1 AKOLINTO10

1Anyadʉgʉ ane, ndoilwe mʉlɨngɨ kɨna atata itʉ aɨakʉsʉngwa nʉ Ng'wahʉ hangɨ ɨhi ɨkaputa iza ʉlʉzɨ ʉlo nʉlʉkʉlʉ.2Antʉ ɨhɨ ɨkabadisigwa milunde nʉmʉlʉzɨ ʉlo nʉlʉkʉlʉ atule antʉ ang'wa Musa.3Antʉ ɨhi ɨkalya lʉdya lʉlo nʉla kɨnkolo naɨlʉpumile kʉng'wi Itunda4antʉ ɨhi ɨkang'wa kɨng'wegwa kɨko kɨɨko ka kɨnkolo. Ndogoelyo aɨang'wee kʉpuma migwe nikʉlʉ nɨla kɨnkolo naɨlɨatyatile, igwe nɨlanso ingɨ Kilisito.5Nɨitɨ ga, mʉ antʉ awa ɨdʉ shanga aɨatendile makani namʉloeeye Itunda, ɨkasha nɨ mɨimbaao ikasambaɨla mʉwɨ.
6Makani aya aɨapumie ingɨ ahume kʉʉhʉgʉla ʉsese kʉleke kʉawa kʉtenda makani nɨmabɨ anga nɨanso naɨailwe nʉ kʉtenda.7Leki kʉkʉlyi adʉdʉ anga antʉ ang'wɨ naɨɨlɨ. Anga niyandɨkilwe, “Antʉ aɨikiɨ alye nʉkʉng'wa, ɨkaʉka nʉkiinɨla anga antʉ nɨshanga amʉlɨngile Itunda.”8Hangɨ leki kʉgoolyi anga ang'wɨao naɨagooye, lʉhikʉ lʉng'wɨ ɨkalimansɨligwa antʉ elupu makʉmi abɨɨlɨ na ataatʉ.9Leki kʉmʉgemi Isekʉlʉ anga antʉ ang'wɨao naɨamʉgemile, kʉnsoko nanso ɨkalʉng'wa nzoka ɨkasha.10Hangɨ leki kʉnang'ani kʉ makani nʉkitʉma Itunda anga antʉ ang'wɨ nɨɨnang'ana, Itunda wɨkamʉlagɨɨlya malaɨka wakwe nʉwa nsha wɨkaalimansɨlya.
11Itɨ gwa, makani nanso naɨaahagile ingɨ akʉkanie ʉsese, hangɨ aandɨkilwe ingɨ akʉmanyise ʉsese nɨkʉkolɨ mʉmatungo ampelo naʉnkumbigʉlʉ.
12Itɨgwa mʉntʉ wɨhi nʉsɨgile kɨna ʉkomile mʉʉhʉɨɨli nʉwakendegeele waleke kʉgwa nʉkitʉma mɨlandʉ.13Kʉtilɨ anga mageng'wa ɨhi antʉ nɨakʉgeng'wa nɨɨza akɨlɨ kigela. Itunda ingɨ wakʉhʉɨɨlwa shanga ʉkʉleka mʉgeng'we kʉkɨla ʉhʉɨɨli wanyu, ingɨ palʉng'wɨ nʉkʉgeng'wa kʉng'wanyu, Itunda ʉkʉmʉpa ʉhumi nʉwakʉgigimɨlya nɨnzɨla akʉpumɨla ɨze mɨapanga.
14Kʉlulo, ahʉmba ɨane, temanʉki nɨmapolya adʉdʉ.15Kʉitambʉlya nʉnyenye anga antʉ nɨmʉkete mahala, lamʉli ʉnyenye aya nɨkʉtambʉla.16Nɨkɨmʉsongelya Itunda kʉ kɨkombe ɨko nɨkaʉkembetwa, itɨɨ, shanga kɨng'wezaniane ɨsakami ang'wa Kilisito? Hangɨ ʉmʉkate nɨkɨʉega, itɨɨ, shanga kɨlɨzaniane ʉmʉɨlɨ wang'wa Kilisito?17Kʉnsoko mʉkate ingɨ ʉng'wɨ, ʉsese palʉng'wɨ nʉkʉtula kɨdʉ, ingɨ kɨmʉɨlɨ ʉng'wɨ, kʉndogoelyo ʉsese kɨhi kɨhangɨla kʉlya mʉkate ʉng'wɨ.18Kolwi Aisilaeli, antʉ nɨɨpumya ipolyo wawo ɨlyaa masongelyo