Luke17
1yen yesuwε yetlemδas: «yelzem eySar elli δeysender leεbaδ g elγleĎ, emme yeHliyle elli δeysender leεbaδ g elγleĎ.2εlexaTer esθemmayel tesiyrθ g texrumtes yemmeHδef g iylel xiyr nelli eysender iyjen seg imezyanene g elγleĎ.3erreθ elbelennum. max eyeγleĎ yuwwex webbexθi umax eyteb eγfres.4max eyeγleĎ g elHeqqex sebεe merraθ uggas, yesδex sebεe merraθ yennex, <tay tabe.> yelzem etsamHeδ.»5ennen imersal ysiydiy: «erniyane g emmenenne.»6yer f ellasen seyyedne yesuwε: «lukan γerwem eliman emelkeεbeθ nelxerdel tenmes ytetuwteyθe, <emmeqleε temmezweδ g iylel.> ture eθesl edwinnum.7lukan γerx emexray yxeddem g elqeεεeθ ziyγ iserreH g esεi, max eyrewweH seg ejiymi estenneδ, <heyye, fiyseε eč.>?8emme δesθenneδ, <HeDDriyδ emensi, čemreδ f iγelnex texδemdiyδ elδeče eswe, usiyn ture eθečeδ tesweδ.>9endre δeyemmecxer exeddame εlexaTer yesle edwi nsiydiys?10sahen Hette δxenyum, max eθegem elli yemmennawem felles elkul, enneθ, <nečin δixeddamen enSelleHc, ennegi kan elli yelzem eθneg.>»11uggebriδes yuwrceliym yeθεedde f essamreθ deljliyl.12max i yuwδef icθ seg timuwre eεerDent εecre δinebraS, bedden ebεeδen felles.13zeεwgen: «yesuwε eyimuεellem, ereHmane!»14yerqebθen yennasen: «berreθ yelkuhhan bac e xennenzin tebram ziyγ la.» unihnin macyiyn ebran.15max i yezre iyjen essisen imenes yebre, yeδwel unette yetmejjeδ g rebbi eSbiyH,16yemmeHδef f uδmes ezzaθ nikraεen nyesuwε yecxerθ, w ykan δsamriy (meεnahe muc δyehuwdi δuSHiH).17yen yesuwε: «muc εecre elli bran? mani tesεe iddiynni?18eddisenc δ wiyn eyeδwel imejjeδ rebbi kan δeberraniye wahen?»19usiyn yennes: «ekker texDmeδ, elimenex ymenεax.»20max i θencδen elHezb nifarisiyyen: «lemmi δeθeddes elmemlxeθ nrebbi?» yerre fellasen: «elmemlxeθ nrebbi etteseδc max eθebδem etεussem.21welyetmenniyc, <tayet dahen!>, ziyγ, <tenni γeDiyn!>, εlexaTer elmemlxeθ nrebbi δiywem.»22yen yetlemδas: «δeyeddes elweqθ eθebδem etteθmennem eθedrem δiys as iyjen seg liyyam nebnaδem, wettedremc.23uδexenyemmen, <tayet dahen!> ziyγ, <tenni γeDiyn!> eθexeDmemc weθeθbεem Hette Hed essisen,24εlexaTer emelberg elli yetDewwe g esme seg θeme yθeme, bnaδem siyn δeyeδwel uggeses.25emme yelzmes eyeθwejjeε egget qebl, umidden neljiyle eθqeblenc.26w emmax i ySar g liyyam ennuwH, siyn δeySar g liyyam nebnaδem.27kanen leεbaδ tetten sessen wettaγen, elwas elli yuwδef nuwH yelfluwkeθ, yeseδ eTTuwfan yenγiyn elkul.28emmax i ySar g liyyam nluwT: kanen leεbaδ tetten sessen, ezzenzen wessaγen, tezwen ubennan,29emme as elli yeffeγ luwT seg seduwm yessuggez fellasen rebbi amzer nelεafyeθ delkebriyt seg esme yenγiyn elkul.30sahen δeySar as elli eyeffeγ bnaδem.31esses elli g esqef yetteggezc yelHuwc bac e yawi erzis. welli g ujiymi yetwexxerc eldeffer.32esfekreθ liwec nluwT!33elli eyHawel eymenneε imenes etyexser welli eyexser imenes etyerbeH.34exennenne: g δeggiyδdiyn δebδen sen g esriyr iyjen, eyemmawi iyjen yemmedj wissen.35uδebδaneθ sent δelwacun f tesiyreθ, eθemmawi icθ temmedj tissent.36uδekuwnen sen g ujiymi, eyemmawi iyjen yemmedj wissen.»37encδent: «mani erreb?» yer fellasen: «meni iθelle eljiyfeθ diyn emlaymen elεgabaθ.»
Chutney Media Agency Limited