Luke9
1usiyn inabe yesuwε etlemδas leθnac yucasen elquwweθ f ecyaĎen elkul delquδreθ f usebri seg eTTaneθ elkul,2yezenten bac e becren s elmemlxeθ nrebbi eSSebren imuwĎan.3yennasen: «eθewyem Hette cey ywebriδennum: la etteγriyθ, ziyγ ettecxarθ, ziyγ δeγrum, ziyγ δlefluws, weθegemc sent δelqeĎεaθ ywariδ.4welHuwc elli etteδfem, eqqiymeθ diyn, elmeθerHlem esyiyn.5utemuwreθ elli exenqeblenc midnes, efγeθ essis teferDem tγuwbret seg ikreεnennum δeccehδeθ fellasen.»6efγen etlamδe enden g timuwre etbecren g elbcareθ weSSebran g imuwDan.7yesl hiyruwdus elwali s elli ySar elkul, yeθHerre εlexaTer lebHaD nleεbaδ kanen eqqaren: «yuwHenna yekker seg inemmitte.»8uleεbaδ xlaf eqqaren: «iliyya yeffeγ elmerreθ xlaf!» welγirensen yeqqar: «enbi seg iqδiymen yekker.»9yaxi yen hiyruwdus: «yuwHenna neč ebbiyγes ixfes, δ wiyn wahen elli Hekken felles ziyγ?» yeĎleb bac e θyezer.10max i δuwlen imersal eHkanes yyesuwε elli egint elkul, yewiyθen ytemuwreθ ellesmes biytSeyda bac e yebεeδ essisen f leεbaδ.11eslen leεbaδ eθbεent, yeεreDten yeHkeyasen f elmemlxeθ nrebbi, ysebre imuwDan elli iyδsen.12tebδe tefuwθ etteggez, eqrebnes etlamδe leθnac ennanes: «azen leεbaδe bac e xeDmen ytimuwre dijiyman elli qreben, eneεsen diyn efen δmette δečen, εlexaTer nečin g elxle.»13yer fellasen: «ucmasen xenyum bac e čen.» ennen: «γenne kan xemse ettineεne dsent ettiHwiyθin, ukan texseδ enexDem nesγ eče yleεbaδe elkul.»14kanen εuddi xemse laf rajel. yen yesuwε yetlemδas: «esgeεmzenten ettikučaθin ettikučaθin, kul icθ δiys xemsiyn.»15esgeεmzenten emmax i senyenne.16yeTTef tineεnediyn dsentediyn ntiHwiyθin yqam tiTTewines lennej ibarex δiysen ikesserθen yuwcin yetlemδas bac e nferqen f leεbaδ elkul.17ečen elkulhum elδecebεen, laymen etlamδe eθnac ettisiyfes seg elli yefDel.18telle tikkelt yesuwε yezzal weHδes wetlamδe iyδes, yenceδten: «δ wiyn izerren δiyye leεbaδ?»19erren felles: «yuwHenna elmeεmdan. emme ellan elli eqqaren, <iliyya.> wellan xlaf elli eqqaren, enbi seg iqδiymen yekker.»20yennasen yesuwε: «uγerwem xenyum, δ wiyn neč?» yer felles buTrus: «elmesiyH nrebbi.»21inebbeh fellasen yesuwε bac e lleqqaren yHette Hed.22yennasen: «bnaδem yelzem eyeθwejjeε egget, wiwessaren dimeqqaren nelkuhhan dimuεelmen necceriyεeθ eθqeblenc, weyemmenγ, usiyn uggas eθθaleθ eyekker seg ilemmitte.»23yen yleεbaδ elkul: «elli yexs eyyeθbeε yelzem eyenker imenes yqam eSlibes (eyHeDDer imenes Hette ytemettent) kul yuwm yeθbεiyδ.24εlexaTer elli yexs eymenneε leHyeθes etyexser, welli eyexser leHyeθes f elxeĎriyw ettimenneε.25δmette δeyerbeH elεebδ max eyerbeH eddunyeθ elkul yexser imenes ziyγ yehlext?26elli eyesθεar essi dedwiyw, δeyesθεar essis bnaδem as elli eyeddes g elmejδes delmejδ ndadde delmlayxe eTTuhhar.27exennenne elHeq: yelle essiywem δ wiyn elyetjafc kan eyzer elmemlxeθ nrebbi.»28beεεeδ edwiye s eθmenye eyyam yesuwε yiwi iyδes buTrus dyuwHenna dyeεquwb yali yeddehreθ bac e yezzal.29unette yetzalle yembeddel uδmes eδwlen edbeces δimellalen lemεen.30ebδen sen δiryazen dukken yyesuwε, muwse diliyya,31elli effeγen g elmejδ ebδen dukken max