Dan8
1g usukkes eθθaleθ seg elεaheδ n elmlek belceSSer zriyγ neč danyal tirjiyθin xlaf.2zriyγ imeniyw g cuwcan elεaSmeθ n elwilayeθ n εilam, w kane bedde f eccefeθ n esuwf n ulay.3qame TiTTawiniyw lennej tay ezre elkebc ybed f eccefeθ n esuwf w γers sen δ legruwn εlan egget, iyjen eεle n wissen, w elli yeεle yenbeθ beεδes4w zriyγ elkebc yneddeH y elγerb d elcemal d eljenuwb, w elibed ezzeθes Hette elhayceθ yeg elli yexs yeδwel δ emeqqar.5w elweqθ elli neč etθebθe, tay zriyγ ijδeε yuseδ seg elγerb yeθεedde f uwδem n elqeεεeθ elkul minγiyr ettilemmes. w ykan γers elgren yetban belgde jar TiTTawines.6yuseδ yetwali elkebc elli γers sen δ legruwn w elli ykan ybed f eccefeθ n esuwf yehjem felles s elγuc δ emeqqar.7ezrexθi yiweD yetwali elkebc δ imeθγecc yendeHθi ykesres legrunes lessen. w eligedc elkebc eybed ezzeθes, yessenderθi f elqeεεeθ yerfesθ, w eliged Hed e θisemneε seg efuses.8yekbar ijδeε egget. w max i yeqwe yerrez elgren emeqqar, efγen seg sedwes erbεe δ legruwn etbanen belgde δ imeθlefθen y ecciyraθ lerbεe.9yeffeγ seg iyjen seg legruwn lerbεe elgren δ emezyan, w elbeεεeδ yebδe yettekbar egget y ecciyreθ n eljenuwb d eccerq d temurθ tebehheyθ.10yekbar Hette f eljiyc n esme, yessender f elqeεεeθ lebHaD n eljiyc d elkwakeb yerfesθen.11yekbar imenes Hette f emeqqar n eljiyc yeεni erreb, yeksas θimeHreqθ n diyme ydennes elmeqdses yemHeqθ,12meni ykanen leεbaδ tegen g elmeεSyeθ g elεuδ elli eqerben θimeHreqθ n diyme, ysuggez eddiyn n elHeq f elqeεεeθ. yenjeH elgren g elli yegi elkul,13esle elmlax d eTTaher yeδukke w elmlax d eTTaher xlaf ynecceδ δiys: el lemmi eyeqqiym elli zerre δiys g tirjiyθ? el lemmi eθeqqiym elmeεSyeθ g elεuwD n θimeHreqθ n diyme? w ellemmi eyemmerfes elheykel d eljiyc?14yjewebi: elfiyn w tlaθe miyye dugges d eggiyd, usinc e yerjeε elmeqdes y Taherθes.15w max i zriyγ neč danyal tirjiyθe, eĎlebe efhemes, tay neč siyn w elxyal n eryaz ybed ezzeθiyw,16esle eSSuwθ n elεebδ seg emmas n esuwf n ulay yetnabe w yeqqar: ya jibriyl fehhem eryaze g elli yezre.17yaseδ meni ibedde, emmerεbe esjδe f uδmiyw. yenniyδ: efhem ey bnaδem. tirjiyθe netteθ f ellexxer n eddunyeθ.18w elweqθ elli yδukkayi ySaDi enuddem δ emeqqar w uδmiyw f elqeεεeθ, ylemsiyδ yesbeddi f ikreεniyw,19yenniyδ: tay exenne f elli δ ySar max e yaweD elγuc n erreb y ellexres. εlexaTer tirjiyθe teqqar f ewqe n elweqθ.20elkebc elli θezrit, w γers sen δ legruwn, nette lemluwk n maday d fares.21w ijδeε imceεεer nette elmlek n elyuwnan. w elgren emeqqar elli jar TiTTawines nette elmlek iglewwel δiysen.22emme ekesres d effeγ n erbεe seg sedwes, elmeεntes erbεe δ lemluwk efγen seg ellumθes, emme muc g elqewθes.23w g ellexxer n leyyames, max exeθren egget elmεaSi egliys, eyekker seg jar leεbaδ elmlek δ eddehyeθ,24e θekbar elqewθes, emme muc s γers. e ysuggez elhlax emeqqar usinc e yenjeH g elli yθeg δiys usinc e yehlex imeqqaren d ecceεb n erreb.25w s elHiyltes d elmekres ayeg kul ciy w g ules e yεeĎĎem imenes. eysender egget δ midden w nihnin δ imeTmanen. e yekker f errayes n erruyyas. usinc e yerrez emme muc f efus n elbecer.26w elli zriyxθ ezre n deggiyδ d dugges nette δ elHeq. w eθenneδ ciy fellas. εlexaTer wetSar kan beεεeδ leyyam egget.27eDεafe neč danyal, eDne leyyamaθ, w elbeεεeδ ekkere kemle xedme g elmlek w kane mebhuwθ g elli zriyγ w elgeddexc eθefhme.
Chutney Media Agency Limited