2 کورنتھین8
1میٲنیو ایماندار سٲتھیو، أسؠ چُھو توٚہہِ یہِ ونُن یژھان زِ خداین کیا کرنس لایق چھےٚ پننہِ فضلہٕ سٟتؠ مکدُنیہ صوبچؠ اکھ ایماندار جماتھ بنٲومٕژ۔2یوٚدوے زن تِمو بڈٕ عِذا تُلؠ یِمو تُہنٛد ردِ عمل آزمو۔ تِم رودؠ اتھہٕ مُژرِتھ تہ یہِ کران رودؠ تِم خوش ہرگاہ زن تِمن پانس کمےٕ اوس۔3بہٕ ہیٚکہٕ پزرٕ سان یہِ ؤنِتھ زِ تِمو کوٚر تہِ سورےٕ پیش یہِ پیش کرُن لایق اوسکھ، بلکہِ پننہِ سکتہٕ علاوٕ تہِ۔ یہِ تِمو کوٚر تہِ ژور تِمو پانہٕ۔4یہِ تِمن دیُن اوس تہِ قبول کرناونہٕ باپتھ رودؠ تِم اسہِ پتے۔ تِم ٲسؠ خدایہِ سنٛدٮ۪ن لوٗکن ہنٛز خدمت کرنہٕ کِس کارس منٛز شریک روزُن یژھان۔5تِمو کوٚر سانہِ امید کھۅتہٕ ژوٚر اسہِ پیش۔ تِمو تھوو پنُن پان آیہِ تن گۅڈٕ خداوند یسوع سنٛزِ خدمت باپتھ امہِ پتہٕ سانہِ باپتھ تہِ۔ یعنی یتھٕ پٲٹھؠ زن خدا یژھان چُھ۔6اوٕ کِنؠ کٔر اسہِ طِطُسس حوصلہٕ افزٲیی زِ سُہ انٛزراوِ تُہنٛد دیُت قبول کٔرِتھ یہِ کٲم۔ یۅسہ تٔمؠ برونٛٹھےٕ خاص پٲٹھؠ شروع ٲس کٔرمٕژ۔7یوٚت تام تُہنٛد سوال چُھ، توٚہؠ چُھو واریہو لِکھو پنٕنؠ پنٕنؠ کٲم رٕتؠ پٲٹھؠ انٛد واتناوان۔ اتھ منٛز چھےٚ شٲمل خدایس پٮ۪ٹھ تہنٛز پژھ تہِ۔ تہٕ بیٚیہِ یہِ توٚہؠ ونان چُھو، یوٗت کینٛژا توٚہؠ زانان چُھو، بیٚیہِ توٚہؠ کٲتیاہ پُر جوش چُھو صحیح کٲم کرنہٕ باپتھ تہٕ أسؠ کوتاہ چُھو توٚہہِ لول بران۔ اوے تہِ پزِ توٚہہِ پننٮ۪ن ایماندار سٲتھین ہنٛدِ باپتھ وژھٕ وٲنجہِ خٲرات کرُن۔8بہٕ چُھسو نہٕ توٚہہِ حکم دِوان پونٛسہٕ دِنہٕ باپتھ بلکہِ چُھس بہٕ یہِ ہاوُن یژھان زِ توٚہؠ چُھو پزنہٕ پٲٹھؠ واے بران سٲتھی ایماندارن ہنٛدِ باپتھ، تُہنٛد مقابلہٕ تِمن سٟتؠ کٔرِتھ یِم ہر وِزِ خٲرات کرنس تیار چھِ روزان۔9توٚہہِ پزِ خٲرات کرنہٕ باپتھ ہر وِزِ تیار روزُن تکیازِ توٚہہِ پزِ ژٮ۪تراوُن زِ سٲنؠ خداوندن یسوع مسیحؔ ہن کِتھہٕ پٲٹھؠ تھوو توٚہہِ مدد کرنہٕ باپتھ پرٮ۪تھ کینٛہہ آیتن۔ تٔمؠ کوٚر یہِ یوٚدوے تس واریاہ کینٛہہ اوس۔ تٔمؠ یوٚژھ توٚہہِ پننہِ اتھہٕ سٲری چیز دِنؠ یِم تس نِش ٲسؠ۔10بہٕ چُھسو توٚہہِ خٲرات کرنس متعلق چھرا پنٕنؠ راے دِوان، تکیازِ میٲنؠ راے بوزُن کرِ توٚہہِ مدد۔ پتمہِ وریہ یوٚژھو توٚہہِ تہٕ کوٚرو شروع خٲرات دیُن۔11وۅنؠ پزِ توٚہہِ یہِ پنٕنؠ کٲم خٲرات کرنٕچ انٛد واتناوٕنؠ۔ یِتھے پٲٹھؠ سپدِ تُہنٛد یژھُن تُہنٛدس کرنس موٲفق۔ تہِ زن گو پننہِ آسنہٕ منٛزٕ کینٛہہ دیُن۔12خدا چُھ وۅنؠ قبول کران یہِ لوٗکھ دِن پننہِ آسنہٕ منٛزٕ، نہ زِ تمہِ منٛزٕ یہِ تِمن چُھ یی نہٕ۔ یہِ چُھ پوٚز یوٚتام لوٗکھ دِنہٕ باپتھ تیار روزن۔13تہٕ یہِ گو نہٕ زِ بہٕ چُھس یژھان توٚہہِ عِذا دیُن ییٚلہِ باقےٕ ایماندار پننِس مزس منٛز روزن۔ بلکہِ چُھس بہٕ یژھان زِ ایماندار باگراون برابری سان یہِ تِمن نِش چُھ۔