Gen27
1max i yekber isHaq yeDεaf enneĎres inabe memmis emeqqar εiysuw yennes: «emmi!» yer felles: «tay neč dah.»2yen isHaq: «tay tzerreδ δiyye ekbare wellessinac lemmi δejafe.3awi esleHex denneblex delqusex, texDmeδ y ijiyman teSθeddiyδ Haje,4tHeDDerδiyδ eče ebehhay elli exsaθ, teγeddiyδ eče, bac e barxe δiyx qebl ejafe.»5rifqeh tkan tesseγδe y edwi n isHaq y memmis εiysuw. max i yeffeγ εiysuw y ijiyman bac e yeSSaD Haje y daddes,6ten rifqeh y memmis y eεquwb: «esliyγ daddex yeqqar y enjex εiysuw,7eγδiyδ Haje edĎeyyebδiyδ eče yebhe bac e če usiyn ebarxe δiyx ezzaθ n rebbi qebl ejafe.8ture esl edwiyw, emmi, tegeδ elli δexiθenne.9berre y esεi, texθareδ sen δiγayδen eqwan bac e Ďeybe y daddex eče yebhe emmax i yexs.10tewiδasθen bac e yeč, usiyn eybarex δiyx qebl eyjaf.»11yen yeεquwb irifqeh yemmes: «tay enjew εiysuw δiys ezew uneč eddiyac12balek eyyilemmes dadde ifaq essi? maw δeyyisub welyetbariyxec δiyye.»13tennes yemmes: «edj eyyisub enneč, emmi. esl edwiyw berk texDmeδ eγδiyδ iγayδen.»14yexDem yeγδasθen, tĎeyyeb eče elli yexs daddes.15welbeεεeδ tawi rifqeh edbac ibehhayen n memmis emenzu εiysuw elli γers g elHuces tirDasθen yyeεquwb memmis emezyen,16tirDes iγelnes etbuqεet elli eddiyc ezew seg texrumtes s iliymen n iγayδen.17tezles eče elli eθĎeyyebeθ deγrum,18yaδef f daddes yennes: «dadde!» yer felles: «enεem! δ wiyn cex emmi?»19yennes yeεquwb: «neč εiysuw emenzuwx, egiyγ elli tenniδiyδ felles, eg elmziyyeθ ekker fiyseε, geεmez, θečeδ seg elli eSSeDaθ, tbarxeθ δiyye.»20yennes isHaq: «max i θuwfiδ Haje sahen liyhliyh emmi?» yer felles: «siydiyx rebbi ywefqiyδ.»21yen isHaq: «est edj exlemse emmi bac e sne elli δcex εiysuw ziyγ la.»22yeqreb yeεquwb ydaddes, ilemmesθ yen: «eSSuθ δeSSuθ n yeεquwb emme ifassen δifassen n εiysuw.»23eθyuxiyzc εlexaTer ifesnes kanen δimceεren emεiysuw enjes. yaxi yeqbel eybarex δiys.24yen: «mbelHeq cex δmemmi εiysuw?» yennes: «wah enneč.»25yennes: «uciyδ eče seg exsum bac e barxe δiyx.» yezles exsum yeč, yeγδes ecrab yesw.26yennes daddes isHaq: «eqreb eθkubδiyδ, emmi!»27yeqreb ikubbi, icum erriyHeθ n edbeces ibarex δiys yennes: «erriyHeθ n memmi emerriyHeθ n ujiymi elli ibarex δiys rebbi.28exyuwc rebbi seg enneδweθ n esme delxiyr n elqeεεeθ, iyrδen decrab egget.29edj leεbaδ exexδmen, utimuwre exerkεen, eHkem g emmeθnex, edj idrari n yemmex exerkεen. eyemSab elli δexiSab, eyembarex elli δeybarex δiyx.»30max i ykemmel isHaq seg ubarex n memmis yeεquwb, yeffeγ yeεquwb s γers, yrewweH εiysuw enjes seg elmeSyδes.31yHeDDer zade eče yebhe yewiθ ydaddes yennes: «ekker edda eč seg elli eSSeDaθ tbarxeθ δiyye.»32yennes daddes: «δ wiyn cex?» yennes: «neč δmemmiyx emenzu εiysuw.»33yerεec isHaq egget yemmerεeb yen: «δ wiyn ziyγ yeSSaD yeγδiyδ ečiyγ qebl eθeddaseδ ubarxe δiys? wa, uδemebruwx δeykuwn.»34max i yesle εiysuw edwi ndaddes yerw izeεweg eSbiyH yen: «barex δiyye Hette neč edda zade.»35yer felles: «yuseδ enjex yawi s elHiyleθ elberxθex.»36yen εiysuw: «eθensemmac yeεquwb? yHayel felle merθiyn: yiwi temenzuyθiyw, uture yiwi elberxθiyw.» yenceδt: «eyθedjiyc elberxeθ y neč?»37yer felles isHaq: «tay erriyxθ δsiydiyx, wuciyγes emmeθnes elkul δixeddamen, ucγes iyrδen decrab, endre δmette δexege emmi?»38yennes εiysuw: «endre edda γerx elberxeθ icθ berk? barex δiyye Hette neč zade edda.» yqam s uεeyyeĎ.39yer felles daddes: «tay δeθeεmreδ g elqeεεeθ teqquwr, elyettuweθc felles amzer,40δeθedreδ s essifex, y enjex δeθeδewleδ δexeddam, emme max eθeθmerδeδ eθkesreδ emnus seg θexrumtex.»41yeHqeδ εiysuw f yeεquwb f elxaĎer nelberxeθ elli yuceyast daddes. yen g ules: <liyyam n elHzen f dadde qrebneθ, usiyn δenγe enjew yeεquwb.>42yaxi tuθlayin n εiysuw iweDneθ y rifqeh, tnabe yeεquwb tennes: «esl! enjex yexs exyenγ bac e yawi eθθeres essix,43uture esl edwiyw, emmi: ekker erwel yetwali enjew laban g Haran,44teqqiymeδ γers liyyam elδeyebreδ enjex.45max eyebreδ enjex yettu elli θegit δiys, elweqθes δexezne bac e θerjεeδ esyiyn. imette exennexsre uggas iyjen?»46usiyn tenne rifqeh yisHaq: «exrehe leHyeθiyw seg elwacun tiHeθθiyyin n εiysuw, lukan yeεquwb ayeγ icθ seg tifrax n Heθ ziyγ icθ seg tifrax n elqeεεeθe, imette leHyeθiyw εaδ?»
Chutney Media Agency Limited