Exod26
1nsej 10 n stareṯ seg ustu n tefduxt ṣbiḥ aḏ ulman d izizewen aḏ d iḥberiyen aḏ d izuggaγen. aḏ ṭrez fellas tṣawer n sen iqeruwbin.2ṭṭul n kul star 28 d leḏruƹ aḏ lƹerḍis 4 ḏruƹ, aḏ ayuh d leqyas n stareṯ lkul.3we aqneḏ kul 5 n stareṯ g beƹeḍhum,4we aggeḏ g ṭṭerf n stareṯ imezweren lliy qqennen tiḥelqeṯin n ulman izizawen, aḏ af ṭṭerf n stareṯ ttenyaṯ lliy qqennen zada,5we aydel y kul ṭṭerf sisen 50 d tiḥelqeṯin n ulman ijeṯ g leqbeleṯ n ttani.6we aggeḏ 50 d iγesmeren n wureγ bac aṭfeḏ sisen aydin n sen leḍraf bac aḏulen d ddan yjen y lƹecceṯ.7we aggeḏ ddan wissen y leƹecceṯ seg 11 d stareṯ n uzeṭṭi n udjuf n tγaṭin.8kul star sisen ṭṭulis 30 d leḏruƹ aḏ lƹerḍis 4 ḏruƹ.9we aqneḏ 5 n stareṯ imezweren bac aḏulen d ṭṭerf yjen, we aggeḏ am idin s 6 lliy fdellend. lekenti yexs aḏeḍiḏ star wi 6 bac aydel am star n imi zzaṯ lƹecceṯ.10we aggeḏ 50 d tiḥelqeṯin n ulman g ṭṭerf n stareṯ imezweren aḏ 50 g ṭṭerf n stareṯ ttenyaṯ.11we aggeḏ 50 d iγesmeren n nḥas, aṭfeḏ sisen tiḥelqeṯin n ulman n leḍraf bac aḏulen stareṯ d ddan wissen y lƹecceṯ.12we adjeḏ zgen n star seg ddan wissen yerxa bac ayeḏen laxer n lƹecceṯ.13aḏ dereƹ lliy yefdelled siyes s yeh aḏ s yeh, yexs aterxiḏ felnejnab n lƹecceṯ.14we aḏeḏneḏ lƹecceṯ s nnaj s ilimen n iberkas ḏhennen d izuggaγen aḏ njesen ilimen n trebit temeqqart lliy man γiyr tqecra.15amma leḥyuḍ ateneggeḏ s tqafeṣ seg isγaren n ssenṭ bbedneṯ.16ṭṭul n kul teqfiṣeṯ sisneṯ 10 ḏruƹ aḏ lƹerḍis dereƹ aḏ wezgen.17we aggeḏ y kul teqfiṣeṯ sen derren, yjen g leqbeleṯ n ttani.18ljiheṯ teqeblit aggeḏ diyes 20 d tqafeṣ.19we aggeḏ 40 d tiqeƹƹeḏin n lfejreṯ adug ayuh n tqafeṣ, sen n tqeƹƹeḏin y iderren n kul teqfiṣeṯ.20we aggeḏ g ljiheṯ wisneṯ tebeḥrit 20 d tqafeṣ,21asenteggeḏ 40 d tiqeƹƹeḏin n lfejreṯ, bac aydel sen tqeƹƹeḏin y sen derren n kul teqfiṣeṯ.22amma lḥiḍ medeffer, aγerbi n lƹecceṯ asteggeḏ 6 n tqafeṣ.23we aggeḏ sen tqafeṣ y kul terkineṯ seg treken timedefferin.24we adelneṯ lṣeqneṯ s dday al nnaj mani taggeḏ lḥelqeṯ ijeṯ y kul terkineṯ.25we aydel g ljiheṯ teγerbit diyes 8 n tqafeṣ aḏ 16 d tiqeƹƹeḏin senneṯ y kul teqfiṣeṯ.26we aggeḏ lweseṭ seg isγaren n ssenṭ, 5 y tqafeṣ n ljiheṯ teqeblit n lƹecceṯ,27aḏ 5 y tqafeṣ n ljiheṯ tbeḥrit n lƹecceṯ aḏ 5 y tqafeṣ n ljiheṯ temedeffert s mγerreb.28we addel lweseṭeṯ temamest tatƹedda g amas n tqafeṣ seg ṭṭerf al ṭṭerf.29we aγelfeḏ tqafeṣ s wureγ, we asenteggeḏ tiḥelqeṯin n wureγ mani aḏeḏefneṯ lweseṭ, we aγelfeḏ lweseṭ zada s wureγ.30aḏ amyuh yexs aggeḏ lƹecceṯ temeqdust mammeḵ siḵenγeḵted dehnit af jbel.31we aggeḏ star seg ustu n tefduxt aḏ ulman d izizewen aḏ d iḥberiyen aḏ d izuggaγen fellasen tṣewer n iqeruwbin.32we atƹelqeḏ af 4 n tireslin seg isγaren n ssenṭ γelfeneṯ s wureγ, aḏ beddeneṯ af 4 n tqeƹƹeḏin n lfejreṯ, disneṯ 4 n lemxeṭef.33we aƹelqeḏ star g iγesmeren, we aseḏfeḏ ttebuwt lliy diyes tiḍγaγin n luwṣayaṯ deffer star diyn lliy taydel jar lquds aḏ lquds n leqdas.34we aggeḏ ddan af ttebuwt n luwṣayaṯ g lquds n leqdas.35we asebeddeḏ ṭṭewleṯ s barra y star g ljiheṯ tebeḥrit aḏ g leqbeleṯ n nnir lliy yella g lqibelt.36we aggeḏ star yeṭrez y imi n lƹecceṯ seg ulman d izizewen aḏ d iḥberiyen aḏ d izuggaγen aḏ ustu n tefduxt.37we aggeḏ y star 5 n tireslin seg isγaren n ssenṭ γelfeneṯ s wureγ beddeneṯ af 5 n tqeƹƹeḏin n nḥas. aḏ disneṯ 5 n lemxeṭef n wureγ.
Chutney Media Agency Limited