JAS - BUU4
1Ngye ri ngɨzhi fu nga wanyu ye ri tsutsu mbi? Aran he ritu mbiye riwa bi taku ri sron mbi ran?2bi ye bi ka wa kya, bi ran fe ran, bi wa nyu bi ri wuu ngambi, bi ti mbiye bi ran fe ran ritu riwa bi ran bre Izhi ran.3Ngha ka bi bre, bi ran fe ran, ritu riwa bi ran ri bre ri sron riri ran, riwa bi wuu rinkon riwa bi ri wuu.4Biyi wa ri kpi nji, bi ran to ritu kpan ri gbungblu a he kawen ri Izhi ran? Ko ngan riwa a chu riwa wu ti kpan ri mgbumgblume ari he kpan fu Izhi.5Ka bi to itre riwa a tre ri mbe wan a he kuklu, a tre ri<<Iyu nyi riwa Izhi kau yo rimi mbu ri gben ta a ran he tsawen ran.>>6Izhi nye ri no ta dindi ti. Wawu nye riwa itre Izhi tre ri, <<Izhi ri kawan ri wawa wa ban ngamba ri wawa han ko ngan, ama ari no wawa wa ka tu mba yo ri nme.>>7Ka ngambi no Izhi, kri gbengben ri meme nji, ari klu yi.8Ye kusan Izhi wawu ngawen ri ye kusan wen. Ngla wo mbi biyi wawa bi ti meme ti, nga bi ri Tsri sron ngambi, biyi wawa bi he ri sron hari.9Yii ri ti shnji sron, bi ri taka. Sran nza mbi no he yii, nga no kinklan sron mbi no he kpa sron time.10Ka sron mbi yo rɨme ri Bachi, wawu ri nzu yi dzi nde.11Biyi miri vayi won, ran wa ngambi ri tre ran. Inde ko ngan wa vayi wan ri tre ka a no vayi wan lefi. Inji riwa a wa vayi wan ri tre, a wa bla tre nyu, wu ran ri hu wa tre-a ran. Inde wu no nji lefi ka wuran ri hu doka Izhi ran ama wu bla ri wu.12Inji riwa ari de doka he riri, wawunye ri ti-u, wawu nye he ri gbengbren ri kpau chuwo ran he ri gbengbren ri wuu. Ko a wu wu he ngan riwa wu no vayi wen lefi?13Wawa wa tre ri,<<Luwa ka mi bre ki hi ri bubu nmu ki ri ti se ri ki ri sondu reri kpi kiri ri riba ki sro ngan.>>14Kugon riwa bi ran to kya riwa mibreri ngɨzhi ye ran. Isron mbi he bibi tan? Isron mbi he ka iwulu nye riwa ari chichi kado.15Tsede a he riwa wu tre ri, <<Inde Bachi kpanyɨme ran ngɨzhi ta hi zhuu, ki ti nganyi ki ri ti ngamu.>>16Ama bi sondu ri kpongambi ri kuklu, bibi kpo ngambi he ri kuklu nye.17Ritu ngamba, nji riwa a to kya riwa a bi no ti-u, ran ka wan ri ti-u a ti meme ti nye mba.
The Word for the World International