Gen47
1ibed yuwsef ezzaθ n ferεuwn yennes: «rahu dadde dewmeθniyw usiynd seg kenεan nihnin desεiynsen delhucensen delli γersen elkul g elqeεεeθ n kenεan. unihnin ture g elqeεεeθ n jasan.»2yiwi xemse s ewmeθnes iyδes ysexniyn y ferεuwn.3yenceδten ferεuwn yenneyasen: «δmat iθxedmem?» ennanes: «nečin ddaddeθne dbabeθne δessurraH n esεi.4unuseδ δeneθγerreb dah lexaTer esεiynne elyufiyc δmat δeyeč g elqeεεeθ n kenεan s ezzemmeθ. edjane eneεmer dah g elqeεεeθ n jasan.»5yenne ferεuwn y yuwsef: «daddex dewmeθnex useδnex,6welqeεεeθ n miSr elkul ezzeθex, HuT daddex dewmeθnex g elqeεεeθ tebehhayθ. edjin eεemren g elqeεεeθ n jasan. wiδekan δiysen δ wiyn egget etgedden egiyn δerruwyyes f essurraH n esεi.»7welbeεδ yuwγeδ yuwsef daddes yeεquwb yesbeddi ezzaθ n ferεuwn. elweqθes ibarex yeεquwb ferεuwn.8yenceδ ferεuwn yeεquwb yennayes: «menyeθ elεemrex?»9yerrayes yeεquwb yenne: «yiweD elεemriyw miyye utleθiyn εam, δruws yemenni eεyiyγ uneč elliwiDexc elεmer n lejdediyw.»10welbeεδ ybarex yeεquwb ferεuwn yeffeγ f imenes.11yseεmer yuwsef daddes dewmeθnes g miSr yerni yuceyasen elqeεεeθ tebehhayθ g reεemsis max i syenne ferεuwn12yeqqiym yuwsef iθuč g weče ydaddes dewmeθnes dleεbaδ n elHuwc n daddes f elεδeδ n idreriynsen.13yuqe eγrum g temuwreθ elkul s elez. elqeεεeθ n miSr delqeεεeθ n kenεan tewwettent elmejaεeθ.14izenz yuwsef iyrδen s elfeTTeθ elli tkan g temuwreθ n miSr ettemuwreθ n kenεan welbeεδ yiwit y elxziyneθ n ferεuwn.15elweqθelli tuqe elfeTTeθ seg θemuwreθ n miSr ettemuwreθ n kenεan usiynd imiSriyyen elkul y yuwsef ennanes: «uwcane eγrum, imat exentedjeδ enemmuwθ ezzaθ n tiTTewinex? rahu elfeTθenne tuqe.»16yenneyasen: «max i θuqe elfeTθewwem, eγδeθ esεiywwem exennuwce g elεuDes eče.»17yaxi emreqen uγiynd esεiynsen. yzenzasen yuwsef eγrum yawi elHeqqes δelHSenne desεi difunasen diγyal. g usukkesdiyn zenzen leεbaδ esεiynsen elkul f elxaĎer n weγrum.18max i yuqe esukkesdiyn, useδnes g usukkesdiyn elli beεδes ennanes: «nečin enHerrezc fellex. rahu elfeTθenne tuqe wesεinne dezwaylenne enzenzexθen ture welyeqqiym γenne kan δlebδenenne dijiymenenne.19taye nečin delqeεθenne ezzeθex γiyr exentedjec enemmuwθ. uwcane eγrum tewiδane nečin delqeεθenne usinc eneδwel nečin delqeεθenne δixeddamen y ferεuwn. uwcane ezzerriyεeθ etnezzu bac e nedder wentmettiyc weltxelliyc elqeεθenne.»20ekehew yesγe yuwsef y ferεuwn elqeεεeθ n miSr elkul lexaTer imiSriyyen elkul zenzen ijimenensen s ezzemmeθ elli tewwetten. elweqθes teδwel elqeεεeθ n miSr elkul y ferεuwn.21welbeεδ yuwγeδ leεbaδ seg eθbuqεaθin n miSr elkul yejmelten g timuwre timeqqarin.22yemenni elyesγiyc elqeεεeθ n elkuhhan lexeTerhum kanen tetten s elbay n weče elli yθučasen δiys ferεuwn. welkuhhan elzenzenc elqeεθensen zade.23welbeεδ yenne yuwsef y leεbaδ elkul: «taye esγiγawem asse xenyum delqeεθewwem. teδwlem elkulkum δixeddamen n ferεuwn. awyeθ ezzerriyεeθe bac e ttezwem g ijiyman.24ugelweqθ n wamjer uwceθ y ferεuwn elbay tedjem y xenyum erbεe δelbeyeθ δezzerriyεeθ y ijiyman uδeče y xenyum dleHwecewwem didreriywwem.»25ennanes: «cex eθmenneεδane seg temettent. besTe erDe fellane unečin eneδwel δixeddamen n ferεuwn.»26s elweqθes elture yege yuwsef elbay n elxums g elqeεεeθ n miSr y ferεuwn kan δelqeεεeθ n elkuhhan ettuč yferεuwn.27eyendeγ yeεmer yeεquwb didreriys g elqeεεeθ n jasan emelxen diyn arwen exeθren zade.28yedder yeεquwb sebeεtac n εam g miSr elmi yiweD elεemres miyye usebεe werbεiyn.29max i dyuwse δeyemmuwθ inabe y memmis yuwsef yennes: «iδekanek δerraDi felle, HuT efusex seddu elfexδiyw, tedjuwlleδ elli eyeθreδmec g miSr.30yemenni HuTTi g eljneb n midniyw. awyi seg miSr terδemδi g eθjebbentensen.» yenne: «neč δege max i θenniyδ.»31yemenni yeεquwb yennayes: «edjul.» yedjul yuwsef, yerkeε yeεquwb f iyxef n esriyr iHemmeδ g rebbi.
Chutney Media Agency Limited