yelzem eyjaf yesuwε g uwrceliym bac e θekmel elquδreθ nrebbi.32buTrus deSSuHHabes yeγlebθen enuddem, emme faqen ezren elmejδes diryazen elli bedden iyδes.33qebl eθedjen exeDmen yennayes buTrus: «imuεellem, mesmeH eqqiymi iyδex. edj eneg tlaθe ettiĎelliylin, icθ icex wicθ ymuwse wicθ yiliyya.» ykan elyessiync δmette iyeqqar.34buTrus elyuwc yHekke teseδ esHabeθ teg fellasen eTTel, ukδen etlamδe max i θuδfen g esHabeθ.35yeffeγ edwi seg esHabeθ, yen: «δwahen memmi elli exθeraθ, esleθ edwiys!»36beεεeδ edwidiyn zriyn yesuwε weHδes esegren welleHkiyn yHette Hed g liyyamdiyn elli zrint.37elweječe eggezen seg eddehreθ, eεerDent leεbaδ egget.38izeεweg eryaz essisen: «imuεellem, erqeb memmi elli γeri kan ennette,39etteθmellaxi erruwH ettemenzuwsθ s etzeεwiygeθ teεle, usiyn ettessender elδayeg tixecxuwcin, wettetseyyeb kan ettesseεye tedji δimreDreD.40enγasen yetlemδax eθgelben yaxi elgeddenc ettessuwfγen.»41yer fellasen yesuwε: «melle δeljiyl δelfaseδ elyettemmenc! ellemmi δeqqiyme iyδwem? usinc eSebre fellawem? eγeδ memmiyx eldahen.»42max i yebδe efruwxdiyn yqerreb yyesuwε, yeSreεθ ecciyĎan yessenderθ. yenzer felles yesuwε, teffeγ erruwH temenzuwsθ yebre efruwxdiyn yuwci ydaddes.43esθeγerben elli HeDren elkul seg elquδreθ nrebbi temeqqarθ. unihnin δimesθeγerben seg elli yegi yesuwε, elweqθes yenne yetlemδas:44«esleθ eSbiyH elli δexentenne, bnaδem δeyemmuwc yifassen nleεbaδ.»45yemenni ellefhimenc edwiys, ykan yemmeHrez fellasen bac e θfehmenc, wukkeδen eθencδen felles.46emεanden δ wiyn emeqqar δiysen.47yexez yesuwε elli g ulewnensen, igewweδ efruwx yesgeεmezθ g eljenbes,48yennasen: «elli eyeqbel efruwxe f ellesmiyw eyyeqbel, welli eyyeqbel eyeqbel elli yuzeniyδ, εlexaTer imeθwaDeε δiywem ennette emeqqerennum.»49yen yuwHenna: «imuεellem, nezre eryaz yetgelleb g ecyaĎen s ellesmex weθnedjiyc εlexaTer exyθebbeεc iyδne.»50yennes yesuwε: «edjemt, εlexaTer elli muc fellawem rahu iyδwem.»51max i yiweD elweqθ elli δeyεali δiys yesme, yeεzem uffaxDem yuwrceliym.52yuzen imersal ezzeθes, exeDmen eδfen θemuwreθ nisamriyyen (meεnahe muc δyehuwdi δuSHiH) bac e sHeDren elli eθyelzem.53yaxi midden ntemuwretdiyn elleqqilenc eθeqblen εlexaTer ykan maci yuwrceliym.54max i zriyn etlemδas, yeεquwb dyuwHenna, wediyn ennan: «ya siydiy, texseδ esnen yelεafyeθ eθeggez seg esme θečiyn?»55yebren yenzer fellasen, «eltessinemc seg menten erruwH xenyum,56εlexaTer bnaδem wedyusiyc bac e yehlex ennefs nleεbaδ emme bac e ntiSaleH.» exeDmen ytemuwreθ xlaf.57unihnin egguwren, yennayes eryaz: «ya siydiy, exeθbεe elmeniy eθexDmeδ.»58yer felles yesuwε: «eθεaleb γersen lemnaε, wizenniywen nesme γersen leεcuwc, emme bnaδem leγrec meni eyHuT ixfes.»59yen yesuwε yweryaz xlaf: «eθbεiyδ!» yer felles: «ya siydiy, edjiyδ exeDme ereδme dadde qebl.»60yennes yesuwε: «edj inemmitte ereδmen inemmittensen, emme cex berre beccer s elmemlxeθ nrebbi.»61yennes iyjen xlaf: «exeθbεe ya siydiy, emme edjiyδ ebeqqiyγ qebl midniyw s elxiyr.»62yennes yesuwε: «elli eyHuT ifesnes f elgulli yebren eldeffer liSelleHc yelmelx nrebbi.»
Chutney Media Agency Limited