Gen30
1max i θezre raHiyl elli netteθ etteruwc yyeεquwb tenγar seg weltmas ten y yeεquwb: «uciyδ idrari ziyγ ejafe!»2yeθγeccec yeεquwb f raHiyl yennes: «endre neč uggemxan n rebbi? ennette elli eyged emyuwci idrari.»3tennes: «tay texeddemtiyw belheh, aδef felles balek eθged eyθaru idrari ege elεiyleθ s γers.»4tuwces y yeεquwb texeddemtes belheh yaγiθ yaδef essis.5taru belheh yyeεquwb efruwx.6elweqθes ten raHiyl: «yeHkem iyδi rebbi, yesl eSSutiyw yuwciyδ efruwx.» heδake εlac tsemmaθ dan.7taru belheh texeddamt n raHiyl efruwx xlaf y yeεquwb,8ten raHiyl: «mεarxe dweltme elεerxeθ temeqqarθ eγelbat.» heδake εlac tsemmaθ neftaliy.9max i θezre leyye imenes tbeTTel arew, tuwce texeddemtes zelfeh y yeεquwb bac e tyaγ.10taru zelfeh texeddamt n leyye efruwx y yeεquwb.11ten leyye: «ya seεdiy.» tsemmaθ jad.12taru zelfeh efruwx xlaf y yeεquwb,13ten leyye: «ya f erHtiy, elwacun elkul δeybarexneθ.» tsemmaθ eciyr.14yeffeγ rawbiyn elweqθ n wamjer n iyrδen yaf elHec yetεawen f warew yeγet y yemmes leyye. tennes raHiyl y leyye: «uciyδ lewse seg elHec elli yuγet memmiym.»15tennes: «emyezziyc eθewyeδ eryaziyw uθexseδ eθewyeδ elHec n memmi?» ten raHiyl: «emmale, eyenεes yeεquwb γerm iDe, tucδiyδ elHec n memmiym.»16max i yerjeε yeεquwb seg ejiymi g tisemsiyn teffeγ leyye bac e tteεreD tennes: «aδef felle iDe g elεuwD n elHec n memmi!» eyendeγ yenεes γers iddiyn.17yesl rebbi eddeεweθ n leyye taru y yeεquwb efruwx δelxames,18ten leyye: «yxelSiyδ rebbi εlexaTer uciyγ texeddemtiyw y weryaziyw.» tsemmaθ yessaker.19taru leyye efruwx δessades y yeεquwb,20ten leyye: «y erzeqiyδ rebbi s elxiyr elkul, ture δeyyeqbel eryaziyw εlexaTer iruwγes sette δidrari.» tsemmaθ zebuwluwn.21usiyn tiru tefruwxθ tsemmat diyna.22usiyn yesfekker rebbi raHiyl yerriθ ettaru,23taru efruwx ten: «rebbi yekkes felle elεeriyw.»24tsemmaθ yuwsef ten: «balek eyyerni rebbi efruwx xlaf.»25max i θiru raHiyl yuwsef yenne yeεquwb y laban: «edjiyδ exeDme y temurθiyw δelqeεθiyw.26uciyδ idreriyw delwacuniyw elli xδemγex essisneθ tedjδiyδ exeDme. εlexaTer tesseneδ menyeθ ixexδme.»27yennes laban: «kan δeθeqebleδ s γeri, eqqiym iyδi. uδmex yebhe felle, utegze elli rebbi ibarex δiyye essix,28enniyδ menyeθ tejernetex bac e xuwce.»29yer felles yeεquwb: «cex tesseneδ max i xexδme, umax i yeδwel esεiyx iyδi,30elli ykan δruws yeδwel egget, ibarex δiyx rebbi beεεeδ eseδiyw. uture lemmi δexeDme y elHuciyw?»31y en: «δme δexuwce?» yer felles yeεquwb: «eyθuwceδ Hette cey, emme δekemle exesrHe esεiyx kan teqbeleδ s elli δexiθenne:32edjiyδ asse eθuyuwre g esεiyx elkul, ewye essis imneqqeĎ duzeTTef seg iεellec delmaεez elkul, δeθeδwel tediyn tejernetiyw.33weječe eθechδeδ elli neč δeSSadeq iyδex, max eθeddaseδ tθebθeδ tejernetiyw, kan tufiyδ icθ muc ettimneqqeĎt ziyγ muc ettezeTTafθ eθkuwn temmaxer γeri.»34yen laban: «emmax i θenniyδ.»35esses yefrez laban seg ijeδεan imneqĎen elkul delHiwan timneqĎin elkul. dijeδεen izeTTafen diεellec imellalen yuwcin y idreriys,36yedj jeres dyeεquwb teyuwriθ n etlaθe eyyam, yeqqiym yeεquwb iserreH g esεi n laban elbaqi.37yawi yeεquwb iqecqac δizizawen n ellebne delluwz deddelb yqeccer δiysen lexTuwT δimellalen.38yesbeddiyn ezzaθ n esεi max eyebδe yses g leHwaD n wamen39δwelneθ etteθweHHamneθ f iqecqacdiyn, eruwneθ imneqĎen dimxeTTeTen.40yefrez yeεquwb tetten iHewwel uδmawen n esεi imxeTTeT duzeTTef elkul n laban, yerri δesεiys ennette. yemHuz f esεi n laban.41ykan yeεquwb max eyeθweHHem esεi eqewway eyHuT iqecqac imxeTTeTen ezzeθensen g leHwaD bac e yeθweHHem fellasen.42umax eyebδe esεi Dεiyf elyetHuč ezzeθes iqecqac, usahen δwelneθ tuDεiyfin elkul y laban utiqewwayin elkul y yeεquwb.43y eδwel sahen δeryaz δemuγni egget, γers esεi egget dixeddamen etxeddamin dileγman diγyal.
Chutney Media Agency Limited