Gen44
1ubeεεeδ yenne yuwsef y errayes n ixeddamen n elHuces: «εebbe tisnayin n iryazen seg weče egget egget tHuTTeδ elfeTTeθ n kul iyjen essisen g iymi n tisniθes.2tHuTTeδ elkesiyw n elfeTTeθ dlefluws n iyrδen g iymi n tisniθ n umezyenensen.» yeg exeddamdiyn max i syenne yuwsef.3max i θeqqeS tefuwθ, uzenen iryazen nihnin diγyelensen.4eddebelli bεeδen lewse f elmdiyneθ yufley yuwsef y uxeddam n elHuces yennes: «ezzel δefrensen weddebelli entewδeδ ennasen, imat θenberem afus tezlawem elxiyr?5imat tesreqem elkas n elfeTTeθ elli ises δiys siydiy? eyendeγ elkas yetberrej essis. s elεemleθe xenyum θegiymes θemuwHacθ.»6max i ntyiweD yenneyasen max i θiweSSe yuwsef.7elweqθes erren felles ennanes: «imat siydiyθne iδukke sah? nečin entegc elεemleθ emtah.8nečin, δelfeTTeθ elli nufiyt g tisneynenne, nerriyt iyδne s elqeεεeθ n kenεan. imat enesreq ture elfeTTeθ uneγ δuwreγ s elHuwc n siydiyx?9elli eθafeδ iyδes elkas enγi unečin eneδwel δixeddamen y siydiyθne.»10yenne: «neč δege s edwiyx yemenni elli eδafe iyδes elkas eθerre δexeddemiyw widdiyn entseybe erewHen.»11isuggez kul iyjen essisen fiyseε fiyseε tisniθes g elqeεεeθ welbeεδ imiyr kul iyjen essisen tisniθes.12yebδe yetferkes δiysen s iyjen s iyjen, seg emeqqar elumezyen elmi iθyuwfe g tisniθ n benyamiyn.13elweqθes cerxen edbecensen welbeεδ qamen tisneynensen f iγyelensen eδwlen y elmdiyneθ.14max i yiweD yehuwδa dewmeθnes y elHuwc n yuwsef unette diyn erkεen ezzeθes f elqeεεeθ.15yenneyasen yuwsef: «imat θegiym sah? eltessinemc elli neč δeryaz yetged yetberrej.»16yenne yehuwδa: «δmat δexnen? nečin welγernexc δmat δenen? δmat δenen beεδ ixenyefDeH rebbi? nečin delli tufiym γers elkas neδwel δixeddemnex.»17yenne yuwsef: «wahen Hram. neč etgeddexc ege sah. yemenni eryaz elli ufiyγ γers elkas δeyeδwel δexeddemiyw widdiyn neč wesentege Hette cey heδake εlac δemerqen erewHen y daddensen labas.»18yeqreb yehuwδa y yuwsef yennes: «ya siydiy, samHiyδ. edji exuflaye weθeθγececec felle εlexaTer cex emferεuwn.19cex tenceddane, yendre γerwem daddeθwem dyuwweθwem uneγ la.20nennayex, γenne daddeθne δewesser dwengluws δemezyen yiruθi g elkebres. yuwwes yemmuwθ unette yeqqiym weHδes seg yemmes udaddes yexsi egget.21yaxi tenniδane ha siydiy, eγδemti bac e θenziyγ.22nennayex ha siydiy, litgeddec engluws eyedj daddes lexaTer lukan ebeεδen f beεDhum eyemmuwθ daddeθne.23yemenni cex tenniδane, eltzerremc uδmiyw lukan etteγδemc yuwweθwem emezyen iyδwem.24max i nrewweH y daddeθne exeddemex nennayes δmat ixentenniyδ.25umax i xenyenne daddeθne, emerqeθ elmerreθ xlaf tesγmane lewse n weče,26nennaθ, netgeddec eneggez lexaTer nečin netgeddec enzer uwδem n elHakem n miSr kan max enawi yuwweθne emezyen iyδne.27yenneyane elweqθes exeddemex daddeθne, xenyum tessenem elli liweciyw, raHiyl tiyrewi sen δidrari berk.28exsere iyjen essisen egeγ g elbeliyw elli yeči elhuwc g essewweθ. s elweqθes elture eθezrixc.29wiδekan eθewyem wahen essi zade usinc esyejre ecceHaje, uneč δeryaz δewesser emmuwθe s uliyw.30wiδekan nečin enrewweH weHδane, daddeθne eyemmuwθ unette ikezzem usinc eθnerδem g weniles. lexaTer nette yexs memmis exθer n imenes.32neč εahδe dadde elli δeserre memmis labas wenniyγes, iδekan eθetteγδexc eltweliyx, eqqiyme leHyeθiyw elkul δelγaleĎ δiyx.33billehi egi neč δexeddemex g elεuDes. tedjetti nette eyrewweH dyeθmes.34iδekan litrewweHc iyδi benyamiyn neč etgeddexc emerqe ydadde usinc ebδiyγ nedziyγ δiys unette yetmette ezzeθiyw.»
Chutney Media Agency Limited