کلسیوں3
1یہِ مےٚ توٚہہِ برونٛہہ وون زِ واپس یُن گوو یتھٕ پٲٹھؠ ہرگاہ خداین توٚہؠ بیٚیہِ زندٕ کرِو، تکیازِ تمؠ کریو توٚہؠ شٲمل، ییٚلہِ تمؠ مسیحؔ دُبارٕ زندٕ کوٚڑ۔ أمی سببہٕ چُھس بہٕ یژھان تُہند توجو روزِ آسمانکین چیزن کن، ییٚلہِ زن مسیحؔ تٔتی چُھ۔ سُہ چُھ ببَ خدایس لرِ تختس پیٚٹھ بہتھ تہٕ ہر کُنہِ چیزن پٹؠھ چُھ راج کران۔ 2بہٕ چُھس سونچان زِ توٚہؠ کریو خوٲہِش تمِچ یہِ خداین آسمانس منٛز تیار تھومُت چُھ نہٕ کہ تمچؠ یہِ زمیٖنہِ پیٚٹھ چُھ۔3توٚہہِ پزِ یمہِ اندازٕ سونٛچن، زنتہِ توٚہؠ مودؠ مٕتؠ ٲسؠ ہو۔ توٚہؠ چھُو روحٲنی طور صرف أمی سببہٕ زندٕ تکیازِ خداین چھُو توٚہؠ پانس سٟتؠ قریبی تعلقاتن منٛز مسیحسؔ سٟتؠ متحد کٔرِمٕتؠ، تہٕ یہِ ہیکیو نہٕ وونؠ زمیٖنس پیٚٹھ وُچھِتھ۔4توٚہؠ چھُو زندٕ تکیازِ خداین چھُو توٚہہِ مسیحسؔ سٟتؠ اتحاد کوٚرمُت۔ لہٰذا ییٚلہِ سُہ زمیٖنہِ پیٚٹھ واپس دُبارٕ واتہِ تہٕ تمس وُچھِ ہر کانٛہہ، تمہِ وزِ ٲسیٚو توٚہؠ تمس سٟتؠ۔ پتہٕ وُچھِ ہر کانٛہہ زِ توٚہؠ تہِ چھُو تمؠ سنٛدؠ پٲٹھؠ جلال وٲلؠ وجود بنیمٕتؠ۔ 5یہِ چُھ تُہند منٛزلِ مقصود تکیازِ تِمن خٲہِشن متعلق سونٛچِو یِم توٚہہِ یتھ دنیاہس منٛز بُرٕ کامہِ کرنہِ چھِ تِمن دشمنن ہندؠ پٲٹھؠ یِم توٚہہِ ہلاک پزن کرنؠ۔ تِمن بُرٕ کامیٚن منٛز چُھ زنا کرُن، ناپاک کامہِ کرنہِ، بدکٲری کرنؠ، بُرٕ کامیٚن ہنٛز خوٲہِش کرنؠ بییٚہِ لالچ کرنؠ، اپزٮ۪ن خداین عبادت کرنس برابر چھِ۔6تکیازِ لوٗکن چھِ یِم خوٲہِشہٕ، خداے چُھ یِمن پیٚٹھ ناراض تہٕ تِمن دییہِ سزا۔7توٚہؠ چھُو تِمنے ہندؠ پٲٹھؠ بُرٕ کامہِ کرنکؠ عٲدی۔ سُہ اوس تیلہِ ییٚلہِ توٚہہِ یِمن خٲہِشن پیٚٹھ عمل کٔروٕ۔8مگر وونؠ چھُو توٚہہِ ایمان اوٚنمُت، توٚہہِ پزِ یِمو بُرٕ کامیو نِشہٕ لوٚب روزُن۔ یِمن بُرٕ کامیٚن منٛز چھے شرارتہٕ سان کٲم کرنؠ، باقین سٟتؠ شرارت ورتاوُن، باقین ہنٛدؠ جزبات مجروح کرنؠ، باقین ہنٛز غٲبت کرنؠ بییٚہِ بد کلٲمی کرنؠ شٲمل۔ 9توٚہہِ پزِ نہٕ بیین اپز ونُن۔ توٚہؠ چھُو نہٕ تِم لوٗکھ یِم توٚہؠ ٲسوٕ، تِم لوٗکھ یِم بدی ہندؠ طریقہٕ ورتاوان ٲسؠ۔