Gen4
1yεacer adem liweces Hewwe tarwes qayiyn. ten: «yucayiyδ rebbi efruwx.»2usinc taru enjes habiyl. habiyl yeδwel δeniylti n esεi, uqayiyn δefellaH.3beεεeδ liyyam yuwce qayiyn seg elγelleθ n elqeεθes y rebbi.4yuwc habiyl seg esεiys emenzu delli γers elliyyeθ. yeqbel rebbi habiyl dweγliys.5emme elyeqbiylc qayiyn dweγliys. yeθγeccec qayiyn egget elmi yezDaf uδmes.6yenceδ rebbi qayiyn: «imette iθeθγecceceδ? ecbiyh uδmex δezeTTaf?7lukan θegiyδ elHajeθ tebhe, telliyδ ferHan. emme iδekan eltegiyc elxiyr, eδnuwb yetraje g elbab δimeθlehhef icex, emme yelzem eθeθHekmeδ δiys.»8yen qayiyn y enjes habiyl: «est edj enexDem y ujiymi.» max i bδen g ujiymi, yehjem qayiyn f enjes habiyl yenγi.9yenceδ rebbi qayiyn: «mani enjex habiyl.» yennes: «ellessinac, endre neč δeεessas n enje.»10yennes rebbi: «mette iθegiδ? iδammen n enjex etzeεwegniyδ seg elqeεεeθ.11seg ture cex δemelεuwn seg elqeεεeθ elli tmiyr imiys y iδammen n enjes seg ifesnex.12max eθexδmeδ elqeεεeθ, meεεač exθuc elxires. δeθeδewleδ δelhamel g elqeεεeθ.»13yen qayiyn y rebbi: «elεqubθiyw exθer n elli egedde eθeHmle.14tay cex tgellebδiyδ asse seg elqeεεeθ useg ezzeθex. δeδuwle δelhamel g elqeεεeθ, elli eyyef δeyyenγ.»15y axi yennayes rebbi: «la, elli δexyenγ sebεe merraθ δeyemεaqeb.» iHuT rebbi elεlameθ f qayiyn, bac elli eθyaf eθineqc.16yexDem qayiyn seg ezzaθ n rebbi yedder g elqeεεeθ ennuwd g eccerq n εeden.17yεacer qayiyn liweces taru Henuwk. yebne θemuwreθ ysemmat f ellesm n memmis, Henuwk.18Henuwk yemmerwes εiyrad, uεiyrad ykan δdaddes n meHuwyaYiyl, meHuwyaYiyl ddaddes n metuwcaYiyl, metuwcaYiyl ddaddes n lamek.19yeγ lamek sent δelwacun, εade dSile.20εade taru yabal, eljed n ihelli εemren g tixyamin esrHen esεi.21w enjes yuwbal emezwar g wewweθ f elεuwδ dezzef.22Sile taru tuwbalqayiyn emezwar g wexδam n elmeεεuwn elkul n enHas duzzal. weltmas δniεme.23yen lamek y elwacunes: «εade dSile, eslemtiyδ elwacun n lamek, esseγδeθ tuθleyiniyw. enγiyγ eryaz εlexaTer y kesriyδ, w eεezri εlexaTer yizemiyδ.24iδekan elli δeyenγ qayiyn δeyemεaqeb sebεe merraθ, neč sebεe usebεiyn merre.»25yεacer adem dliweces tikkelt xlaf, taru efruwx tsemmaθ ciyθ, ten: «yucayiyδ rebbi efruwx uggemxan n habiyl elli yenγi qayiyn.»26ciyθ yemmerwes efruwx ysemmaθ enuwc, g elweqtdiyn bδan leεbaδ etnaben s ellesm n rebbi.
Chutney Media Agency Limited