Exod22
1kan yesreq yjen fwunes naγ izmer yeγressy naγ yezenzy, yexs ayuc y lmulatis 5 n ifwunesen naγ 4 n iƹelwac.»2«kan lliy yserreq ṭṭefent g yiḍ, yaxy wettent nγent, areḥen iḏemnis am idin.3amma kan ṭṭefent beƹd ilay n tufuyt, yaxy nγent. γaresen middenis lḥeq bac rren tṯar y lliy yenγi. sereq zada yexs ayƹeweḍ y lliy yetwesreq, kan wiγrec man ayuc, ayemmunz bac ayxelleṣ sereqtis.4kan lliy yemmusreq ufent γares yedder d fwunes naγ d aγyul naγ d izmer yexs ayuc sereq y lmulatis deqqes n lḥeqqis mertin.5kan yella mam yedja zweylis ferden g umezdeγ n ljaris naγ g tzurinis, yexs asyƹeweḍ seg lγelleṯ teṣbiḥt n umezdeγis naγ n tzurinis.6kan yella mam yessiγ timsi g ysennenen, yaxy treḥ s yin al nwader n irden naγ al tirni naγ al imendi lliy g imezdeγen, yexs ayƹeweḍ lexsareṯ.7kan yedja yjen lemeneṯ d lfejreṯ naγ d wureγ al ṣṣeḥbis, yaxy temusreq, ayuc sereq almiy yemuṭef deqsis mertin.8kan witṭifenc lliy yesreq, yexs lliy yelqa lemeneṯ ayedjul zzaṯ lemeḥkmeṯ lliy muc d netta yesreq lemeneṯ n ṣṣeḥbis.9kan yella mam iḥaz ḥaja muc nnas, seg leḥweyej naγ seg iγyal naγ seg tulli naγ seg ifwunesen naγ ḥaja lliy treḥ y lmulatis, aḏ kul yjen sisen yemmal: < nnuw neči. > yexs bbedden s ssen zzaṯ lqaḍi, aḏ lliy adyeḍher lliy netta d sereq ayƹeweḍ y ttani deqqes n lliy yewiy mertin.10kan yella mam yedja aγyul naγ fwunes naγ zeyleṯ al yjen, yaxy yemmuṯ naγ yemdur naγ yetwesreq g lγefleṯ.11yexs lliy yelqa lemeneṯ ayedjal s rebbiy lliy muc d netta lliy yewya matta yedja γares ljaris. aḏ yexs ttani ayerla s ayuh n djelliṯ aḏ wiḍellebc leγremeṯ.12amma kan zeyleṯ tetwesreq s γares afelxaḍert wiyerric lbalis, yexs ayƹeweḍ y ṣṣeḥbis.13kan aydin n zeyleṯ čenteṯ lehweyec, yexs adyeγ lebqitis d lemereṯ, aḏ s ayuh wituc leγremeṯ.14kan yerdel yjen ḥaja s ṣṣeḥbis, yaxy terrez naγ temmuṯ γares aḏ lmulatis wiyelli, yexs ayuc leγremeṯ y lmulatis.15amma kan temdur zzaṯ lmulatis, ttani wisyettuc ḥaja. amma zeyleṯ naγ ḥaja yuγetted s lekri. rahiy lekri d lƹuḍ n lexsareṯ.16kan yella mam yenneḍ s ijeṯ d teqiyyert, yetṭes yiḏes, yexs asyuc ccerd we atetyenjef.17ḥetta kan babis wiyeqqil astedisenjef, yexs asyuc ccerd n tqiyarin.18kul ijeṯ tetteg ssuḥer, yexs atemunγ.19kul yjen ayestefƹel g lbeqmeṯ, yexs ayemmunγ.20kul yjen ayuc lweƹdeṯ muc y rebbiy, yexs aymunγ.21witḍeyeqec lliy muc siwem aḏ witeṯƹeddeṯec fellas. rahiy kennim zada tusim d iγriben g miṣr.22widurruc tedjalin naγ leytam,23afelxaḍert kan durretten taḍelben ƹewniw, we asenesleγ.24we aγeccecceγ, we afenenγeγ s ssiyf, we aḏwelneṯ tiseḏnanuwem tedjalin aḏ terwewem d litama.25kan terdelleḏ iflusen y yjen d zeweli seg midniw lliy tmaḵ, yexs witleqqic fellas zzayeḏ mammeḵ tteggen lliy ttucen s lintiris.26kan telqiḏ lbas n yjen d rhen n slef, yexs astiḏerreḏ aḏ ina n tufuyt,27afelxaḍert d aydin lliy yeqqimas, kan teksdestiḏ matta tayreḍ almiy tayeṭṭes? rahiy kan yeqqim am idin, tayƹiyeḍ, aḏ kan iƹeyyeḍ tasesleγ afelxaḍert neči d rebbiy rḥiym.28wileƹƹenc aḏ wideƹƹuc y lliy ḥekmen diwem.29yexs altuceḏ lfal n lγeltiḵ seg nnader aḏ seg uḏi. aḏ altuceḏ bedri seg ṭarwaḵ.30aḏ am idin aggeḏ s ibedriyen n ifwunesen aḏ tulli, bedri atedjeḏ ljumƹa yid yedjis wembeƹd altiḏuceḏ.31we adlem d cceƹbiw d meqdus, witettec yessum n mag yemmuč seg lḥuwc g ṣṣeḥreṯ amma uceṯ y iṭṭan.»
Chutney Media Agency Limited