1TI - BUU6
1Wa hu zhi wawu wawa wa he gran no wa to mkpen wanji wa ko mba ritu no wa ran kra Izhi tu wari tsiri tsro mbu ran.2Wawa wa he ri nji wako riwa wa kpa Izhi, no wa ran tsiri wa ran ritu wa he miri vayi rimi Kristo, ritu ngamba wa tindu riwa ri sron riri, ritu wa ko mba wa he wa hu Izhi ngawa, wawa nga wa nyɨme wa.3Inji riwa a tsro kyari nkon riwa a ran tsra ri tsro Yeso Kristo ran tsra ri tsro riwa ari no Izhi mkpen ran,4nji-a ri sentu nga a ran to kya ran. Inji-a si ri janyu ri wanyu ritu kyawa wawa wa iwanyu, ikran, irimɨren ri meme,5Inji wa nyi wa sondu wanyun, isron mba ran bi ran nga wa kɨma gon ti kpunji tre. Ri wa mba wa ban mba ko dindi he nkon riwa wa fe kyawa rimi wan.6Ihu Izhi ran ri no ta tse ki ngɨri ri kya riwa a no ta.7Ki ran ngiji kyari ye mgbumgblume nyi ran, ki kɨma hi ri wo kukulu.8Ama ka ki he ri bi ri nga tsro, a he ri wa ki ngiri.9Wawa wa wa wari he ri wo, wa chichi ku ri mbye wari gra rimi dangban, nga wa ti kyawa ka wa he wa mkpran bibi riwa ari ngiji yaa ye no wa bran bran.10Ai nji riwa a nyɨme nkren ari hu meme nkon ko ran fe wu, nji wari wa ka hu nkon Kristo don ritu nyɨme nkren, rinyi nowa wa gra rimi yaa kan kan kan.11Ama a wu Timoty, nji ri tindu Izhi, ka nkon kyawa wanyi don wuri hu nkon riwa a bi, ri hu nkon riwa Izhi ri wa, iyo sron nga nyɨme nji, ki ri si kpa ran tifu ri nji ran.12Kri mgbemgben rimi yosron wen, ritu Izhi riwa wu kpanyɨme ri wu, ngiji bibi son riwa Izhi riwa a ran ri kre ran riwa Izhi yo-u ritu wan wuri nyɨme ri kya riwa wu kri kusi nji wuri tre.13To ri Izhi ri wo kya riwa me la-u wawu nye riwa ari de vri ri ko ngye, Kristo Yeso ngawen ri ya to, wawu riwa a la kpunji tre kusi Buntus Bilatu,14hu kya riwa me la-u iri no ti, ran yɨwasi ran, ran ti kya riwa wa kra-u tu ran, hi chachu riwa Bachi mbu Yeso kristo ri ye.15Ari ye chachu riwa Izhi ka dzi no ye, ichu riwa wa wa chu, Bachi riwa wa Bachi,16nga wawu nye riwa a ran kuu ran ari son ri bubu ri kpan riwa njo ran hi bubu wan ran, injo ran to zari ran, nga injo ran to ran. Inji wa no mkpen, ari he rinkon hi ri kre, no he ngamba.17La wawa wa he ri wo ri mgbumgblume no wa ran to ka wa han ko ngan ran, wari la wa no wa ran yo sron ri kpa nkren riwa wa riwu riwa ari kre ran, ama lawa no wa ka ngamba ngaa ri Izhi riwa ari no ta kyawa wa mgbumgblume riwa ki to ro mba.18La wa no wa ti kyawa wa ndindi ri nkren mba, no wa ran bu wo rimi dzon nji.19Rimi nkon nyi ari he ka wawa wa ka wo mba ri dzi ri shu no he nchi son mba ri kusi.20Timoti, son ndu ran ti kya riwa Izhi ka dzi ri wu, ran ti kyawa ri tre riwa a ran he tre Izhi ran nga tre ri kuklu wuri kawen ri wawa wa tsro tre riwa a ran tsra ri tre Izhi ran, wa to ka wawa wa he rito.21Wari wa kpa tsro kpa wamba, ritu ngamba wa kamba ri tsro riwa Yeso Kristo. No Izhi ndindi ti no he ri yi wawu.
The Word for the World International