Gen19
1elmleyxaθ lessen ewDen g esduwm g tisemsiyn. luwT ykan ygeεmez g iymi n seduwm. max i nyezre yekker bac enyeεreD, yesjeδ s uδmes y elqeεεeθ,2yen: «ya syadiy, esδeθ tessirδem ikreεnewwem, tεeddem iDennum y etwali elεebδennum, utalji bekri kemleθ ebriδennum.» yaxi yennes: «la, δenεedde iDe g essaHeθ.»3yeTTef eSHiyH δiysen elδexemmen iyδes y elHuces, yeεreD fellasen iĎeybasen tifĎiyrin ečen.4emme qebl exeDmen eneεsen, iryazen n seduwm elkul, imezyanen diwessaren, enneDen f elHuwc.5naben luwT: «mani iryazen elli teεreDeδ fellasen iDe? sufγenaθen bac e nεedde essisen elweqθ.»6yefγasen luwT beεεeδ isekker δefres elbab.7yen: «emmeθniyw, eθegemc elHajeθ tuwHec.8tay eθegem elmziyyeθ γeri sent δtifrax ellenεisneθ dHed qebl edjmiyδ exennenteddaγe tegem essisneθ mette iθexsem, emme iryazene lessen esentegem Hette cey εlexaTer eεgelen g elHuciyw.»9ennen: «ebεeδ!» ernin: «cex elli tuseδ emuberrani y etwelinne, utay ture eθeθHekmeδ δiyne. ture δeneg δiyx eccer exθrensen.» emεarxen beεδen luwT eSbiyH, exeDmen y elbab.10yaxi iryazen lessen elli ljaj ezzelen ifesnensen enzγen luwT sekren elbab.11usiyn ewweθen iryazen s elεme, elli bedden ezzaθ n elbab n elHuwc, emezyenensen dumeqqerensen, eδwlen elgeddenc eδafen elbab.12ennen iryazendiyn lessen y luwT: «elγrexc δ wiyn yeqrebex g temuwreθe? idrari ziyγ δtifrax ziyγ insiyben ziyγ ey waHed yeqrebex? essufeγθen seg elberre.13εlexaTer elεyaĎ n eccerres yexθer y etwali rebbi, yaxi yeznane bac e θnexle.»14yexDem luwT yuθley insibnes elli δeθaγen tifrexes, yennasen: «heyye, ekreθ tefγem seg emxane εlexaTer rebbi δeyexle θemuwreθe.» iban emmax yetbeSSer f insibnes.15umax i εellem elfjer ebδen elmleyxaθ lessen etmelgen y luwT: «heyye, ekker tawyeδ liwecex ettifrexex lessent elli dah. bac e lthellexc max eθemHaseb θemuwreθe f leδnubes.»16max i yeqqiym luwT yetmerxe, eTTefen elmleyxaθ efuses difessen n liweces ettifrexes lessent g ewδenten elberre n temuwreθ. εlexaTer rebbi yesxef fellasen.17max i beεδen essisen yenneyasen iyjen seg elmleyxaθ: «menneε imenex! eθebernec eldeffer weθbeddec gθeHmiylt. y edhari yelzem eθerwel y edhari bac e lthellexc.»18yennes luwT: «muc sah ya siydiy.19tay erbeHe erDax, utay cex eθkebreδ elleTfex max i θmenεeδ leHyeθiyw, emme elgeddac eruwle y eddehreθ belekc eyyejre Haje usiyn ejafe.20tay θemuwreθ teqreb erwel y etweliys yeshel. netteθ ettemuwreθ temezyent edjiyδ erewle eldiyn elthellexc mahi θemuwreθ temezyent? emenεe δiys.»21yennes elmlax: «eqbele eTTelbθex θahen zade welxelliyγc θemuwreθ elli tenniyδ.22ezzel erwel y etweliys, εlexaTer elgeddac ege Hette cey elδeθewDeδ eldiyn.» usahen temsemme θemuwretdiyn Suwγer (meεnahe temezyent).23tefuwθ teqqeS max i yiweD luwT g Suwγer.24yessuggez rebbi n elkebriyt delεafyeθ s γers seg esme f esduwm deεmuwreh,25yeqleb timuwrediyn delli εemren δiysneθ etteHmiylt elli tenneD essisneθ delli yemmezzu g elqeεεeθ.26tebren liwec n luwT elli tegguwr δefrensen, teδwel δelεerSeθ n tisent.27yexDem ibrahiym taljidiyn bekri y wemxan elli rebbi yuθlayes δiys.28yerqeb y etwali seduwm deεmuwreh delqeεεeθ n teHmiylt elkul yezer edduxxan yettali essis emmax yettali seg tunnurθ temeqqarθ egget.29usahen max i yexle rebbi timuwre n teHmiylt yesfekker ibrahiym, ysuwfeγ luwT qebl elkarθeθ max i yeqleb timuwre elli yeεmer δiysneθ luwT.30yukkeδ luwT eyeεmer g Suwγer yeffeγ nette ettifrexes esyiyn yerwel y tiyriθ g eddehreθ diyn.31yelle as tefruwxθ temeqqarθ tennayes yweltmas temezyent: «daddeθne yuwser uleHebbac g elqeεεeθ elli yetwelinne eryaz exenyeγ emleεbaδ elkul.32heyye, eθnessesxer nenεes iyδes usahen elweqqiync idrari n daddeθne.»33g δeggiyδdiyn esseswneθ daddesneθ ecrab, teseδ yelliys temeqqarθ tenεes iyδes welifaqc la s wenεeses la s wekkeres.34uggas eθθani tenne tefruwxθ temeqqarθ y weltmas temezyent: «enεese ddadde iDennat, heyye, eθnessesw ecrab iDe xlaf usiyn aδef tenεseδ iyδes usahen enessikker seg daddeθne idrari.»35g δeggiyδdiyn xlaf esseswneθ daddesneθ ecrab teseδ yelliys temezyent tenεes iyδes welifaqc la s wenεeses la s wekkeres.36usahen δwelneθ tifrax n luwT lessent δeθeruwneθ seg daddesneθ.37taru temeqqarθ efruwx tsemmaθ muwab, unette δeljed n imuwabiyyen elwasse.38utemezyent tiru Hette ennetteθ efruwx tsemmaθ ben εemmiy, unette δeljed n ebni εemmuwn elwasse.
Chutney Media Agency Limited