1 John2
1a idreriyw, tay δexennarye wahen bac e ltγeldemc, w max eyeγled iyjen essiyne, γenne yesuwε elmesiyH eSSaleH ecfiεenne γiyr dadde.2nette δeDHiyyeθ n eγfar n elxĎeyenne, muc kan y nečin berk, emme y eddunyeθ elkul.3w sahen enged eneδwel nessent mbelHeq, max eneTTef g elwSayeθes.4elli ayen: "esnaθ" w elixeddemc s elwSayeθes yesxerwus, w elHeq muc δiys.5emme elli eyeTTef g edwis, exse n rebbi eyekmel δiys mbelHeq. sahen enessen mbelHeq elli nečin g rebbi.6elli ayen nette iyδes yelzem eyuwyur emmax i yyuwyur elmesiyH.7emmeθniyw, exenteryac elwSiyyeθ ettejδit, emme elwSiyyeθ etteqδimt γerwem seg umezwar, elwSiyyeθe θeqδimt netteθ δ edwi elli θeslimt.8w reγm wah, exennerye elwSiyyeθ ettejδit, yetban elHeqqes g elmesiyH w δiywem, εlexaTer eθsellesθ etteθεedde w θefuwθ teHeqqaniθ etDewwe.9elli ayen nette g θefuwθ w eyeHqed enjes, elyuwc g eθsellesθ.10w elli yexs enjes eyeθbet g θefuwθ, w δiyn eHebbec mat eθiseεθer.11emme elli liγic enjes nette g eθsellesθ, w yegguwr g eθsellesθ, w elyessinc elmani δeyexDem εelexaTer eθsellesθ teεmayes θiTTewines.12edreriw, y xenyum eθarye εelexaTer rebbi yeγfer elxĎeyennuwm f elxaĎer n elmesiyH.13y iryazen, y xenwem eθerye εlexaTer θessenem elli ykan seg umezwar. elεzerre, y xenwem eθerye εlexaTer θeγlebem elli yege eccer.14idreriw, y xenwem eθerye εlexaTer θessenem dadde. y iryazen, y xenwem eθerye εlexaTer θessenem elli ykan seg umezwar. elεzerre, y xenwem eθerye εlexaTer θeqwam w tuθleyθ n rebbi θeqwe δiywem w εlexaTer θeγlebem elli yege eccer.15eθexsemc eddunyeθ d elli δiys, εlexaTer elli yexs eddunyeθ eddiyc exse n rebbi.16elli g eddunyeθ elkul, eccehweθ n elbδen d eccehweθ n TiT d eθkebber g eddunyeθ, muc seg rebbi emme seg eddunyeθ.17eddunyeθ δeθexDem s eccehweθes, emme elli ixeddem s edwi n rebbi e yeqqiym diyme.18edreriw, essaεeθ teneggaruθ tuseδ, emmax i θesliym δeddasen leεδe n elmesiyH, w ture ellan egget leεδe, δ elεlameθ elli δ essaεeθ teneggaruθ.19effeγen essiyne w elkanenc uggammesenne, εlexaTer lukan kanen uggammesenne raw ellan eqqiymen iδne, emme effeγensen fellane eybiyyen elli nihnin elkulhum elkanenc essiyne.20emme xenyum temmesHem seg erruwH elqudus w θessenem elkul.21eθerye y xenwem muc εlexaTer eltessinemc elHqiyqeθ emme εlexaTer θesnemt w θessenem elli θixerxas etteffeγnec seg elHeq.22dwiyn ekeδδab? kan d elli eyenker elli yesuwε δ elmesiyH. d wahen elεδu elli inekker g dadde d memmis.23w elli eyenker yesuwε eyenker erreb εlexaTer yesuwε δ memmis w erreb δ deddes. w elli eyesθεref s yesuwε γers δedde.24edjeθ elli θeslimt seg emezwar eyeθbeθ diywem. max eyeθbeθ diywem elli θeslimt g emezwar, eθeθebθem g efrux d dadde.25d wahen elli yuεδane essis, eddar diyme.26eδerye wahen y xenwem f iddiynni elli etHewalen exennexδεen,27emme y xenwem elmesHeθ elli tusδawem s γers teθbeθ diywem w ettesθHeqqimc δ wiyn exenyesseqre, εlexaTer elmesHθes tesseqre δiywem, w netteθ δ elHeq muc ettixerxas, w emmax i xentesseqre eθebθeθ diys.28w ture, idrari, eθbθeθ δiys w max eyeffeγ elmesiyH enebδe emθebθiyn seg imenenne w ennetteθHeccimc essis max eyeddas.29iδekan tessenem elli elmesiyH δ elHeq, esneθ elli kul iyjen yetteg g elHeq yemmaru esγiyr rebbi.
Chutney Media Agency Limited