1 Cor10
1w exse e θesnem, ey ewmaθen, elli yejre y lejdadenne. elkulhum kanen eddu esHabeθ etgewweδ δiysen, w θεeddan g elbHer leHmer salmiyn.2w elkulhum θεemden g esHabeθ w g elbHer bac δuwlen seg eljmeεεeθ n muwse.3w elkulhum čiyn seg eče elli yuceyesenti erruwH n erebb,4w eswiyn seg ecrab elli yuceyesenti erruwH n erreb, εlexaTer kanen sessen seg elHegfeθ yuceyesenteθ erreb w eθkan iyδsen, w netteθ δ elmesiyH.5yemenni elmexθerensen elserDinc erreb, emmuwθen g eSSeHreθ.6wah elkul yejreyasen bac exenikuwn δ edders, w ennettecθhiyc eccer m nihnin.7eθeεbδemc leSnam m lebHaDensen, emmax i yeqqar elxθab: "yeqqiym ecceεb bac ayeč yesw, w elbeεεeδ yekker bac e yirar yberTeε."8w eθegemc ezne emmax i giyn lebHaDensen, emmuwθen essisen θlaθe w εicriyn elf g iyjen n as.9w eθjerbemc elmesiyH emmax i giyn lebHaDensen, eldγentent tilefsiwiyn emmuθen.10w eθbuHHemc emmax i giyn lebHaDensen, yehlexθen elmlax n temettent.11wah elkul ySerasen bac e kuwnen δ edders, w yemmari y enδerenne nečin elli nedder g ellexxer n elweqθ.12emmale elli yetkilak imenes δ eθθabet, eyer elbeles seg ewDe.13elmHayen elli Sebentawem, δ elHajeθ Sayre y elbecer elkul. erreb eθθiyqeθ, exeniθuč elmHayen ekber n eTTeqθewwem, w yθučawem d elmHayen ebriδ d elquwweθ elli exentsufeγ essis, bac e θgeddem etteθHemlem.14emmale ha leHbabiyw ebeεδeθ f eεbaδ n leSnam.15neč δukkiγawem emmax δukkiyγ y elεuqqal, w xenyum eHkmeθ g elli eqqare δiys:16elkas n elberxeθ elli ncexr essis, nette ecarex d elli rebHen g elHajeθ s iδemmen n elmesiyH, w eγrum elli netkesser δiys, nette ecarex d elli rebHen g elHajeθ s elbδen n elmesiyH.17w nečin elkul elbδen iyjen, εlexaTer teneεnuwyθ netteθ iyjen, w elkulne nettemcerax δiys.18enziyθ elli θegen δiys bni israYiyl. elli θetten eδbayeH nihnin εebδen g erreb elli yetmeεbaδ g elmeδbeH.19δ mat nette elmeεne n edwiyw? endre elmeεntes elli leSnam δ erreb δ eHeqqani, ziyγ eče elli yetmewce y leSnam nette δ eče δ eHeqqani?20la, emme meεnethe elli eδbayeH n elli εebδen g leSnam nihenti δ eδbayeH y ecyaĎen w muc y erreb. w neč elγisexc eθkuwnem δ icriyxen n ecyaĎen.21etgeddemc eθeswem seg elkas n elmesiyH d ecyaĎen jmiyε. ziyγ eθemcerxem g elmiyδeθ n elmesiyH d elmiyδeθ n ecyaĎen.22w max aneg wah, enHeyyer elγirθes. w nečin nessen elli nečin menac eqwas.23kul ciy Hlal emme muc kul ciy yneffeε. kul ciy Hlal emme muc kul ciy ybenne.24kul iyjen yelzem e yesεe y elxiyr n elγires muc y elxires nette berk.25kul ciy yetmenze g essuwq n exsum eθgeddeθ e θečeδ essis w elbalex δ imeθhenni.26εlexaTer elxθab yeqqar: "elqeεεeθ d elli δiys elkul y erreb".27w iδekan ynebeyax iyjen muc δ imuwmen bac e θečeδ γers, w cex θexseδ e θemrqeδ, yelzem e θečeδ seg elli exyuc elkul, w elbalex δ imeθhenni.28emme iδekan yennayex iyjen: "ečaye yemmuwc y leSnam.", eθečec essis f elxaĎer n elli yxebrex d erraHeθ n elbal,29muc elbalex cex emme elbal n elγirex, ymat yelzem eθmeqqen elHurriyθiyw s elbal n elγiriyw?30w eče elHajeθ ecexre felles erreb, ymat eyluwmen f elHajeθ ecexre felles erreb?"31emmale max eθečem ziyγ eθeswem ziyγ eθegem la δ elHajeθ xlaf, egeθ kul ciy y elmejδ n rebbi.32eθkunec δ esbeb n eεθar n Hette Hed, la δ uδayen w la δ iberreniyyen w la y elkeniyseθ n erreb.33emme kuwneθ m neč, neč etHewale ereDDiyγ leεbaδ elkul g elli eθege elkul, w elettelhixc s elfeyδeθiyw emme s elfeyδeθ n leεbaδ elkul, bac e newlen elxlaS.
Chutney Media Agency Limited