10ژےٚ چُھکھ وونؠ اکھ نوٚو شخص، اکھ سُہ شخص یِمس منٛز خداے کٲم کران چُھ یتھ ژےٚ سُہ اصل پٲٹھؠ زانہِ ہین۔ ژےٚ چُھکھ اکھ نوٚو شخص، یُس خدایس ہیو چُھ، یِم ژےٚ أکس نٔوِس شخصس منٛز تبدیٖل کوٚرکھ۔11چونکہ توٚہؠ سٲری لوٗکھ چھُو نوے ییٚلہِ زن یہِ ضروری چُھنہٕ چاہے کانٛہہ چھا اکھ غٲر یہُودؠ یا اکھ یہودی، کٲنسہِ ختنہٕ چھا کنہٕ نہٕ، یا کانٛہہ شخص پردیسی چھا یا غٲر مہذب چھا یا کانٛہہ غلام چھا یا نہٕ۔ امہِ بجایہ چُھ مسیحؔ یُس زیادٕ ضروری چُھ، تہٕ خداین چُھ توٚہہِ سارنےٕ تمس سٟتؠ اتحاد کوٚرمُت۔12خداین چھُو توٚہؠ ژٲرمٕتؠ، تمؠ چھُو توٚہؠ پننٕؠ لوٗکھ الگ کٔرمٕتؠ، سُہ چھُو توٚہہِ لول بران۔ یِمو کامیو تہٕ نوے لوٗکھ آسنہٕ سببہٕ پزِ توٚہہِ باقین سٟتؠ ہمیشہِ اصل پٲٹھؠ سلوٗک کرُن۔ اتھ منٛز چُھ تِمن متعلق فِکِر منٛد روزُن، تِمن پیٚٹھ مہربان آسُن، گمنڈ نہٕ کرُن، بد سلوٗکی نہٕ کرنؠ، زیادٕ کالس نہٕ ناراضگی تھاونؠ شٲمل۔13توٚہہِ پزِ نہٕ آسٲنی سان اکھ أکس ناراض گژھُن۔ ییٚلہِ توٚہؠ باقین لوٗکن تِمن کامیٚن پیٚٹھ الزام چھُو دِوان یِم تِمو کٔرمٕژ چھےٚ، توٚہہِ پزِ تِمن معاف کرُن۔ توٚہہِ شۅبہِ یاد پاوُن زِ خداوندن چھُو توٚہہِ اکھ أکس معاف کرنہٕ باپتھ معٲفی دِژمٕژ۔14ٲخرس پیٚٹھ، یہِ مےٚ ونمُت چُھ یُس ہر کُنہِ چیزٕ کھۅتہٕ اہم چُھ زِ توٚہہِ چُھ اکھ أکس لول برُن۔ یمہِ سٟتؠ توٚہؠ پانہٕ وٲنؠ اتفاق روزیٚو، یتھٕ کِنؠ زن خداین چُھ توٚہہِ یہِ کرنہٕ خٲطرٕ ووٚنمُت۔15توٚہہِ پزِ امن قٲیم کرُن یُس مسیحنؔ توٚہہِ اکھ بنیٲدی عنصر دِیت ییٚلہِ توٚہؠ یہِ انتخاب کریو زِ کیاہ کرو۔ توٚہہِ پزِ یہِ کرُن تکیازِ خداین چھُو توٚہؠ امن قٲیم کرنہٕ خٲطرٕ ژٲرمٕتؠ یتھ کِنؠ سُہ توٚہہِ پانہٕ وٲنؠ نزدیک انان چُھ، زن چھُو توٚہؠ أکس نفرٕ سُنٛد جسم۔ بییٚہِ پزِ توٚہہِ خداۓ سٕنٛز شُکر گذٲری کرنؠ۔16یتھۓ توٚہؠ سونچِو بییٚہِ کٲم کرِو، توٚہہِ پزِ مسیحؔ سُنٛد کلام پوٚرٕ پٲٹھؠ نظرِ تل تھاوُن۔ توٚہہِ پزِ صیحیفن منٛز یسوعس متعلق بٲتھ استعمال کرِتھ، بییٚہِ پاک روحن توٚہہِ بٲتھ عطا کٔرمٕتؠ چھِ اکھ أکس سؠٹھاہ دانٲییٔ سان ہیٚچھناوٕنؠ۔ توٚہہِ پزِ شُکر گُذٲری تہٕ خلوصہٕ سان خدایس کُن بٲتھ گیٚوٕنؠ۔17ییٚلہِ تہِ زانٛہہ توٚہؠ کینٛہہ ونیو یا کرِو، ہر حالتس منٛز شۅبہِ توٚہہِ تِمن لوٗکن ہندؠ پٲٹھؠ پیش یُن یِم خداوند یسوع سٕنٛز نمایندگی کران چھِ۔ بییٚہِ پزِ توٚہہِ خداے سُنٛد شُکر کرُن، یُس سون ببَ خدا چُھ۔ توٚہؠ ہیکیو صرف یہِ مسیحؔ سنٛزِ کامہِ سببہٕ کرِتھ۔18زنانن پزِ خاوند پننہِ گھریُک سربراہ مانُن، چونکہ یہِ چُھ منٲسب سلوک تِمن ہندِ باپتھ یِمن خداین خداوندس سٟتؠ اتحاد کوٚرمُت چُھ۔ 19خاندارن پزِ پنہٕ نین زنانن لول برُن تہٕ تِمن سٟتؠ پزِ نہٕ تلخی سان سلوک کرُن۔20شُریٚن پزِ ہر حالتس منٛز پننِس مٲلس ماجہِ ہنٛز فرمانبردٲری کرنؠ۔ یہِ چُھ خدایس خوش یوان بییٚہِ چُھ یہِ تِمن ہندِ خٲطرٕ منٲسب یِمن خداین خداوندس سٟتؠ اتحاد کوٚرمُت چُھ۔21مالیٚن پزن نہٕ پننٕؠ شُرؠ ناراض کرنؠ۔ نتہٕ ہیکہِ شُریٚن منٛز ترک کرنُک احساس پٲدٕ سپدِتھ۔22غلامن پزِ یتھ دنیاہس اندر پنہٕ نؠن مٲلکن ہنٛد پریتھ کُنہِ حالتس منٛز فرمانبردٲر روزُن۔ تِمن پزِ فرمانبردٲری کرنؠ نہٕ صرف کہ امہِ وزِ ییٚلہِ تِمن پننٕؠ مٲلکھ وُچھان آسان چھِ، یُس زن تِم صرف انسانن خوش کرنہٕ باپتھ ہاوان چھِ۔ تمہِ بجایہ پزِ تِمن پنہٕ نؠن مٲلکن اصل پٲٹھؠ فرمانبردٲری کرنؠ تکیازِ تِم چھِ خداوندس احترام کران۔23توٚہہِ پزِ ہر کانٛہہ کٲم دل دِتھ کرنؠ، یتھ زن توٚہؠ خداوند سنٛدِ خٲطرٕ ٲسیٚو کٲم کران نہٕ کہ صرف انسٲنی مٲلکن ہندِ خٲطرٕ۔24توٚہہِ پزِ امی طریقہٕ فرمانبردٲری تہٕ خدمت کرنؠ تکیازِ توٚہؠ چھُو زانان زِ خداوند دیہِ توٚہہِ یہِ اصل پٲٹھؠ واپس یہِ تمؠ تُہندِ خٲطرٕ تھومُت چھُ۔ یاد تھٲیو زِ خداوند مسیحؔ چُھ اصلی مٲلکھ یمؠ سنٛدِ خٲطرٕ توٚہؠ کٲم کران چھُو۔25توٚہہِ پزِ یاد تھاون زِ کُس چُھ اصلی مٲلکھ تکیازِ خداے دِیہِ تمس بُرٲیی ہند سزا یُس بُرٕ عمل کرِ۔ تکیازِ خداے چُھنہٕ لوٗکن ہندؠ فٲصلہٕ اتھ پیٚٹھ کران زِ سُہ کیُتھ چُھ باسان یا سُہ کُس چُھ بلکہ تِمو کیاہ چُھ کوٚرمُت۔
Bridge Connectivity Solutions Pvt. Ltd.