Gen38
1elweqθes yebεeδ yehuwδa f eyeθmes yeεmer γer eryaz δeεedlami esmiθes Hiyre.2teεjebθi diyn yelliys n iyjen δkenεaniy, esmiθes cuwεe, yaγiθ.3tiwi are tarwes engluws ysemmaθi εiyr.4welbeεδ tiwi are xlaf taru engluws ysemmaθi uwnan.5welbeεδ tεaweδ tirew g keziyb engluws ysemmaθi ciyla.6yaγ yehuwδa y εiyr memmis emenzu temeTTuwθ esmiθes tamar.7yemenni εiyr emenzu n yehuwδa yenγi rebbi lexaTer ykan yuwHec g tiTTewines.8yenne yehuwδa yuwnan memmis eθθani: «aδef f liwec n yuwwex teγetteθ taγδeδ y yuwwex idrari.»9yessen uwnan elli ezzerriyεeθ ettekkerc y nette, elweqθes yeδwel uwnan lemmi eyxaleδ liwec n yuwwes eywezzeε f elqeεεeθ bac liθeγeδc idrari y yuwwes.10yezre rebbi elli elεemeltes θahen tuwHec, yenγi zade.11yenne yehuwδa y tamar tesliθes: «eqqiym ettehejjelt g elHuwc n daddem elmeyekber memmi ciyla.» lexaTer yukkeδ f ciyla δeyemmuwθ max i mmuwθen eyeθmes. temreq tamar yelHuwc n daddes teqqiym diyn.12beεδ elmuddeθ θemmuwθ liwec n yehuwδa yelliys n cuwεe. beεδ iyiywi yehuwδa elεze, yemreq y leεbaδ δelesyen esεiys g temne nette dHiyrE emeddukles eεedlami.13tamar tesle elli ewesseres δeyemreq y θemne δeyelsi esseεyes.14elweqθes tekkes edbac n tihejjalin teHfel eθγembez welbeεδ teqqiym g iymi n εiynayim f webriδ n temne. lexaTer tessen elli ciyla yekber yemenni netteθ eddukkelc δliweces.15elweqθelli yezrit yehuwδa yetεilekiθ δicθ δ telfaseδt lexaTer eθkan eθγembez.16ymaH etweliys g eljneb n webriδ yen: «edji eneεse iyδem.» unette elyessiync elli netteθ ettesliθes. tenne: «δmat eyθuwceδ elqulli eθenεseδ iyδi?»17yenne: «emazne iyγiδ s esεiyw.» tenne: «eyθuwceδ erhen elmettezneδ.»18yenceδteθ: «δmat iθexseδ emuwce?» tennayes: «elxusθex dessebθex etteγriθex.» yuwces δmat iθexs. yenεes iyδes tawi are essis.19welbeεδ tekker temreq, tekkes elHfeles tiyreδ edbac n tihejjalin xlaf.20max i yuzen iyγiδ dweSHibes eεedlami bac ayer erhen seg wafus n temeTTuwθ, etyufiyc.21yenceδ leεbaδ elli εemren diyn: «mani θelfasetdiyn elli tkan teqqiym g eljneb n webriδ n εiynayim?» ennan: «eltkanc dah θelfasedt.»22yeδwel etwali yehuwδa yen: «ettufixc uzade ennan leεbaδ elli εemren diyn, eHebbec θelfasedt dah.»23yenne yehuwδa: «edj eθedj elli γers. neč elγisexc eSSen felle leεbaδ. neč uzenγes iγiyδe yemenni cex ettufiyc.»24max i θεedden tlaθe chuwr yesle yehuwδa elli tamar tesliθes θelfasedt tezne tawi are. yenne yehuwδa: «sufγemteθ etneHreq. enceεεel δiys elεafyeθ.»25max i ttessuwfγen tuzen yuwesseres tennayes: «neč ettemeεδurθ seg iθbab niyh. enzi δegli n wiyn elxuwseθe dessebθeθe etteγriyθe.»26yehuwδa yuxezθen yen: «netteθ emmenjed xiriyw lexaTer neč ettucixc ymemmi ciyla emmax i yeqqar elqanuwn.» welbeεδ ettixeleδc.27max i dyuwse elweqθ n terwas, yelle etwame g teδisθes.28max i θebδe ettaru ysuwfeγ iyjen essisen efuses. teqqenti temeTTuwθ elli tessaru δiys seg tilelli ettezukkaγθ. ten: «wahen yeffeγ igmezwer.»29yemenni wahen yenzeγ efuses yeffeγ yuwwes. tenne: «mat effaγe, tefγetti qebles!» emmale semmanti fareS.30welbeεδ yeffeγ yuwwes iθbab n elxumseθ temsuwneδ s tilelli ettezukkaγθ. emmale semmanti zareH.
Chutney Media Agency Limited