REV - BUU10
1Imba me ka to nchon vren ko Izhi ri nganga riwa a zhu ri shu wulu ran ye. wa nye ri kpa wulu nga gigran kagon tu wan; isi wan ka he ka zhi, nga idza wan ka he ka wa he ka igla ri nchi tra ri wulu.2A ngɨzhi vi mbe riwa wa bu ri wo wan. A yo dza wan ri kuwo ri ri tu bane nga dza wan ri kuwota ri meme,3a yo ri raan ri bran riwa a glo ka idzran riwa chen. Kugon riwa a yo, inzan tamgban waka nyime ri raan gbangban.4Kugon riwa wa tre, me ran wa me ri nga. Ama me wo raan riwa a zhu ri shu ran tre ri, <<Ran bu tre riwa inzan tangban wa tre ran; ran nghaa dzi ran!>>5Imba me ka to vrenko Izhi riwa a kri ri tu ba nne nga ri raa ka ndzu wo wan ri kuwo ri ban shu6nga ran shizhi ri nde Izhi, riwa ari son hi ri kre vi, riwa a ti shu, ran ti meme, nga nne, nga kongye rimi mba. Ivren ko Izhi ka tre ri, <<Iwu vi ran he ngaran!7Ama riwa ivren ko Izhi ri tangban a vri rangan wan, imba nye Izhi ri nghran nchi kya riwa a kadzi, riwa a la wa ndu wan wa la tre ri kusi.>>8Imba nye riwa me wo zhu ri shu ka la wen nganga ri,<<Hi wuri ban mbe riwa wa bu wu riwa a he ri wo vren ko Izhi riwa a kri ri tu ima nga meme-a.>>9Nga me ka hi ri vrenko Izhi-a me ri myen ri no nowen vi mbe-a. Ka la wen ri, <<kpa wuri ka tan; a ri kɨma ri ri wu rimi ne, ama ri nyu wen a ri roo ka iton.>>10Me ka ban vi mbe-a ri wo wan me ri ka tan, nga ka roo ka iton ri nyu won. Ama kugon riwa me miyen wu, ka kɨma tingban rimo ri ne.11Imba waka la wen ri,<<Wu bru la tre Izhi nganga ritu kpanji, ri wa rɨme kigbu nga wa chu.>>
The Word for the World International