REV - BUU5
1Me to imbe riwa wa nye ri kuwo ri wawu riwa a son ri kpanchi; ingan a sho rimi ku nghima haha mba nga wa lo wu iyowo tamgban.2Ngha me to nchon vren ko Izhi, riwa a la ri ran gbangban ri, <<Inga he ri gbengbren ri sii kya riwa wa nyi ran bu mbe Izhi riwa wa lo?>>3Ama injo a ran he ri shu ko ri meme ko ri mgbumgblume riwa ari to bu mbe Izhi ran dran ya mi wan ran.4Me yi bran ritu injo ran he riwa ari to bu mbe Izhi nyi ran dran ya ran.5Imba iri rimi wa rinkon ka tre mo ri, << ran yi ran. Ya! Ichen ri gbu Yahuda, nchon gɨzhi Doda, a ta ri, nga ari to yira lo tamgban ran bu mbe Izhi riwa wa nye.>>6Nga me to ivren ntɨma a kri ri tsutsu kpanchi, ikya nza riwa wa vri waka kagon wan nga wa rinkon. Ivren ntɨma a kri zhu ka wa han. A he ri nju tamgban nga sii tamgban, riwa wa he wu Izhi tamgban riwa wa tindu ye ri mgbumgblume.7Ivren ntɨma-a ka hi ran ka kpa mbe Izhi riwa wa nye ri wo wawu riwa a son kusan wawu riwa a son ri kpanchison.8Riwa a kpa, kyawa wa vri nza nga wa rinkon se hari don nza waka kɨbu mgbazhu ri vren ntɨma. Ko ritan rimi mba a ngɨzhi ngungu nga tsustsu ri zinariya riwa a sho ri ima ri hwi raro riwa wawu nye a he bre wa hu Izhi.9Wa chuse sisa:<<Wu he ri gbengbren riwa wu ban mbe Izhinga wuri bu mbe Izhi.ritu wa wuu ri sen, nga ritu kuu wen ri sro yii wen, wu kpa wa nji chuwo ri Izhiri wa rɨme kankan, ri gɨzhi kankan, ri gbu kankan.10Wu kɨma wa ti kpanchison wa ndu Izhi no wa ti ndu ri Izhi,nga wa ngɨzhi kpanchison ri mgbumgblume.>>11Me bru ya nganga, nga me ri wo raan miri ndu zhi riwa wa kigbu bran bran! Wa kuki ri kusan kpanchison, kyawa wa vri mgbɨre nza nga wa rinkon,12nga wa ran chuse mgbamgban ri:<< Ivren ntɨma riwa wa wuu a ke riwa ari kpa gbengbren, wa kyawa, wiwiri, nga senkpa, nkpen nga gbre!>>13Nga me wo ko ngye riwa Izhi ti wa ri shu, ri meme, nga ri ndodza meme, ri nne, wawu kyawa wa vri ri mgbumgblume nga wa ran chuse:<<Ri gbre nga mkpen nga gbengbrenwa he wa wawu riwa a son ri tu kpanchison nga riwa vren ntɨma hi riwa a ran kre ran!>>14Kyawa wa vri ti nza-a waka nyime ri, <<No he ngamba me!>>Nga wa rinkon waka kɨbu mgbazhu wa ri gbre.
The Word for the World International