1Ha'oosneen ane wostet faanir sinniisimato nitto ephpha taati Ha'oosi otmanon ke'nor zagira fu'otiitawa yira shiiphefeniwa.2Ha'oos:«Sholsu sa'atiista neen oden;faruni wonaasta neen argasin!» yifana boor'a.«Ese sholsu wonaas hashwa; faruni wonaas dey hashwa.»
Phawulos Ephpheteena Shana
3Inno wostefeni Ha'oosi wosto kashistonoynamato isa wuzakne ooniknu tuusa aafa siinani wuza.4Es baristan shanaasonnawa rakkoosonna dey tiir'oson fakit Ha'oni wostinynyanimato teetniison zuuttambaase asik Ha'oosik tai'sidifeniwa.5Ha'oni wostinynya sinniison ammanon kisira besuniis ichchok, taatok, rakkatok, wosto wostere hopuk afay'nin turkuknawa maktoknawa.6Esiisimato dey kaymak, aruk, fakiyak, ma'ak, Korto Ayyanaasik zoonustoknawa tane fe asu aafe uba foonto keeshtanakna;7Futoni kaamaasiknawa Ha'oosi hugnakna ookooson alda kushuknawa hoi'ta kushukna neeboni meya zagira ephpha;8Ulfinaknawa salphinakna, waqastoknawa galatni danaknatu faani. Futonir sinna faani eshar yisteni.9Arto sinna faani artonor sinni; kitisetewa yistefenik hayew sinnatu bestefeni, ichchefeniknu aane wortoweni.10Suumo innoosta kar'fanaknu wonna wonna giret faanir; tukam sinna faagedo showoni meyanon otum zaginir; isa wuzni foonto sinna faafenik zuuttambaase innokik faar.11Nitto Qoronxosuk feese asuni meyane! Ese ammanon nittok makeniwa; nibniison taggira nittok gachniwa.12Nittotu keeshtannitiison kaletteno inno keeshtanniison aane kaleniwa.13Aba naanggotbaasik makefenaaysimato makefaat kessa inno nibniison taggira sirki safaraniison ammanon gachcha besinisimato nitto dey ekka zaguti.Amanonoy Asuni Meyaneen Isar Sina Beya
14Sinnoy ugnak amanonoy asuni meyaneen ane isa waanjosi girutiitawa. Ookonewa boor'ne aakkak isar sinak chimnirinso? Chaarefasewa talmaase aakkak isa daa fook chimnirinso?15Kiristoosnawa Dabulosna aakkak isar sinak chimonerinso? Amane baassotnawa amanonoy baassotna aakkak isar sinak chimonerinso?16Ha'oosi betemeqdesiis koo'loosikitoneen ane awuni isarba faarinso? Ha'oos dey;«Foona dimaason darataasa ganesi zaguna;baassoneen ane foona;ta baassok Ha'obesi sinana;baasso dey taak darata sinone.»yira makenaasimato inno hayewa Ha'oosi betemeqdesiwa.17Dey Daamiis:«Baasso ganeyaassin kortera oor kesti;zina sina wuzason ta'utiita;ta dey nittotin ephphatoona;18Ta nittok aba sinana;nitto dey taak arqa naanggotnawa;mashka naanggotne sinati;yifawa zuuttambaase asin chimfa Ha'oos» yiwa.