Gen42
1max i yesle yeεquwb elli yelle iyrδen g miSr yenne y idreriys: «imat teqqiymem sah iyjen inedzi g iyjen?»2yenne: «esliyγ, yelle iyrδen g miSr, berreθ eldiyn eseγmane iyrδen bac e neqqiym nedder wentmettiyc.»3yaxi eggezen ewmaθen n yuwsef elεecre y miSr δesγen iyrδen.4yemenni yeεquwb elyuziync benyamiyn yuwwes n yuwsef iyδsen lexaTer yθekkaδ felles esyejre ecceHaje.5usiynd idrari n israYiyl g wemmes n leεbaδ elli δesγen iyrδen lexaTer elez yewweθ elqeεεeθ n kenεan elkul.6ykan yuwsef eyendeγ elHakem g elqeεεeθ n miSr unette elli yezzenze g iyrδen y leεbaδ n timuwre elkul. usiynd ewmaθen n yuwsef emmeHδfen ezzeθes wuδmewnensen g elqeεεeθ.7max i ntyezre yuxezθen yemenni yege imenes entyessiync yerni yufleyasen unette izegge fellasen yenneyasen: «meniys ittuwsim?» ennan: «seg elqeεεeθ n kenεan δenseγ eče.»8yuwsef yuxez ewmeθnes yemenni n ihnin eθuxizenc.9yesfekker yuwsef mat eyettirjiyθ f eyeθmes welbeεδ yenneyasen: «xenyum tusiymd δeθenzim elbiyban n temurθenne bac e θeδfem esyiyn usinc exentenγem.»10ennanes: «la, ya siydiy, la, nečin ixeddemnex nuseδ δenseγ eče.11nečin δidrari n weryaz iyjen. nečin nebhaθ wendaf wenγedder Hette iyjen.»12yenneyasen: «la, xenyum tusiymd δeθenzim elbiybenenne elli miyren.»13ennanes: «nečin eθnac δewmaθen, δidrari n weryaz iyjen iεemmer g kenεan. emezyenenne yeqqiym ddaddeθne uwissen iraH.»14yenneyasen yuwsef: «la, yemenni max i xennenniyγ xenyum tusiymd δeθenzim θemurθenne.15s iyxef n ferεuwn, elle wettefγem esyah kan max eyettaγem yuwweθwem emezyen. elweqθes esne elli xenyum eltesxerxusemc felle.16azneθ iyjen essiywem edyeγ yuwweθwem, yemenni iddiyn eqqiymen g elHebs elmesne elli xenyum tesxerxuwsem uneγ la.»17iHuTTiyn jmiyε g elHebs tlaθe eyyam.18g was eθθaleθ yennasen: «egeθ δmat exennenne, eθedrem. εlexaTer neč δeryaz essene rebbi uθekkaδe essis.19wiδekan xenyum belHeq eltesxerxusemc edj eyeqqiym iyjen essiywem g elHebs, widdiyn eδawyen iyrδen y leHwecewwem bac midnewwem etmettanc s elez.20eγeδmi yuwweθwem emezyen bac e xennesne f elHeq usiyn exenneqqexc.» egen emmax i senyenne.21ennan y beεDhum: «nečin belHeq nege eδnuwb g yuwweθne. elqulli yetmelgane unečin ennesxiyfc f elles yuDe δiyne eδnubenne.»22yenneyasen ruwban: «enniγawem eθegemc timuwHac yyuwweθne yemenni xenyum elteqqilemc eθeslem edwiye. ture iδemnes g eθxerminenne. uyelzem enxelleS.»23elweqθes nihnin ellessinenc elli yuwsef yefhem edwiynsen elkul lexaTer ykan iδukkeyasen ujares iyδsen iyjen yetfesrasen g edwiynsen.24yebεeδ fellasen yekker iθerw menγiyr eθezren welbeεδ yeδwel yufleyasen. yeTTef cemεuwn essisen yeqqenti ezzaθ n tiTTewinensen.25yenne yuwsef yixeddemnes: «εebbeθ tisnayin n ewmaθen n cemεuwn δiyrδen termasen elfeTθensen elkul tucmasen elεwin y webriδ.» egen max i senyenne.26qamen irδnensen f iγyelensen eTfen ebriδ δerewHen.27max i bedden δenenεsen imiyr iyjen essisen tisniθes bac e yeεlef y weγyules. yeθlameH elfeTθes lexaTer eθkan g iymi n tisniθ θemHuT.28yenne yewmeθnes: «neč erriyni elfeTθiyw. enziyθ taye, enziyθ g tisniθiyw!» yeθbeddel uδmewnensen serreεbeθ eδwlen reεcen enzin ibeεDhum ennen: «rebbi ysender δiyne elfeεlenne!»29max i DiwDen γer daddensen eHkanes δmat iyejre δiysen. ennan:30«elHakem n miSr yufleyane unette izegge f ellane. yerni yetεilekane δleεbaδ nuHec unuδef miSr bac enessen elbiybenes.31nennayes: <nečin δleεbaδ nebhaθ wenγedder Hette iyjen.32nečin eθnac δewmaθen, δidrari n weryaz iyjen. iyjen iraH wemezyenenne yeqqiym ture ddaddeθne g elqeεεeθ n kenεan.>33yenneyane: <sahen δesne elli xenyum teqqarem g elHeq uneγ la. edjeθ iyjen essiywem γeri. tawyem δmat exenyezze δeče y leHwecewwem temerqem f imenewwem.34eγeδmi yuwweθwem emezyen bac e sne elli xenyum f elHeq w δ leεbaδ tebham. elweqθes exennuwce yuwweθwem. usinc eθgeddem eθeqqiymem dah weθuyuwrem g temuwreθe max i θexsem.>»35max i bδen etferγen g tisneynensen yufe kul iyjen essisen teSriyrθ n elfeTθes g tisniθes. max i zriyn tiSriyrin n elfeTTeθ, ukδen nihnin ddaddensen.36yenneyasen daddensen yeεquwb: «θenγiymi idreriyw. yuwsef iraH ucemεuwn eHebbec utaye δeθawyem benyamiyn. wah elkul yeggez felle.»37yufley ruwban y daddes yennes: «enγ sen idreriyw iδekan elleδwilexc essis. uciyθi uneč eDemne elli δexetterre.»38yemenni yeεquwb yenne: «memmi limerreqc iyδwem, lexaTer yuwwes yemmuwθ unette weHδes yeqqiym. lukan esyejre ecceHaje g webriδ, uneč δeryaz δewesser emmuwθe s uliyw.»
Chutney Media Agency Limited