Exod24
1wembeƹd yuwa lliy diyma yella y muwsa: «lliy al γari, cek aḏ haruwn aḏ nadab aḏ abiyhuw aḏ 70 seg iwessaren n aṯ israyil yexs altsejdem s yebƹeḏ.2we aqimen bƹeḏḏen fella, aḏ wiltqerbenc kan cek weḥdeḵ aḏ witaly iḏeḵ ḥetta ḥed seg cceƹb.»3yused muwsa al midden, yuwayasen af mag yuwa rebbiy lkul, yaxy uwanas: «taneg lliy yuwa rebbiy lkul.»4yuri muwsa luwṣayaṯ n lliy diyma yella. aḏ yekker tajji yeggi mkan n teγrest y rebbiy adug jbel aḏ ysebbed 12 d tiγuγa d igeḍman felleḥseb n leƹceyer n aṯ israyil.5aḏ yenkiy imezyanen seg aṯ israyil bac aḥerqen teγrest y rebbiy we asγersen seg ifwunesen teγrest n slemeṯ.6wembeƹd yeggi muwsa zgen n iḏemmen g ibriqen aḏ lbaqi irucci af mkan n teγrest.7aḏ yeƹzem luwṣayaṯ n rebbiy af midden, yaxy uwan: «lliy yuwa rebbiy tatneg.»8wembeƹd iruc iḏemmen af midden, yuwa: «qa ayuh d iḏemmen n lƹehd lliy yeggi rebbiy iḏuwem mammeḵ yuwa.»9amyuh yuli muwsa netta aḏ haruwn aḏ nadab aḏ abiyhuw aḏ 70 seg iwessaren n aṯ israyil.10yaxy zren rebbiy n aṯ israyil yebbed af ḥaja seg lyaquwt tezizewt tlemmeƹ am ujenna.11lekenti rebbiy wiyenγic imeqqaren n aṯ israyil, amma yedjin zerren diyes aḏ nihnin tteten, sessen.12yuwa lliy diyma yella y muwsa: «ali al jbel tmaw, teqimeḏ dinet. rahiy tafuceγ luwṣayaṯiw aḏ cceriyƹeṯiw lliy uriyextent af sen tγuγa, bac atentseḥefdeḏ y midden.»13yaxy yekker muwsa yuli al jbel n rebbiy netta aḏ yecuwƹ lliy yetƹewen diyes.14yuwa muwsa y iwessaren n aṯ israyil: «sugemteneγ deh almiy adner. aḏ qa haruwn aḏ ḥuwr jarewem. aḏ lliy yexs ḥaja asenimel y nihnin.»15aḏ mniyn yuli muwsa al jbel, yuḏen sḥab jbel lkul.16yezwad lmejd n rebbiy af jbel n siynay. yuḏenny sḥab 6 d ussanaṯ. aḏ g as wi 7 yesγuy rebbiy af muwsa seg amas n sḥab.17aḏ yeḍherred lmejd n rebbiy y aṯ israyil am timsi tetheblej af iγef n jbel.18amyuh yuḏef muwsa g amas n sḥab. aḏ yerniy yuli al jbel mani yeqqim 40 d ussan aḏ iḍan.
Chutney Media Agency Limited