Exod5
1wembeƹd reḥḥen muwsa aḏ haruwn al ferƹuwn uwanas: «yenkiyaneγ lliy diyma yella, rebbiy n israyiliyen. yuweyaḵ: < seyyeb midniw adj alẓallen g ṣṣeḥreṯ. > »2yaxy yuwa ferƹuwn: «d mam netta lliy diyma yella bac aggeγ lliy yemmal we asiybeγ aṯ israyil? witsineγ aḏ witensiybeγc.»3wembeƹd uwan: «rahiy rebbiy n iƹebraniyen yeḍherneγ. yexs aγentedjeḏ anyuwr tiḵli n 3 d ussan g ṣṣeḥreṯ bac aneγres y lliy diyma yella. kan wiγentedjac areḥ. rahiy taysezwa fellenneγ lwaf naγ taγenyenγ s ssiyf.»4yaxy yuwa lmelik n miṣr y muwsa aḏ haruwn: «maγer teƹeṭlem midden af lecγalesen. ḏuleṯ al lxeḏmtewem lliy tuƹer.5qa ayuh n midden rnin ṭuruh. maγer texsem atenriḥem seg lxeḏmeṯsen.»6as diyn yuwa ferƹuwn y lliy ssexdemen g midden aḏ ccefan.7«maƹdec aḏucem y midden lluwm bac aggen ṭṭuwb mammeḵ tetcmasen qebbel. adj areḥen nihnin weḥdesen aleymen lluwm.8aḏ meltesen ggen ṭṭuwb n lƹadeṯ wisenkizenc siyes, rahum d ibuxliyen, afelxaḍert n aydin tṣeyḥen mmalen: < djenneγ anreḥ aneγres y rebbiynaγ. >9rnitasen lxeḏmeṯ bac alhan diyes aḏ wiseγdenc tikerkas n ayuh n irgazen.»10yaxy ffeγen lliy ssexdemen g midden aḏ ccifan tberḥen jar midden: «ayuh mag yuwa ferƹuwn: < wifentuc lluwm.11berreṯ kennim laymet mani tufimt aḏ witsenkezemc seg lƹded n ṭṭuwb af lƹadeṯ. > »12mferqen midden g tammurt n miṣr lkul bac aleymen lgac g lƹuwḍ n lluwm.13aḏ wsiyn lliy ssexdemen disen mmalnasen tƹaweḏen: «kemleṯ lxeḏmtwem, lxeḏmeṯ n kul as g asis mammeḵ yusi mniyn diyes lluwm.»14imiṣriyen lliy ssexdemen g aṯ israyil wetten ccifan n israyiliyen s ṣṣuwṭ af ixfewnesen aḏ nihnin mmalnesen: «maγer witkemlemc ṭṭuwb lliy yexs ateggem sennat aḏ as wuh mammeḵ tusim teteggem diyes qebbel.»15yaxy usend ccifan n israyiliyen y ferƹuwn uwan: «maγer tetteggeḏ amyuh s lƹbaḏiḵ?16rahiy nihnin wiγentucenc lluwm aḏ xsennenneγ aneg ṭṭuwb am lƹadeṯ. qa čaṯen diyneγ s ṣṣuwṭ. rahiy ḏnub nnasen muc d nnaγ.»17yaxy yuwayasen: «kennim d ibuxliyen witxedmemc, haka ƹlac temmalem: < djenneγ anreḥ aneγres y lliy diyma yella. >18yya ureḥeṯ xedmeṯ. wifentucenc lluwm aḏ yexs aggem ṭṭuwb kamel am lƹadeṯ.»19yaxy ccifan n yxeddemen ufen imanesen g lmuckleṯ temeqqart lemmi slen lliy yexs aggen ṭṭuwb am lƹadeṯ kul as weḥdes wisenkizenc siyes ḥetta d fercu.20mniyn fγen s ferƹuwn ufen muwsa aḏ haruwn bbedden ssugumen disen.21yaxy uwanasen: «afenyenγa rebbiy incella. rahiy smanis tusimeneγd krehnaneγ ferƹuwn aḏ midden lliy nnaḍḍen siyes. xesa fercu anγennenneγ s ssiyf.»22yaxy yeḏwel muwsa al lliy diyma yella, yuwa: «maγer ddureḏ middeniḵ, ay rebbiy? maγer tenkidiḏ?»23«smanis usiγd bac aḏuflayeγ y ferƹuwn s ismiḵ, yuḏel netta yedurru g midden. aḏ cek witensemneƹc.»
Chutney Media Agency Limited