14فِلحال یہِ توٚہہِ نِش زیادٕ آسہ تہِ ہیٚکہِ اتھہٕ روٚٹ کٔرِتھ کم آسن والیٚن لوٗکن۔ تہٕ پتہٕ ییٚلہِ تِمن لوٗکن تہِ زیادٕ بنہِ تِم ہیٚکن توٚہہِ اتھہٕ روٚٹ کٔرِتھ کم آسنہٕ وِزِ۔ یتھٕ پٲٹھؠ بنن سٲری ایماندار پانہٕ وٲنؠ ٲگرن بٲگرن کٔرِتھ اکھ أکِس برابر۔15أسؠ چھِ یژھان اتھ تِتھے پٲٹھؠ یتھٕ پٲٹھؠ زن کٔمؠ تام لیٚوکھمُت چُھ ییٚلہِ خداین پننہِ قوت سان اسرائیل ین غذا سوز:"یِمن لوٗکن واریاہ اوس تِمن اوسنہٕ پننہِ ضرورتہٕ ژوٚر۔یِمن کمےٕ اوس تِمن اوسنہٕ پننہِ ضرورتہٕ کم۔"16أسؠ چھِ خدایہِ سُنٛد شکُر کران طِطُسس تُہنٛد پرواہ برنکہِ غرضہٕ ۅوٹہِ اننہٕ باپتھ، یتھٕ پٲٹھؠ زن اسہِ تہِ تُہنٛد پرواہ چُھ۔17سُہ چُھ بے شک توٚہہِ سمکھنہِ یِوان یمہِ کِنؠ تہِ زِ تٔمؠ تھوو یہِ کرنہٕ باپتھ سٲنِس وننس کن۔ وۅنؠ گو زیادٕ پہن اوس سُہ پانہٕ پُر جوش تُہنٛد پرواہ برنہٕ باپتھ تہٕ تٔمؠ کوٚر پانہٕ توٚہہِ سمکھنُک اِرادٕ۔18اسہِ ژور پنُن اکھ ایماندار سٲتھی طِطُسس سٟتؠ گژھنہٕ باپتھ۔ ایماندارن ہنٛزٕ واریاہ جمٲژ چھےٚ امسنٛز امہِ کامہِ ہنٛدؠ تعریف کران۔ امہِ وجہ سٟتؠ زِ سُہ کیا چُھ کران رٕژِ شیٚچھِ باپتھ۔19امہِ علاوٕ ژور سُہ ایماندارو ہنٛزو جمٲژو مےٚ سٟتؠ سفرٕ باپتھ۔ سُہ چُھ اسہِ خٲرات رنگؠ یروشلم شہرکٮ۪ن ایماندارن ہنٛدِ خٲطرٕ پونٛسہٕ رٹنس منٛز اتھہٕ روٚٹ کران۔ یہِ پونٛسہٕ قبول کرُن چُھ خداوند خدایس عزت بخشان۔ تہٕ یہِ ہاوان زِ أسؠ کٲتیاہ جوشہٕ ۂتؠ چھِ ایماندار سٲتھین ہُنٛد پرواہ برنس منٛز۔20اوے چھِ أسؠ تہِ کران یمہِ سٟتؠ أسؠ باقین پننہِ اتھہٕ پونٛسہٕ رٹنچہِ کامہِ پٮ۪ٹھ تنقید کرنہٕ نِشہ پوٚت رٹو۔ یُس لوکو دِل کھولِتھ دیُت۔21یہِ زن توٚہؠ پانہٕ تہِ وُچِھتھ ہیٚکو، یہِ پونٛسہٕ رٹنچ کٲم شروع کرنہٕ برونٛہہ کٔر اسہِ رٕتؠ پٲٹھؠ پونٛسہٕ جمع کرنہٕ باپتھ پوٗرٕ منصوبہ بندی۔ اسہِ تھوو نظرِ تل یہِ خداوند خدا یژھان چُھ، مگر اسہِ تھوو یِتہِ نظرِ تل یہِ زن باقےٕ لوٗکھ یژھان چھِ۔22اسہِ چُھ ژورمُت بیاکھ ایماندار سٲتھی طِطُسس تہٕ باقےٕ لوٗکن سٟتؠ گژھنہٕ باپتھ یتھ متعلق بہٕ لٔگؠ تھےٕ ونان رودُس۔ اسہِ پرکھوو سُہ تہٕ اسہِ چُھ پوٗرٕ یقین زِ سُہ چُھ خدایہِ سنٛز خدمت کرنہٕ باپتھ پزنہٕ پٲٹھؠ جوشہٕ ہوٚت۔ پزر گو تس چُھ سٮ۪کہٕ اعتماد زِ توٚہؠ کٔرِو ہر وِزِ صحی، فلحال چُھ سُہ توٚہہِ سٟتؠ خدمت کرنُک جوش ہٮ۪تھ۔23بہٕ چُھس یِمن سارنےٕ ہنٛز سُفٲرِش کران طِطُس چُھ میٲنِس کرنس کراونس منٛز میون شریک تہٕ مےٚ سٟتؠ سٟتؠ تُہنٛز خدمت کرنہٕ باپتھ۔ ایماندارن ہنٛزِ جمٲژ چھےٚ باقےٕ دوٚن ایماندارن سوزان تہٕ یِم چھِ مسیحؔ سُنٛد احترام کران۔24اوے تہِ ہٲیِو یِمن تریٚن نفرن تہٕ باقےٕ ایماندارن ہنٛزن جمٲژن زِ توٚہؠ پزنہٕ پٲٹھؠ ایماندارن ساتھین ہُنٛد واے بران تہٕ توٚہہِ متعلق سانہِ بجہٕ کتھہٕ چھےٚ بلکل پزٕ۔
Bridge Connectivity Solutions Pvt. Ltd.