nanso.19Itɨɨ nʉnge ʉlɨgwa? Kɨna ndya niipumigwe kʉ adʉdʉ kɨsanigwene kʉkɨla indya? Ang'wɨ dʉdʉ yʉyo ʉsanigwene?20Ingɨ kʉlʉnge kɨna, ndya niipoeigwe kʉ ahɨng'wɨ, ingɨ ipolyo laahɨng'wɨ, shanga kʉng'wi Itunda. Shanga ndoilwe lʉkʉlʉ ʉnyenye mʉtule palʉng'wɨ nɨahɨng'wɨ.21Shanga mʉhumile kʉng'wela ɨkɨkombe kang'wi Isekʉlʉ nɨkɨkombe ka ahɨng'wɨ, shanga mʉhumile kʉlya nʉ kʉng'wa miloeelya lang'wi Isekʉlʉ, sʉnga mende mihanje kʉlya nʉ kʉng'wa miloeelya nɨlakʉkʉlya ɨahɨng'wɨ.22Ang'wɨ itɨɨ, kʉloilwe kʉmʉsasha Isekʉlʉ watule nʉ wɨlʉne? Itɨɨ mʉsɨgile kʉkete ngulu kʉkɨla nʉwanso? Tendi ɨhi kikʉlyo lang'wi Itunda.
23Mʉlʉngile, “Kʉgombigwe maintʉ ɨhi” Ingɨ ʉnene nʉngile shanga maitʉ ɨhi maza kʉng'wi Itunda. “Ʉsese kʉgombigwe kitʉma maintʉ ɨhi.” Ʉnene nʉngile shanga maintʉ ɨhi akʉaaɨɨlya antʉ kʉmʉhʉɨɨla Itunda.24Mʉntʉ nʉwaleke kʉdʉma nakʉmʉaɨɨlya ʉng'wenso du, ingɨ wadume nakʉaaɨɨlya antʉ nɨangɨza.
25Lyii nyama yɨhi niikʉgʉligwa kʉ ʉgalagalo. Leki kiaji kʉnsoko amasɨgo anyu.26Ndogoeelyo Mʉwandɨkwa wang'wi Itunda yandɨkilwe, “Ihɨɨ nɨ maintʉ ɨhi namole ingɨ ɨhi ang'wi Isekʉlʉ.”
27Anga itule mʉntʉ nɨshanga ʉmʉhʉɨɨe Itunda ʉmanile nʉnyenye mʉgombe kʉlongola, itɨgwa, lyii kɨhi nɨmʉkʉtengelwa, leki kiaji mʉnkolo yanyu.28Ingɨ mʉntʉ anga wamʉɨle, “Nyama ɨyɨ ipoeigwe adʉdʉ,” Itɨ gwa, leki kʉlyi, kʉnsoko amʉntʉ nʉmanile nɨ ingɨmʉleke kʉalɨka mʉnkolo yanyu,29apa shanga kʉtambʉla kʉnsoko akʉaalya masɨgo anyu, ingɨ kʉaalya akʉaalya masɨgo amʉntʉ nʉkʉɨɨe.
Mʉhumile kʉnkolya, “Nɨkɨ, aya nɨndoilwe kitʉma ʉnene ilamʉlwe nʉmʉntʉ mʉngɨza?
30Anga ɨze ʉnene kʉlya ndya niyanso kʉnʉ nʉmʉsongelya Itunda, nɨkɨ nsokigwe kʉnsoko andya nɨnʉmʉsongeeye Itunda?”
31Itɨgwa, kɨntʉ kɨhi nɨmʉkitʉma itule kʉlya ang'wɨ kʉng'wa, itʉmi maintʉ ɨhi kʉnsoko akʉmʉkʉlya Itunda.32Leki kʉsashi kɨnkwaatya kaʉbɨ kʉ Ayahudi ang'wɨ kʉ Ayunani aleke kʉmʉhʉɨɨla ʉKilisito ang'wɨ kʉ ahʉɨɨli ang'wi Itunda itʉme mɨlandʉ.33Mʉtule anga nene, kʉgema kʉaloeelya antʉ kʉ ntendo yɨhi, shanga kʉdʉma makani nakʉnzaɨɨlya ʉnene ingɨ makani akʉnzaɨɨlya antʉ ɨhi, ahume kʉgunwa.

The Word for the World International

https://app.library.bible/content/a61fa9a81f3a5fa3