون تیٖل مُزورِ رنٛگؠ۔ تِمو لوٗکو وٲلؠ یمہٕ لُبنانؔ کیٚو پہاڑو پٮ۪ٹھٕ سمندری وتو یرٕوِتھ یوفاؔ تام یتھ کٔنؠ زن تِمن فارسٕکؠ بادشاہ خورسنؔ گۅڈے ونمُت اوس۔ تمہِ پتہٕ واتناوٕکھ تمہٕ مونٛڈؠ یوفاؔ پٮ۪ٹھٕ یروشلمؔ۔8اسرائیلی لوکو کوٚر یروشلم یِتھؠ دویمہِ وریہِ کِس دوٚیمِس ریٚتس منٛز نوِ سرٕ خدایہِ سُنٛد گرٕ بناوُن شروع۔ اتھ کامہِ منٛز یمو اتھٕ رۅٹ کوٚر تِمن منٛز ٲسؠ یروشلمؔ آمٕتؠ سالتی ایلؔ سُنٛد نیٚچو زرُبابلؔ، یُوصدؔق سُنٛد نیٚچو یسوعؔ تہٕ تہنٛدؠ سٲتھی زِٹھؠ، کاہن، لاوی تہٕ باقی لوٗکھ یم ہجرت پتہٕ واپس آمٕتؠ ٲسؠ۔ تِمو کٔرؠ وُہہ وہرؠ تہٕ وُہہ وہرِ ہیٚور لاوی امہِ کامہِ ہنٛزٕ نگرٲنی باپتھ مقرر۔ 9یسوعؔ، تمسنٛدیو اولادو تہٕ رشتہٕ دارو تہٕ قدمی ایلؔ تہٕ تمسنٛدیو شُریو کٔر یکہٕ وٹہٕ رٔلِتھ خدایہ سٕنٛدِ گرچہِ تعمیری کامہِ ہنٛز نگرٲنی۔ یم سٲری ٲسؠ یہُوداؔ سنٛدیو وٲرثو منٛزٕ۔ یم لوٗکھ حندادؔ سنٛدیو وٲرثو تہٕ تہنٛدیو اولادو تہٕ رشتہٕ دارو منٛزٕ ٲسؠ تِمو تہِ کوٚرہکھ مدد تہٕ تِم تہِ ٲسؠ لاوی۔10ییٚلہِ کارنٛدو خداوند یہُوواہؔ سٕنٛدِ گرٕچ بنیاد ترٲو تہٕ کاہنو لٲگؠ پنٕنؠ لِباس تہٕ پننہِ پننہِ جایہ کھڑا گٔژھتھ بجووُکھ بِگل، پتہٕ گےَ آصفؔ سنٛدؠ نسلٕکؠ لاوی امہِ کِس ردِ عملس منٛز کھڑا تہٕ کٔرِکھ اسرائیل کِس بادشاہ داوود سٕنٛدِ دتہِ مَتہِ ؤطیرٕ خدایہ سنٛدؠ حمد پیش۔ کینٛہہ ؤری برونٛہہ اوس بادشاہ داوودنؔ آصفؔ تہٕ باقی گیٚون والین یہِ کرَنہٕ خٲطرہ ونمُت۔11تہٕ تِمو کٔرؠ یہُوواہؔ سنٛدؠ تعریف تہٕ شکرانَس دوران کرِکھ یم بٲتھ پیش:
"سُہ چُھ سانہِ باپتھ سیٹھاہ بہتر!
تٔمؠ سنٛز رحمت تہٕ ہمدردی چھےٚ ہمیشہٕ اسرائیلس، سُہ چُھ اسہِ ہمیشہٕ محبت کران" ساروٕے لوٗکو دِتؠ بڈِ بڈِ آلو۔ تِمو کٔرؠ خداوند سنٛدؠ تعریف تکیازِ خداوند سٕنٛدِ مقدِسٕچ بُنیاد آیہِ تراونہٕ۔ 12یمو کاہنو، لاویو تہٕ مختلف خاندانن ہنٛدیو زِٹھیٚو منٛزٕ ٲسؠ واریاہ بزرگ یم زانان ٲسؠ زِ پرُون گرٕ کیٚوتھ اوس۔ تم ٲسؠ کارندن تہٕ امہ گرچہِ تعمیری کامہِ کُن وُچِھتھ بڈِ بڈِ ودان تہٕ سَنان زِ یہِ تعمیر ہیٚکیا تیٚوتھ خوبصوٗرت بنِتھ یُتھ زن پرُون تعمیر اوس۔ مگر باقی لوٗکھ ٲسؠ خوشی سٟتؠ وِسان تہٕ کریٛکہٕ دِوان۔13شورٕ شر اوس تیوٗت زِ کانسہِ تہِ اوس نہٕ فکرِ تران زِ کُس چُھ ودان تہٕ کُس چُھ اسان۔ یہِ گریز تہٕ شورٕ شر اوس تیوٗت زِ دور دور تام ٲسؠ لوٗکھ بوزان۔
"سُہ چُھ سانہِ باپتھ سیٹھاہ بہتر!
تٔمؠ سنٛز رحمت تہٕ ہمدردی چھےٚ ہمیشہٕ اسرائیلس، سُہ چُھ اسہِ ہمیشہٕ محبت کران" ساروٕے لوٗکو دِتؠ بڈِ بڈِ آلو۔ تِمو کٔرؠ خداوند سنٛدؠ تعریف تکیازِ خداوند سٕنٛدِ مقدِسٕچ بُنیاد آیہِ تراونہٕ۔ 12یمو کاہنو، لاویو تہٕ مختلف خاندانن ہنٛدیو زِٹھیٚو منٛزٕ ٲسؠ واریاہ بزرگ یم زانان ٲسؠ زِ پرُون گرٕ کیٚوتھ اوس۔ تم ٲسؠ کارندن تہٕ امہ گرچہِ تعمیری کامہِ کُن وُچِھتھ بڈِ بڈِ ودان تہٕ سَنان زِ یہِ تعمیر ہیٚکیا تیٚوتھ خوبصوٗرت بنِتھ یُتھ زن پرُون تعمیر اوس۔ مگر باقی لوٗکھ ٲسؠ خوشی سٟتؠ وِسان تہٕ کریٛکہٕ دِوان۔13شورٕ شر اوس تیوٗت زِ کانسہِ تہِ اوس نہٕ فکرِ تران زِ کُس چُھ ودان تہٕ کُس چُھ اسان۔ یہِ گریز تہٕ شورٕ شر اوس تیوٗت زِ دور دور تام ٲسؠ لوٗکھ بوزان۔
Bridge Connectivity Solutions Pvt. Ltd.