ISANZU Bible Version5
1Lʉhikʉ naɨlʉtyatile Yesʉ aɨwimɨkile mʉnshembo alʉzɨ nʉla Genezaleti, antʉ aɨakʉmʉnyoma ahume kʉtegeelya lʉkani lang’wi Itunda.2Mʉmpelo amazɨ akaona mabɨnɨ abɨɨlɨ, akazealekilwe papo abui akʉnɨng’anɨɨlya nyabu yao.3Yesʉ akanankɨla mibɨnɨ lang’wa Simoni, akamʉlompa walɨsuntɨɨlye mʉmazɨ kʉlɨ iniino nɨnshembo. Akikiɨ akandya kʉamanyisa iantʉ wazeʉmolɨ mibɨnɨ.4Naɨwakondya kʉmanyisa akamʉɨla ʉ Simoni, “Twala ibɨnɨ pamazɨ ɨdʉ mʉgʉmɨle ɨnyabʉ mʉmazɨ mʉbue insamaki.”5Simoni akamʉsʉkɨɨlya ʉ Yesʉ, “Ʉewe Isekʉlʉ kagile kʉbua nsamaki ʉtikʉga kaʉlya anga kɨntʉ, kʉnsoko wewe ʉtambʉe kʉʉgʉmɨla ɨnyabu mʉmazɨ.”6Naɨagʉmɨla ɨnyabu mʉmazɨ akabua nsamaki idʉ, sʉnga nyabu niao ikatula tamʉka.7Akaakʉlya awo naɨakete ibɨnɨ lʉlya azeaaɨlya. Akiza nsamaki yɨkizʉla, mʉmabɨnɨ ɨhi abɨɨlɨ ɨkatula hegenteela.8Simoni Petelo naɨwamaona ayaitɨ akatugama pang’wa Yesʉ, akalʉnga, “Isekʉlʉ hega kʉng’waane, kʉnsoko ʉnene nɨmʉntʉ nɨ mʉnyamɨlandʉ!”9Simoni nawa ɨhi naɨine aɨalɨkʉɨwe kʉnsoko ilʉndo nɨla nsamaki naɨabuile.10Itɨ ʉʉgwa ahʉmbaʉya ang’wa Simoni a Yakobo nʉ Yohana anaang’wa Zebedayo nɨenso akakʉɨlwa. Sʉnga ʉ Yesʉ akamʉɨla ʉ Simoni Petelo, “Leka kʉkʉɨlwa, kʉpumɨɨla ino shanga mʉkʉtula mɨabua nsamaki, ingɨ mʉkʉtulɨngɨila antʉ atule amanyisigwa ane.”11Ʉʉgwa akasuntɨɨlya ɨmabɨnɨ mʉnshembo alʉzɨ, akaleka maintʉ ɨhi akityata ʉ Yesʉ.12Lʉhikʉ lʉng’wi Yesʉ naɨʉkolɨ mʉkɨsalɨ kɨng’wɨ, mʉntʉ ʉng’wɨ naɨwambʉe nambʉ mʉɨlɨ wakwe wɨhi akapembya, naɨwamʉona ʉ Yesʉ, mʉntʉ ʉyʉ akatugama ʉsʉ wakwe ʉkakinyɨlya pihɨ akamʉlompa. “Isekʉlʉ angaikʉloe ʉhumile kʉnelya nihume kʉmʉkʉlya Itunda.”13Yesʉ akamʉamba ʉmʉkono akamʉɨla, “Ndoilwe, weligwe.” Nambʉ ɨkalimila akagombeka kʉmʉkʉlya Itunda.14Yesʉ akamʉgilya, “Leka kʉmisasɨla mʉntʉ wɨhi, itungo ɨlɨ longola wiambye kʉapolyi kɨna ɨnambʉ alimɨla, kʉng’wanso ʉpumye ipolyo anga naɨʉlagɨɨye ʉ Musa kʉantʉ ɨhi kɨna weligwa.”15Nɨitɨga inkani izi yikakumʉka mpande yɨhi. Antʉ ɨdʉ akapembya ahume kʉponyigwa malwae ao.16Nɨitɨga Yesʉ aɨwikoma kʉlɨ nɨantʉ, kʉng’wanso aɨwɨmʉlompa Itunda.17Lʉhikʉ lʉng’wɨ Yesʉ aɨʉkʉmanyisa, Apalisayo nɨamanyisi amalagɨɨlyo ang’wa Musa, antʉ kʉpuma kʉisalɨ niakʉ Galilaya nʉ Ʉyahudi ni Yelusalemu akapembya akamʉtegeelya. Akaze aponya alwae kʉʉhumi wang’wi Isekʉlʉ.18Akapika nɨantʉ angɨɨza amʉletile mʉntʉ nʉlemilwe kʉgenda, akaze amʉkenkile mʉmɨangʉ, akagema kʉmingɨlya mʉnyʉmba amʉtenge pamɨgʉlʉ ang’wa Yesʉ.19Ingɨ naɨleng’wa kʉmingɨlya kʉnsoko amʉkoegano waantʉ, akanankɨla kitembe akatunja paɨʉkoli ʉ Yesʉ akataʉla akalija lyoma akamʉkɨɨlya ʉmʉntʉ nʉlemilwe kʉgenda naɨʉkenkilwe mʉmɨangʉ akamʉsimya nʉkʉmʉtenga pamɨgʉlʉ ang’wa Yesʉ. Antʉ anɨɨ akʉmʉsimya mʉlwae Mʉnyʉmba kʉkɨɨla kitembee.20Yesʉ akalɨnga kɨna amʉhʉɨɨe, akamʉɨla ʉmʉlwae, “Mʉnyandʉgʉ walekelwa ɨmɨlandʉ ako.”21Apalisayo nɨamanyisi amalagɨɨlyo ang’wa Musa akatʉlikolya, “Mʉntʉ ʉyʉ watula nyenyu nʉkʉtambʉla inkani niakʉmʉtʉkɨla Itunda? Nyenyu nʉhumile kʉlekela ɨmɨlandʉ, si Itunda dʉne?”22Yesʉ akaalɨngɨlya ɨmasɨgo ao, akaakolya, “Kʉnɨkɨ mʉkʉsɨga nanso?23Itɨɨ, kɨntʉni nɨkɨbahu, kʉmʉɨla mʉntʉ ʉyʉ, ‘walekelwa ɨmɨlandʉ ako,’ ang’wɨ kʉlʉnga, ‘Imɨke ʉgende?’24Ʉʉgwa ndoilwe mʉlɨnge kɨna, Ʉng’waa Mʉntʉ ʉkete ʉhumi nʉakʉahegelya ɨantʉ mɨlandʉ mʉnʉ mihɨɨ,” Papo paapo akamʉɨla mʉntʉ ʉyʉ nʉlemilwe kʉgenda, “Imɨke kenka ɨmɨangʉ ʉlongole kitolako.”25Mʉntʉ nʉanso akimɨka ntongeela aantʉ ɨhi, akakenka ɨmɨangʉ naɨʉkenkeewe, akalongola kitolakwe kʉnʉ wazemʉkʉlya Itunda.26Antʉ ɨhi akakʉɨlwa nʉkʉgʉlʉala, akandya kʉmʉkʉlya Itunda, akalʉnga, “Makani aʉkʉɨlwa nɨkʉmaine lelo.”27Naɨakɨla aya, Yesʉ nakitʉma aya akapuma kʉnzi, akamʉona mʉhangʉlwa kodi lina lakwe Lawi, wikiɨ paʉhangʉɨlyo nʉampia, Yesʉ akamʉɨla, “Ntyate.”28Lawi akaʉka, akaleka papo maintʉ akwe ɨhi nʉkʉmʉtyata.29Lawi akamʉnoneelelya ʉ Yesʉ iloeelya kitolakwe, ahangʉlwa kodi ɨdʉ palʉng’wɨ nɨantʉ angɨɨza naɨakolɨ kʉng’wa Lawi akikiɨ akalɨzania indya.30Apalisayo nɨamanyisi amalagɨɨlyo ang’wa Musa naɨakolɨ miloeelya nɨlanso akatula anang’anɨla iamanyisigwa ang’wa Yesʉ azelʉnga, “Nɨkɨ mʉkʉlɨzania nʉkʉng’wezania nɨahangʉlwa kodi nɨanyamɨlandʉ?”31Yesʉ akaasʉkɨɨlya, “Antʉ nɨapanga shanga ɨpenza anga mʉkilɨki, nɨɨpenza ʉmʉkilɨki ɨza antʉ nɨalwae.32Shanga aɨnzileaɨla antʉ nɨa nɨaza amʉtyate Itunda, ingɨ aɨnzileaɨla antʉ nɨabɨ, amʉsʉkɨle Itunda.”33Sʉnga antʉ ang’wi akamʉkolya ʉ Yesʉ, “Amanyisigwa ang’wa Yohana mʉbadisi nawa nɨa Aapalisayo ɨgwalya kʉlya nʉkʉng’wa ahume kʉmʉkʉlya Itunda, haɨ amanyisigwa ako kaalongolekile kʉlya nʉkʉng’wa mahikʉ ɨhi.”34Yesʉ akaasʉkɨɨlya, “Itɨɨ, mʉhumilene kʉagilya ɨahʉmbaʉya amʉtɨzɨɨla kʉlya nʉkʉng’wa nɨɨpalʉng’wɨ nʉyo?35Ingɨ itungo lɨkʉpika ʉmʉtɨzɨɨla nʉɨkahegigwa pang’waao, papo gwa akʉgwalya.”36Yesʉ akaapumɨlya mpyani, “Kʉtilɨ mʉntʉ nʉɨkʉɨɨla kɨlaka kngʉo nipya mitaho. Anga watende iti, ʉkʉtula watamʉla nankanda ngʉo nipya, nɨkɨlaka shanga kɨkendenkania nitaho.37Ang’wi antʉ shanga ɨkɨtɨla ɨdibai mʉpuko andɨlɨ niikʉlʉpaae, dibai nanso angɨɨlye ɨkʉtamʉla ɨpuko nanso, ɨdibai ɨkʉhunʉka nɨmipuko nanso ɨkʉtamʉka.38Idibai nɨmpya ɨkɨtɨlwa mʉndɨlɨ nimpya.39Ang’wi, kʉtilɨ anga mʉntʉ nʉng’wee ɨdibai nakalɨ nʉɨkalowa kʉng’waa ɨdibai nɨmpya, anga watongeelye kʉonza ɨdibai nakalɨ. Ʉkʉlʉnga, ‘Ɨyo nakalɨ nziza mbele.”’
The Word for the World International