Exod40
1aḏ yuwa lliy diyma yella y muwsa:2«yexs asebeddeḏ lƹecceṯ n umlaqi, lƹecceṯ temeqdust g as mezwar n cehher mezwar n suggas ƹebri.3we aggeḏ diyes ttebuwt n luwṣayaṯ we ateḥerzeḏ s star.4we aseḏfeḏ ṭṭewleṯ we atetseḥedreḏ. aḏ aseḏfeḏ nnir we asiγeḏ lkisanis.5we aserseḏ mkan n ubexxer lliy d wureγ zzaṯ ttebuwt n luwṣayaṯ lliy yella deffer star. we aƹelqeḏ star n imi n lƹecceṯ.6we aserseḏ mkan n teγrest zzaṯ imi n lƹecceṯ n umlaqi.7we aserseḏ fedja n uzizdi jar lƹecceṯ aḏ mkan n teγrest, aḏ čary s aman.8we aggeḏ stareṯ n amas lḥuc lliy yenneḍ s lƹecceṯ, we aƹelqeḏ star n imis.9we adehneḏ s uḏi meqdus we aqedseḏ siyes lƹecceṯ aḏ reγeltis lliy diyes lkul bac addel y neči.10am idin aqedseḏ mkan n teγrest aḏ reγeltis lkul we atqedseḏ bac aydel d lquds n leqdas.11we adehneḏ fedja n uzizdi aḏ tqeƹetis bac atqedseḏ zada.12we adeγeḏ haruwn aḏ ṭarwas al imi n lƹecceṯ n umlaqi we asentzizdyeḏ.13we asṣirdeḍ haruwn leḥweyjis imeqdusen we asneγleḏ uḏi bac atqedseḏ we aydel d lkahen y neči.14we adeγeḏ ṭarwas we asentirḍeḏ tisuriyinesen zada.15we asentneγleḏ we atenqedseḏ mammeḵ teggiḏ y babesen bac adlen d lkuhhan y neči. aḏ s uqeddes amyuh awerṯen lkehenut ljiyl beƹd ljiyl.»16aḏ yeggi muwsa lliy yuwa fellas rebbiy lkul.17as diyn, g as mezwar n cehher mezwar n usuggas wissen ysebbed lƹecceṯ.18yesers tiqeƹeḏinis aḏ ysebbed tqafeṣis aḏ lewasṭis aḏ tireslinis.19aḏ yeggi sqef nnaj lƹecceṯ. aḏ yuḏenniṯ mammeḵ yuwa rebbiy.20aḏ yewya tilweḥin n luwṣayaṯ yeggineṯ g ttebuwt aḏ yeggi igeḍman af lejnab ttebuwt. aḏ yeggi anjis lƹerc n rreḥmeṯ.21aḏ yewya ttebuwt al lquds n leqdas aḏ yeggi star zzaṯis. amyuh yeggi ttebuwt mammeḵ yuwa rebbiy.22aḏ yeggi ṭṭewleṯ g lƹecceṯ n umlaqi g ljiheṯ tebeḥrit n tzaqqa s barra y star.23aḏ yeggi muwsa tqurset temeqdust af ṭṭawleṯ zzaṯ lliy diyma yella mammeḵ yuwayas.24aḏ yeggi nnir g lƹecceṯ n umlaqi g ljiheṯ teqblit aḏ g leqbeleṯ n ṭṭewleṯ.25aḏ yessiγas lkisanis zzaṯ rebbiy. amyuh yeggi nnir mammeḵ yuwayas.26aḏ yeggi mkan n ubexxer lliy d wureγ g lƹecceṯ n umlaqi zzaṯ star.27aḏ yeḥreq diyes lebxuwr faweḥ mammeḵ yuwayas lliy diyma yella.28aḏ yeggi star n imi n lƹecceṯ.29aḏ yeggi mkan n teγrest g imi lḥuc n lƹecceṯ n umlaqi. aḏ yeγres y rebbiy aḏ yeḥreqqas. aḏ yuca y rebbiy ṣṣedqeṯ n tiγwaw. mammeḵ yuwa lliy diyma yella y muwsa.30aḏ yeggi fedja n uzizdi jar lƹecceṯ n umlaqi aḏ mkan n teγrest. aḏ yečury s aman y uzizdi.31bac aysireḏ muwsa aḏ haruwn aḏ ṭarwas leḍrefesen s amanis.32sirden leḍrefesen diyes. aḏ yexs atensirden kul man aḏeḏfen al lƹecceṯ n umlaqi naγ aqrebben al mkan n teγrest. amyuh ggen mammeḵ yuwa lliy diyma yella y muwsa.33aḏ iṣunuḍ muwsa s stareṯ af amas lḥuc lliy yenneḍ s lƹecceṯ aḏ mkan n teγrest. aḏ iƹelleq star n imis s mcerreq. amyuh ykemmel muwsa lxeḏmeṯ lkul.34yaxy ƹlewleh tuḏen tesḥebt lƹecceṯ n umlaqi. aḏ yečuriṯ lmejd n lliy diyma yella.35wiqudc muwsa ayeḏef al lƹecceṯ n umlaqi afelxaḍert tesḥebt tezwa fellas. aḏ lmejd n lliy diyma yella yčuriṯ.36kul man atmukes tesḥebt s nnaj lƹecceṯ wsiyn aṯ israyil rezfen.37amma kan witmukesc tesḥebt wsiyn tqiman diyn almiy tmukes.38aḏ tusi tesḥebt n lliy diyma yella tetteḏen lƹecceṯ ug as. aḏ tetreq am timsi g yiḍ zzaṯ ṭiṭawin n aṯ israyil mani rzeffen.
Chutney Media Agency Limited