Phil3
1uture eyewmeθniyw eferHeθ g erreb. elqelqexc max eεewδe exennerye, εlexaTer g uεaweδ eslam yxenyum.2erreθ elbelewwem seg eyDan, erreθ elbelewwem s elli θegen g eθmuHacθ, erreθ elbelewwem seg idiyn elli yezmen g elbδen,3unečin midden nuĎehher eHeqqani εlexaTerne nεebbeδ g rebbi s erruwH unečin netteθfuwxer s elli ygeyenexθi yesuwε elmesiyH unetεemmelc f lumuwr nelbδen,4egedde eεemle felles neč zade. wiδekan eyetεilak elγiriyw elli s elHeqqes δeyεemmel f lumuwr nelbδen, neč eHeqqes.5εlexaTerni mδehre beεδ immerwe s eθmenye iyyam uneč seg bni israYiyl, seg elεerc nbenyamiyn, δeεibrani seg iεibraniyyen w f elHesb nceriyεeθ neč δefariysiy,6w f elHesb nelγiyreθ θemeqqerθ Dleme egget elkeniyseθ, ugetteqwe f elHseb necceriyεeθ neč blac elluwm.7yemenni elli erbHexθi, Hsebe imeniyw exsrexθi f elxaĎer n elmesiyH,8yemenni erniyγ eHesbe kul cey δelxsareθ f elxaĎer n errebH emeqqar, unette elmeεrfeθ n yesuwε elmesiyH. f elxeĎres nette eqbele exesre kul cey eHesbexθi δelwsex bac e rebHe elmesiyH,9usinc eyyikuwn δiys emxan, wetkunexc δ eTTaher s ecceriyεeθ, emme s eliman s elmesiyH, unetteθ eThareθ elli iθučiyθ rebbi f elxaĎer neliman10bac e sne elmesiyH delquwweθ elli teθjelle g wekkeres usinc eθcarxe g elwjeyεes bane m nette g temettentes,11eδewDe iwekkar seg θemettent reγmelli ellessinexc ebriδ.12welHesbexc imeniyw iwyexθi δwele δelkamel, yemenni δejehδe bac e rebHe elli f elxeĎres yerbeHi yesuwε elmesiyH.13ey ewmaθen, elHesbexc imeniyw erbeHe, yemenni ethemmiyδ elHajeθ icθ unetteθ elli ethemle elli δefriyw usinc ejahδe lezδaθ,14eδezle y elγerδiyw, bac e rebHe eddeεweθ nrebbi s yesuwε elmesiyH.15uyelzemne elkulne. nečin elli ennuDaj, enuyuwr g webriδe wiδekan γerwem erray xlaf, rebbi exentinewwer.16yemenni θuwre edj enkebbec s elHqiyqeθ g webriδ elli negguwr δiys.17εaneδmi ey ewmaθen, terqbem yelli egguwren emmax i xennesexne.18enniγawem g eddac nmerre, wexennenne ture s imettawen g tiTTewiniyw, elli ellan eljmeεεeθ egget egguwren g webriδ nelεδu neSSeliyb n elmesiyH.19iyhen ellexerθensen tuwHec, εlexaTer etfekren kan g tiδeswinensen, elmejδensen g elεerensen, welhemmensen g eddunyeθ.20yemenni nečin elHukmenne enedder g esme, elli δeneθlehhef g uraji seyyedne yesuwε elmesiyH elli exenimenneε essis,21unette elli δeybeddel elbeδnenne emuwHec usinc eθyer emelmejδes uγers elquδreθ f kul cey.
Chutney Media Agency Limited