1JN - BUU3
1To bibi nyɨme riwa Izhi nyɨme ta ran yo ta ri ki he miri wan! Nga ngye kya riwa ki he mba, ama nji wawa wa he wa mgbumgblume wa ran to ri ki he miri Izhi ran ritu wa ran to Izhi ran.2Biyi wa kpan won, kita ki he miri Izhi-e, ama a ran la ta bibi kya riwa ki he chachu riwa Kristo ri bru ye Izhi ran bu rita bibi kya riwa ki he rina chachu riwa Kristo ri bru ye ki he ka wawu, nga ki to ri si bibi riwa a he.3Ko ngaa riwa a he ri yosron nyi ri Kristo no tsri ngawan bibi riwa Kristo he Tsitsri.4Nji riwa a ti meme ti ari kawan ri hu doka Izhi ritu meme ti he ika hu doka Izhi.5Nga bi to ri Yeso Kristo ye ritu ran ban meme ti mbi rega ri yi nga wawu ran ti meme ti ran.6Ko ngan riwa a he rimi ka bru tu ri Kristo a ran ri ti meme ti ran. Ama ko ngan riwa ari sondu ti meme ti a ran to Kristo ran.7Biyi miri won wa, no njo ran gyuru yi ritu kya nyi ran nee. Ka nji riwa ti kya riwa a tsra, ari tsro ri wa ti dindi ti bibi riwa Kristo ri ti dindi ti.8Nji riwa ari ti meme ti a he wa meme nji ritu meme nji a ran ti meme ti zhu ri sen. Ama ivren Izhi ye ritu ran kpa ndu meme nji time.9Wawa wa ngɨzhi wa rimi ko wa hu Izhi wa ran ri ti kyawa wa meme ran ritu bibi son riwa Izhi he ri sron mba. Ri ngamba wa ran sondu ran ti meme ti ran ritu wa he miri Izhi.10Ri nganyi nye ki to miri Izhi nga miri memenji tinkan: Nji riwa a ran ti kyawa tsra ran a ran he vren Izhi ran nga nji riwa a ran nyɨme vayi wan ran a ran he vren Izhi ran.11Rinyi nye he tre riwa wa la yi ri mimɨlan ki nyɨme ngambu.12Ki ran he ka Kayinu ran riwa a he riwa meme nji ran wuu vayi wan, Habila riwa a ran ti dindi ti.13Biyi miri vayi won ka mgbumgblume kawan ri yi no ran dren yi dri ran nee.14Ki to ri ki ka kuu don kiri ye ri son ri si, ritu ki nyɨme miri vayi mbu wa hu Izhi nji riwa a ran he ri nyɨme ran a kawan he rimi kuu.15Nji riwa a kawan ri vayi wan a he nji ri wuu nji nga bi to nji ri wuu nji ran ri he son ri si hi kre wan ran.16Ki to bibi riwa inyɨme ri kpunji he ritu Yeso ka vri wan de ritu mbu nga kita ngawen ki ka vri mbu de ritu miri vayi mbu wa hu Izhi.17Ka njo he ri wo nga ran to vayi wan ri ri so yaa ran kɨma gon ti-u, ko inyɨme Izhi ri ti se ran he ri sron wan?18Biyi miri won no ta ran nyɨme ngambu dzu ri nyu ka kre ran, ki ti kya riwa ari tsro ri ki nyɨme ngambu ri kpunji.19Ri nganyi ari tsro ri kita ki he wa hu Yeso, nga bibi riwa ki kri kusi wan ri sron riri,20Ko ka isron mbu ri la ta ri ki he wa meme ti. Nghamba Izhi to sron mbu han ta nga ran to ko ngye.21Biyi miri vayi won wa hu Izhi, ka isron mbu la ta ri ki ran ti meme ti ran ki ka bre Izhi ri sron riri.22Nga ki fe kongye riwa ki bre wu ritu ki ti ko ngye ri wa ari sii Izhi sron.23Ikya riwa Izhi la ta ki ti a he: iri ki nyɨme vren wan Yeso Kristo nga ki ri nyɨme ngambu, bibi riwa Kristo la ta ki ti.24Wawa wa hu tre Izhi wa ki rimi kabru tu ri wu nga wawu ri son ri kabru tu ri wa, nga rinyi ri tsro ta ri a he rimi mbu ki to-u dzu ri Yuu wan riwa a no ta.
The Word for the World International