Gen40
1telle elmerreθ essaqi duxebbaz eγleĎen g siydiynsen elmlek n miSr.2yeθγeccec ferεuwn egget f ixeddemnes lessenniyn, errayes n essuqqay derrayes n ixebbazen.3iHuTTiyn g elHebs n errayes n iεessasen meni iykan yuwsef yemmeHbes.4ykellef errayes n iεessasen yuwsef δentyexδem. eqqiymen lessenniyn liyyameθ g elHebs.5as iyjen g δeggiyδ yezre essaqi n ferεuwn duxebbezes unihnin g elHebs kul iyjen essisen tirjiyθ.6max i yuwδef fellasen yuwsef talji bekri yuwfin kezmen.7yenceδten: «imat asse uδmewnewwem jehmen?»8ennanes: «yezre kul iyjen essiyne tirjiyθ. weHebbac δ wiyn exentifesser.» yenneyasen yuwsef: «efesser n tirjiyθin δegli n rebbi. enmi fellasen.»9yeHke errayes n essuqqay tirjiyθes f yuwsef. yennayes: «ezriyγ g terjiθiyw teεenbeyθ ezzeθiyw.10δiys tlaθe δleεref. tege tifray eθnewwer ufiyseε fiyseε Ďaben icermexes.11elkas n ferεuwn eθkan g wefusiyw. qame elεneb eεeSrexθi g elkas n ferεuwn welbeεδ uciyγ elkas y ferεuwn.»12yennayes yuwsef: «tirjiyθex tenne: tlaθe δleεref n ihnin tlaθe eyyam.13beεδ tlaθe eyyam exyqam ferεuwn ixfex usinc exyer emqebl elweqθelli tkaneδ ettezzelδes g elkas.14max eθeθHessen leHwelex ereHmiyδ eyθetwec θendas y ferεuwn felle bac e yimenneε s elHebse.15lexaTer ywiyni s elqeεεeθ n iεibraniyyen embessiyf welbeεδ emHuTTe g elHebs uneč wellegiyγ Hette cey.»16max i yezre errayes n ixebbazen elli efesser n yuwsef yebhe yennayes: «ezriyγ neč zade tirjiyθ, tlaθe ettisiyfes n weγrum emellal enni ixfiyw.17eθkan tisiyfesθ tiglennejθ tεebbe seg weče elli yegi exebbaz y ferεuwn, yemenni iciciywen kanen tetten δiys seg essiyfesθ enni ixfiyw.»18yennayes yuwsef: «tirjiyθex tenne: tlaθe ettisifiysin n ihenti tlaθe eyyam.19qebl tlaθe eyyam eyebbi ferεuwn ixfex usinc exyayel f weγru usinc ečen iciciywen exsumex.»20as eθθaleθ yekker as elli yemmaru δiys ferεuwn. ferεuwn yege elHefleθ y ixeddemnes elkul. yaγeδ s elHebs errayes n essuqqay derrayes n ixebbazen ezzaθ n ixemmesnes.21yerre ferεuwn errayes n essuqqay y elxeδmtes yeδwel iθezzel g elkas y wafus n ferεuwn.22yemenni errayes n ixebbazen yuyelti ferεuwn f weγru max i yenne yuwsef.23yemenni errayes n essuqqay yettu yuwsef welyufleyc y ferεuwn felles.
Chutney Media Agency Limited