Luke11
1yesuwε ykan yetzalle g wemxan, max i ykemmel yennayes iyjen seg etlemδas: «ya siydiy, esseHfĎane enezzal, emmax i yeSSeHfeD yuwHenna etlemδas.»2yennasen yesuwε: «max eθezzallem enneθ: edda, eyemqeddes ellesmex, elmemlekθex δeθeddes.3ucane eγrumenne kul yuwm,4teγferδane leδnubenne, εlexaTer netsameH kul iyjen eyeγleĎ g elHeqqenne, wexentessuδfec g ucerreb.»5usiyn yennasen yesuwε: «elli essiywem γers emedduwkel usiyn esyexDem uggezyen niyD yennes, <erĎliyδ tlaθe ettineεne, eyenje,6εlexaTer γeri emedduwkel yrewweH seg esfer welγriyc eγrum bac e sθHuTTe.>7ayer felles emeddukles seg wemmes nelHuwc, <eyeθqelqec elbab yemsekker widreriyw iyδi g esriyr, elgeddac ekre bac e xuwce.>8exennenne: iδekan elyettekkerc bac e syuwc εlexaTer δemeddukles, rahu δeyekker yuwces elli yexs elkul εlexaTer yqelleqθ egget uggeĎleb.9usahen exennenne: eDelbeθ eθewyem, encδeθ eθafem, δuqqeθ elbab exenyemmiyr.10εlexaTer elli eyenceδ eyewi, welli eyeĎleb ayef, welli eyδuq elbab esyemmiyr.11δ wiyn essiywem esyen memmis uciyδ teHwiyt esyuwc g wemxenes telefse?12ziyγ esyen uciyδ teεDemt esyuwc tγerδemt?13iδekan xenyum imuHacen tessenem max eθgeddem ewce yidrerinnum, menyeθ exθer daddeθwem elli g esme δeyuc erruwH nelqudus yelli Ďelben δiys?»14w ykan yetgelleb g ecciyĎan δebekkuwc. max i yeffeγ ecciyĎan yuθley eryaz, esθeγerben leεbaδ.15ennen qiqqi essisen: «nette yetgelleb g ecyaĎen s beεlzbuwl, emeqqar necyaĎen.»16eĎlben iddiynni ellayeθ seg esme bac e θjerben.17yexez exememensen, yennasen: «kul elmemlxeθ eθemzuwn eθexreb uDan leHweces iyjen s iyjen.18teqqarem elli s beεlzbuwl etgelbe g ecyaĎen, max eyemzuwn belyes, max δeθeqqiym elmemlexθes?19iδekan s beεlzbuwl etgelbe g ecyaĎen, s wiyn δengelben elli δeddasen beεδennum? ecehδen f elγelTTewwem.20wiδekan s weDaD nrebbi etgelbe g ecyaĎen rahu elmemlxeθ nrebbi tusδawem.21eryaz elli yeqwe uγers eslaH δelkamel, max eyεus f elHuces, elmelxes ebδen g ellamen.22emme iδekan ihejemt eryaz eqwas yeγlebθ, esyekkes esleHes elli yetteθεemmeδ f elles iferreq elli yeksesθ.23elli muc iyδi rahu felle, welli elyetleyiymc iyδi rahu yetneTTer.24max eθeffeγ erruwH temenzuwsθ seg elεebδ eθenneD g elxle etHewwem g erraHeθ. umax ettettafc eθen, <eδuwle yelHuwc elli effeγe essis.>25umax eθeδwel ettef δimneĎĎef uδimretteb.26eyexDem yaγeδ iyδes sebεe erwaH uHces, eδfen εemren δiys, teδwel elHal nweryazdiyn g ellexres uwHec numezweres.»27elweqθelli nette iδukke, tzeεweg temeTTuwθ seg eljmaεetdiyn ten: «SeHHe liyhe temeTTuwθ elli tirewex tessesfex.»28yen yesuwε: «εaδ, SeHHe yelli eyesl edwi nrebbi yexδem essis.»29exeθren leεbaδ, yebδe yeqqar: «eljiyle δeljiyl δelfaseδ, Ďelben g ellemareθ, wesenyemmettuwc kanc δellemareθ nenbi