1 Cor1
1seg buwlus elli ynebaθi erreb s elmeciyθes bac e ykuwn δ emersal n elmesiyH yesuwε, w seg ewmeθ suwsi2y elkeniyseθ n rebbi g kuwrintuws, elli yxeSSeSθen yqeddesθen y imenes s elmesiyH yesuwε, w yelli etneban s ellesm n elmesiyH g kul blase nette siδinsen d siδiθne.3fellawem enneεmeθ d eslam seg erreb deddeθne d yesuwε elmesiyH seyyedne.4cexre g rebbi diyme fellewwem εlexaTer yuce δiywem enneεmeθ s elmesiyH yesuwε.5εlexaTer zade s weθbeεewwem y nette teδwelem δ imuγniyyen g kul ciy, g edwi elli teqqeremti elkul d elmeεrfeθ elli tesnemteθ elkul.6w xenyum ettemnem belgde s echaδeθ elli necheδ essis f elmesiyH7elmi θeδwlem mekumc neqSiyn Hette elmewHbeθ n erruwH w xenyum etrejam g esaδ n seyyedne yesuwε elmesiyH.8w elli nette δ exenyeHfeĎ θebtiyn belgde y ellexxer, bac e θbanem blac elεiyb g as n seyyedne yesuwε elmesiyH.9w rebbi eθθiyqeθ δ nette elli ynebeyawem bac e ykuwn γerwem ecarex d seyyedne yesuwε elmesiyH.10e yewmeθniyw eDelbe essiywem s ellesm n seyyedne yesuwε elmesiyH. eθkuwnem elkulkum δ imeθfehmen jmiyε, eltemzunemc emme elfekr iyjen d erray iyjen bac e θkuwnem δ imeθweHden belgde.11w eljmeεεeθ n elεiyleθ n xelwe xebberni e yewmeθniyw elli jerawem elεerx.12meεnahe kul iyjen essiywem yeqqar: "neč d buwlus." ziyγ "neč d ebulluws." ziyγ "neč d buTrus." ziyγ "neč d elmesiyH."13endre elmesiyH yemzuwn? endre δ buwlus elli yemmeSleb f elxeĎrewwem? endre θemγeTsem s ellesm n buwlus?14e cexre rebbi elli elγeTse Hette iyjen essiywem kan δ kriysbi d γayis15bac e lyeqqar Hed θemγeTsem s elquwweθ n ellesmiyw.16w γeTse zade elεiyleθ n eSTefan. b xlaf iyhen, ettesfekkerexc Hed xlaf γetsexθi.17εlexaTer elmesiyH eyyuzinc δ γeTse, emme bac e becre s elbcareθ, w etεemlexc f elHekmeθ n edwi bac etmexsirc elquwweθ n temettent n elmesiyH f eSSeliyb.18w elbcareθ n eSSeliyb γer elli helxiyn δ elbhameθ, emme γenne nečin elli nemneε δ elquδreθ n rebbi.19εlexaTer yemmeri g elxθab : "δ ehelxe elHekmeθ n elli Hesben g imenensen γersen elHekmeθ, usinc ehelxe eδke n elli Hesben g imenensen γersen eδke".20meni elli γers elHekmeθ? meni imuεellem n ecceriyεeθ? meni elli γers elfelsfeθ g elweqθe? εlexaTer erreb yege elHekmeθ g eddunyeθe δ ejjehl!21w erreb g elHekmeθes, yeqSeδ δ θesnen leεbaδ muc s elHekmtensen. emme yexs eymenneε elli emnen s ebeccer n injiyl elli Hesben δiys lebHaD δ elγbaweθ.22uδayen Ďelben g elmuεjzeθ w iyyuneniyyen etHewmen elHekmeθ.23emme nečin netbeccer s elmesiyH elli yemmeSleb f eSSeliyb. w wah ettγaγet n eεθer y uδayen, w δ elγbaweθ y iberreniyyin.24emme y elli ynebaθen rebbi, δ uδayen ziyγ δ iyuneniyyen, nette δ elmesiyH elquwweθ d elHekmeθ n rebbi.25w elli eyban δ elγbaweθ seg erreb, nette γers elHekmeθ exθer n leεbaδ. w elli eyban δ eDDeεf seg erreb nette eqwe n leεbaδ.26esfekreθ ey ewmaθen max i θkanem elweqθ elli ynebeyawem rebbi. w elikenc jerawem egget γersen elHekmeθ, ziyγ δ imeqqaren ziyγ δ icriyfen.27emme yexθar erreb elli emmeHsben δ ejjuhhal bac e yHeccem elli eHesben g imenensen γersen elHekmeθ, w elli Dεaf bac e yHeccem elli qwan.28w yexθar imeθweDεen d elli emmeHqren w elli nihnin Hette ciy g elεalem, bac e yekkes elli Hesben δiys leεbaδ δ elHajeθ tebhe,29w bac e lyetteθfuxar Hed ezzaθ n erreb.30w xenyum tebεiyn y elmesiyH yesuwε s elfeDl n rebbi, w erreb yedjiθi δ elHekmeθenne. w s elmesiyH erreb exenyeHseb δ eSSullaH w δ imqedsen yefδeyane.31w emmax i yeqqar elxθab: "elli yexs e yeθfuwxer, edj e yeθfuwxer s erreb."
Chutney Media Agency Limited