2TH - BUU1
1Imbe nyi zhu ri ame Bulus, ri Sila, nga Timoti, hi ri wa hu Izhi ri Tasalonika, riwa a he wa A ti mbu Izhi nga Bachi Yeso Kristo:2Ki ibreno Ti mbu Izhi nga Bachi Yeso Kristo no yi dindi ti nga sisron.3Imiri vayi mbu miriron nga mirimba, a bi ki ngɨri ri Izhi bla vi ritu mbi, ritu yosron mbi ri gbron bran nga nyɨme riwa bi he ri wu ri ngambi ari he rigra.4Ikya riwa a no ta kita kyumbu ki kpo ngambu ritu mbi ri tra Izhi. Ki kpo ngambu ritu bibi riwa bi si vu sron nga bi ri yosron ri yaa riwa bi si to.5Rinyi tsro ri wa bla yi sro rimi wawa wa gra ri ko Izhi riwa bi so ya ritu wan.6Izhi ri ti kya riwa a tsra: A ri ngɨzhi ya ye ri wawa wa no yi so ya,7nga ari no yi son vri biyi wawa bi so ya nga kita ngawen. Ari ti kyanyi inde Bachi Yeso a zhu ri shu ri wa ndu wan wa rigra, ri nzan wulu.8A ri no wawa wa kamba ri Izhi nga wawa wana hu tre dindi riwa Bachi Yeso ran.9Wa so ya riwa ri kuu riwa a ran kre ran, wa ŋren wa zho ri kusi Bachi nga ri gbengbren nkpen wan.10Ka a ye ri vi mba riwa ari kpa nkpen nga gbre wan ri wawa wa kpa nyɨme ri wu, biyi ngawen bi he ri wa, ritu wu kpanyɨme ri tre riwa ki la yi.11Ritu wan nye kii sasi bre Izhi ri yi. Ki miyen Izhi no no yi fe riwa a yo yi no yi he. No ko ngye ri dindi riwa bi wa bi ri fe wu nga ran kre ndu mbi ri yo sron.12Ri nganyi, ki ibreno nde Bachi Yeso mbu no fe gbre ri yi, nga biyi ri wu, ri dindi ti riwa Izhi mbu nga riwa Bachi Yeso Kristo.
The Word for the World International