1 Pet1
1neč buTrus erresuwl n yesuwε elmesiyH eδerye y elli yexθaren erreb imeθγerben w imceteten g bentus d eγlaTiyye d kebbeduwkiyye d asye d biyθiyniyye.2erreb yexθerawem felHesb n elεelmes essabeq teδwelem imqeddesen s erruwH bac e Dewεen yesuwε elmesiyH emTehren s urucci n iδemnes. fellewem enneεmeθ d islam ettemeqerθ!3eyembarex erreb deddes n seyyedne yesuwε elmesiyH εlexaTer erreHemtes θemeqqerθ tuceyane edder ejdiyd. w yuceyane eθmenni felxaDer n eddar diyme s wekkar n yesuwε elmesiyH seg jar inemmitte.4w yHeδrane elwerθ lifesseδc w yetmenzisc w elimerreqc, yemmeHrzawem g esmawaθ.5xenyum elli s eliman, eθεus fellawem elquδreθ n erreb y elxleS elli δeyben g was ellexxer,6s wah eθeferHem ture, reγmelli yelzmawem eθeHznem ture f elli δexeniSab seg elmHayen,7elli δejerrebneθ elimenewwem emmax eθjerreb elεefyeθ uwreγ, w nette eγle n uwreγ elfani, usinc eykuwn δiθbab n elmdiH d umejjeδ d wecxar as n weffeγ n yesuwε elmesiyH.8nette texsemt menγiyr elli ettezrem, w ettemnem essis w etzerremc ture, usinc eθeferHem ture s elferH δ emeqqar etmaHkic felles,9εlexaTer γerwem eθθiyqeθ g wawaD y elγeyθewwem g elimen netteθ emenneε n ennefsewwem.10f wemnaεe wah Hewmen lenbye, ennen f enneεmeθ elli xenyum δiys.11Hawlen δ esnen elweqθ d max δettes enneεmeθe elli θenne felles erruwH n elmesiyH δiysen, max i θecheδ seg qebl s elwjayeε n elmesiyH δ elmejδ elli beεδes.12ibenasen elli nihnin kanen xedmen muc y imenensen yemenni y xenyum, f elHejaθe θiyh elli yennineθ ture y xenyum, elHajeθe elli ennintent y xenyum ennihenti elli ybecrawem essiseneθ ture, s eεawen n erruwH n elqudus elli θemmazen seg esme, Hette δ elmleyxaθ etteθmennen δenzin tweliys.13heδakeεlac HeDDerθ leεqulewwem θedjem elhemmewwem elkul g enneεmeθ elli δexenttes max eyeffeγ yesuwε elmesiyH.14w m idrari δimdewεen, eθeθbεemc eccehweθewwem elli θeθbεemteθ g liyyameθ n eljehlewwem,15yemenni kuwneθ δ eTTuhar g elli ettegem elkul, εlexaTer erreb elli ynebeyawem δ eTTaher.16w zaδe elxθab yeqqar: "kuwneθ δ eTTuhar εlexaTer neč δ eTTaher."17w iδekan tDelbem erreb w tHesbem δis δerrebbewwem w nette elli yθuč menγiyr ejamel y kul iyjen f elHseb n leεmeles, emmale edreθ leHyeθewwem xeyfiyn essis m iγriben δah,18tesnem elli nette yefδeyawem seg essirθewwem telbaTelt elli θurθemteθ f midnewwem, nette yeδfeε elHajeθ eγla n elfeTTeθ ziyγ uwreγ elfani,19netteθ iδemmen eTTuhhar n eDHeyyeθ, iδemmen n elmesiyH m iδemmen n elγzal weldiysen Hette elεiyb w Hette eδennes.20w ykan erreb yexθari qebl n elli ayeg eddunyeθ, yemenni g luqaθe iglexren ybenawem,21w nette elli yedjeyawem eθemnen s erreb elli yessikkerθi seg jar inemmitte yuces elmejδ, emmale yeδwel elhemmewwem d elimenewwem g erreb.22w ture beεεeδ iθTehrem imenewwem s uDaweε n elHeq teδwlem texsem ewmeθnewwem belHeq, exseθ beεDkum f elHeq.23θemmerwem men jdiyd, ezzerriεeθ elli θemmucawem muc ezzerriεeθ n temettent emme ezerriyeθ n edder diyme, wah edwi n erreb elli eyeqqim diyme.24w elxθab yeqqar: "kul bnaδem m elHciyc welmejδes m eθnewwerθ n elHciyc. elHciyc eyeqquwr wennewweres eyuwDe25yemenni edwi n erreb eyeqqiym diyme." wah eyendeγ edwi elli n becrawem essis.
Chutney Media Agency Limited