yuwnan.30w emmax ykan enbi yuwnan δellemareθ ymidden enniynwa, δeyeδwel bnaδem elli neč yexθari rebbi δellemareθ yeljiyle.31elmelikeθ neljenuwb eθekker δeljiyle as nelHsab teHkem felles, εlexaTer tuseδ seg ellexxer neddunyeθ bac e θesl elHekmeθ nsliyman, uture dahen mekber nsliyman.32umidden enniynwa ekren δeljiyle as nelHsab eHekmen felles, εlexaTer sliyn enebbeh nyuwnan taben, udahen ture mekber nyuwnan.33leHebbe Hette Hed eyceεεel elgaz eθyeHrez welle eθiHuT seddu nelkiyleθ, emme eθiHuT g wemxan yeεle bac e yDewwe f elli ettaδfen.34tiTTex elgaz nelbeδnex. max eθebδe tiTTex ettuSHiyHθ, eyebδe elbeδnex elkul yetDewwe. umax eθeδwel tiTTex etmaDunt, eyebδe elbeδnex elkul etsallesθ.35er elbalex bac e ddukkelc tefuwθ elli δiyx etsallesθ.36kan elbeδnex elkule yetDewwe weddiyc tsellesθ, eyDewwe emmax exyDewwe elgaz.»37unette iδukke, inebaθ iyjen seg elHezb nifarisiyyen yelfĎuwr γers. yaδef elHuces yeqqiym yweče.38yesθeγreb efariysi max i yezre yesuwε yeqqiym δeyeč welyessireδc ifesnes.39yennes seyyedne yesuwε: «xenyum elHezb nifarisiyyen tesseraδem elkas deSHen s berre, welbeδnennum eljaj elkule deTmeε delxubθ.40eyiδerwiycen, wahen elli yege elli s berre, elyegiyc elli s ejjaj zade?41uwceθ yiqelliylen seg elli g elkisenennum dleSHnennum, kul cey eyeδwel δundif yxenyum.42emme yeHliylkum eyelHezb nifarisiyyen! ettuwcem elεcer nenneεnaε dezzeεTer delHcayec elkul, uθettewem aεδel d exse nrebbi. yelzem eθegem wahen menγiyr eθetwem wissen.43yeHliylkum eyelHezb nifarisiyyen! texsem elblayeS tuggezzaθin g elmjameε detHaye g essaHaθ.44yeHliylkum! xenyum eminiylen elli etmezriync, leεbaδ egguwren fellasen unihnin ellessinenc.»45yennes iyjen seg imuεelmen necceriyεeθ: «eyimuεellem, cex s edwiye wahen etsubbeδ δiyne nečin zade.»46yen: «yeHliylkum xenyum zade eyimuεelmen necceriyεeθ, etεebbem egget f leεbaδ wettezlemc eDaD iyjen bac e ntεawnem g uqeminsen.47yeHliylkum, tHefrem g iniylen nlenbye weddaddeθwem elli nγinten.48usahen eθecehδem f daddeθwem twefqemten f elli egint: nihnin enγiyn lenbye uxenyum teHfermasen inilnensen.49f elxaĎer nsahen tenne elHekmeθ nrebbi, <esennazne lenbye dimersal, enγen essisen εeδben,>50Hette δiδammen nlenbye elkul elli emmenγen seg elbδu neddunyeθ, δeyemHaseb f ellasen eljiyle,51seg iδammen nhabiyl eliδammen nzekeriyya elli yemmenγ biyn elmeδbeH ettezeqqe nelqudus. iyh, δeHasbe eljiyle f iδammen niyh elkul!52yeHliylkum eyimuεelmen necceriyεeθ! tiwiyem tenesθ nwassen, xenyum weltuδiyfem, welγirennum ettedjiymc eyaδef.»53elweqθelli nette δeyeffeγ esyiyn, ernin elketiybeθ delHezb nifarisiyyen enqemen felles, ebδen necδen f elHwayej egget,54wetrajen g tuθleyθ seg imiys bac e θetehmen essis.
Chutney Media Agency Limited