Mukaanda kwaa Baebeleo3iyx_wbt
Yiisu avulu Mooso
1Baana ba nguu, beni badiasa imiinu mu Nziaambi, beni dili na ikuku mu mbili yamata ku mayula. Ni mu buu, ditala kwaa Yiisu, wu Nziaambi atsinduu na wuli nguu a ngaanga a Nziaambi wu bisi dili mu uta imbaangi.2Nde ali akangama mu Nziaambi wabiaalisi nde, weti bu Mooso ali akangama mu nzo a Nziaambi yoosi.3Mu ngwanya, Yiisu afwaana mu uholo buzitu bavulu mu bunene na ba Mooso, mundaa ti wuli mu utuungu nzo avulu nzo yo makulu mu likiinzi.4Mu ngwanya, pasi nzo yili na mutuungi a yo. Ka mutuungi a bioosi ni Nziaambi.5Mu yatala Mooso, nde ali anambita mu nzo a Nziaambi yoosi, weti musiali wuli mu uta imbaangi mu mi Nziaambi akeni uleele.6Ka Kristo li anambita weti Mwaana wubasuusu mu utumu nzo a Nziaambi. Na bisi dili nzo a nde, so bisi dikebi imiini na ilimbisi bi bisi dili na kinyi mu bio.Nziaambi li mu uha puumini kwaa babali mu uyuu nde
7Ni mu buu, weti buli mu uleele Muheebili wa Ngira:«So beni diyuyi muniingi a ndaa a Nziaambi lolo,8a dikutu mitimi mia beni pe, weti mu taanga di beni diateminini nde,mu iluumbu ki beni diayesini nde ku tsi ya tsata.9Kuu, bamwakaa ba beni basiongi me na bayesini me, buleeli Nziaambi,so bu bamoni mi me nayilii10mu tsitsi a maku mana (40) ma bilimi.Ni mu buu me nakoli bo kesi, na me naleeli: “Mitimi mia bo mili mu ubaayenanga ku ndiimbisi taanga dioosi,na bo a bayaaba pe makuulu ma me.”11Kutso kesi a me, me nalabi ngwanya yi:Bo a bukoto pe ku mbuu ya puumini yi me nayilii mu bo!»12Baana ba nguu, disa mayele, kele muutu so mosi nha kati a beni a ayaba na mutimi wumubi, na wu munono, wu utsindi nde mu utakuu na Nziaambi wa moonyi.13Ka dihamisina bana mu bana, pasi iluumbu, mu pasi taanga dibutuu uleele: «lolo», paa ti muutu so mosi mu beni anyaala ukutu mutimi, na masumu manyaala ufutu nde.14Mu ngwanya, bisi dili bambaayi ba Kristo, so bisi dibeeri babanambata natee ku manini, mu ilimbisi ki bisi diabayi mu mbaandili.15Ni mu buu, baleeli:«So beni diyuyi muniingi a ndaa a Nziaambi lolo,a dikutu mitimi mia beni pe, weti mu taanga di beni diateminini nde.»16Ka, bana bayuyi muniingi a ndaa a Nziaambi na babateminini nde? Ni boosi ba Mooso apalisi ku Ngipiti.17Bana Nziaambi akoli kesi mu tsitsi a maku mana (40) ma bilimi? Ni babasi masumu, na babakwiiri mu tsi ya tsata.18Mu taanga di Nziaambi alabi ngwanya yi: «Bo a bukoto pe ku mbuu ya puumini yi me na yilii mu bo», kwaa bana nde akitsuu? Ni kwaa babateminini nde.19Mu ngwanya, bisi dili mu umono ti bo a batuyi ukoto ku mbuu ya puumini yi pe, mundaa ti bo babisi usa imiini.