Gen7
1yenne rebbi y nuwH: «eyye, aδef cex delli ennex y tefluwkθ lexaTer ufiyγex cex w eHδex δeSSaleH g leεbaδ.2awi iyδex seg kul ennuwε n elhuwc δeTTaher sebεe δedxuwr dsebεe δenwaθi, dsen edxer dennaθi seg kul ennuwε n elhuwc emenzuws,3tawyeδ iyδex zade sebεe δedxuwr dsebεe δenwaθi seg kul ennuwε n iciciywen bac e θedder usinc eθexθer g elqeεεeθ.4beεδ sebεe eyyam eseybe amzer erbεiyn yuwm δeggiyδ ddugges bac e meHqe kul cey yetteθneffes f uwδem n elqeεεeθ.»5yege nuwH max i yenne rebbi.6ykan elεmer ennuwH sette myat εam elweqθelli yewweθ eTTuwfan n wamen elqeεεeθ.7yuwδef nuwH dliweces didreriys delwacunensen y tefluwkθ bac e menεen seg wamen n eTTuwfan8uzade elhuwc diciciywen detεaben emenzuws deTTaher.9uδefen dnuwH y tefluwkθ sen sen edxer dennaθi max i yenne rebbi y nuwH.10beεδ sebεe eyyam yfaD amen f elqeεεeθ elkul.11g usukkes sette miyye s elεmer ennuwH, g weyyuwr eθθani g was sebeεtac, teqqeS θaδisθ n elqeεεeθ seg wamen, yewweθ amzer egget seg ejenne.12yeqqiym eTTuwfan siyn erbεiyn yuwm δeggiyδ ddugges.13g wasdiyn elli yersem δiys eTTuwfan, yuwδef nuwH dliweces didreriys sam, Ham dyafeθ delwacunensen y tefluwkθ.14yaδef iyδsen elhuwc diciciywen detεaben seg lenwaε elkul.15yuseδ elhuwc s lenwaε elkul y tefluwkθ yaδef dnuwH sen sen,16edxer dennaθi uδefen max i syenne rebbi w elbeεδ isuwδef rebbi nuwH yer felles elbab n tefluwkθ.17yeqqiym eTTuwfan erbεiyn yuwm g elqeεεeθ, yexθer amen elmi ysuwli tefluwkθ lennej.18yexθer amen yerni yuwli lennej elmi teδwel tefluwkθ ettesellef enni amen.19amen yeδwel egget enni elqeεεeθ elmi yireD edhari elkul.20yiweD elεelwes xemstac n eδraε enni edhari.21elweqθes yemmuwθ kul cey yetteθneffes g eddunyeθ seg elhuwc diciciywen detεaben dleεbaδ.22yemmuwθ kul cey eθedder g elqeεεeθ.23yemHeq eTTuwfan seg uwδem n elqeεεeθ kul cey yetteθneffes leεbaδ, elhuwc, iciciywen detεaben. elkulhum emmuwθen w elyeqqiym kan nuwH delli iyδes g tefluwkθ.24yeqqiym amen enni elqeεεeθ iθezzel miyye uxemsiyn yuwm.
Chutney Media Agency Limited