TIT - BUU3
1Taka ri wawa wa hu Izhi ri no wa to mkpen wa rinkon meme no wa ran ti kyawa wa dindi,2no wa ran tre meme tre ri njo ran, ama no wa son son ri sikpa ri kon ngan, wari ti kpan iwa nji.3Kita ki ran he wa mkpran ran, ki ran ran wo tre ran, wa gyuru ta ki yɨba si, ki he gran ritu kyawa wawa wa gyuru ta yo ri wulu. Ki kambu ri ngambu ritu ngu mba hu, wari wa kamba rita nga kita ki kambu riwa.4Ama riwa Izhi riwa a kpata chuwo ngiji dindi ti wan nga nyɨme wan ye rita.5A kpata chuwo a ran ritu ki ti kya dindi ran, ama ritu lo sron a kpata chuwo dzu riwo Yuu Tsitsri wan riwa a no ta ngɨzhi sisa nga son sisa-riwa a ngla meme ti mbu.6Iyu Tsitsri kigbu riwa a ka no ta dzu ri wo Yeso Kristo riwa a kpata chuwo,7Rinyi he ritu dindi ti wan nye riwa ki ran ti meme ti kusi Izhi ran ki ri he wawa ki fe son riwa a ran kre ran.8Kyawa wanyi iwawu wa he kpunji tre, me wa no yi sondu ran yo tu mbi rimi la tre nyi bran bran ritu no wawa wa hu Izhi no wa yo sron mba ritu ndu wa dindi, itsro nyi wa bi mgbazhi ran, wari he ri ndu ri nji wawa wa yo sron riwa.9Ama ka janyu riwa a he kuklu chuwo, ritu njoo wa timbu nga doka Musa ritu a he kuklu.10Inji riwa ari ngiji janyu ye, inde wu no tre mkpa hari a ka wan wuka kau chuwo.11Wu to ri bibi nji nyi a kpan dri, nga meme ti mba a tsro wana ti ri tsra kusi Izhi ran.12Inde me ti Timos ka Tikikus ndu ye riwu Titus, wu ka ti wuri ye fe wen ri Nikafolis ritu me wa me ri son ri bubu wan hi ri ga.13Ti ko ngye riwa wuti wuri dzon Zenas, nji riwa ari to bla tre nga Apolo ko no wa wulunde vu nkon, nga wu ri no wa kya riwa wa wa.14Wa nji mbu no wa tindu ri gbengbren mba wari fe kya riwa wa ri, ritu no wa ran wuu vi mba kuklu ran.15Wawa wa he rɨme wawu wa tre ri yi tre ri wa kpan mbu wa hu Izhi.
No dindi ti Izhi no he ri yi wawu.
No dindi ti Izhi no he ri yi wawu.
The Word for the World International