2 Ele Kọrinti6ikw_wbt

1Lele ele be nụ Chiokike sno nọornu ẹrnu, a naarịasno anụ kwé oru Chiokike anụ nahịaru bụru nhne etekne.2Ka bụ nhne Chiokike kwuru,“M nụrnu m anụ n'ige o gesi anụ ruwhnu ọma,m yinu m anụ aka n'ọbochi ọznohia.”Anụ bno nsnị, kịtna bụ ige ọ nahọru ruwhnu ọma Chiokike, kịtna bụ ọbochi ọznohia.3A píole badnụ ọbula piohịa nhne ọjo n'ẹrnu aị, kpayarụ a kwéle ọ bịta nhne jọokpobi badnụ ọchi n'ogodo apna.4Kọvu nụ kpakara nhne a neeme, a neegesi ẹhni aị lele ele ẹrnu Chiokike hite n'ọsnuta mkpọma nụ rime awhnụwhnu, nụ nhne siri rikne, nụ nhne igbugbu,5ma ọli nhne, ma nụ ọro ikelu, nụ mkpakpọ, nụ ẹrnu rikne, ma nụ ọka anyarna abalị, ma nụ ọgwnu wiri,6ma nụ ọzi rịchna, ma nụ nhne ọmuma, nụ ndidi, ma nụ ovu ọma, hite n'Enine Nsọ, n'ezi ọka ọwhnun'anya,7hite n'okwu ezi ọka nụ rikne Chiokike, ya nụ mgwna ọgwnu ke ome mma nụ akarikwnunga ma nụ akarita.8A nwernu ọson'anya agwna ige, agwna ige be ledna aị anya, agwna ige ele badnụ kparị aị, agwna ige be znarnị aị. Be neeme aị ele aghalaghala, kọvu a bụ ele kwu ezi ọka.9A bụ ele be máa, kọvu kpakara ele badnụ magwụ aị. A nụ lele ele nọowu ọnwu, kọvu a zị kọriri bụdnu, awhnụwhnu a naata nwée rikne gbu aị.10A bụ ele mkpọma sọ́ n'ọnu, kọvu a nwernu snarnịma, ele mboni, kọvu neeme ele berere ele eze. Ọ zá nhne a nwernu, kọvu kpakara nhne bụ ke aị.11Anụ ele Kọrinti, a kpumernu mkpọma aị kwunu anụ ezi ọka.12Anụ kpusnirni mkpọma anụ megidne aị, ọ bụ́o aị megidne anụ.13Anụ menu aị kpa a mennu anụ, m nookwu lele nụ anụ bụ rụmu m, anụ kpume mkpọma anụ.

Ọdo aka nụ nsnịgbasịri ele kwé ekwe

14Anụ nụ ele kwé ekwe knékọta ẹhni anụ n'otu. Kịni bụ nhne ome mma nụ arụru-ẹli nwekọru? Ndaa ọzi n'otu ke iwhne n'ọchichiri nwekọru?15Mọbu ndaa nhne Karaịsi nụ Ekwensu neekekọ? Kịni bụ nhne nye Karaịsi nụ nye kwé ekwe nwekọru n'otu?16Ndaa okwerikọta ke Ọro Nsọ Chiokike nụ rẹnwu nwernu? Kwnornu nụ a bụ Ọro Nsọ Chiokike ke zị bụdnu, lele kpa Chiokike kwuru,“M joosno be wuru, zne izne n'esilawụru be.M jọobu Chiokike be,be jọobu ele ke m.”17Kam kpayarụ, “Anụ hi nụ rime be whụya, zịri ichne,anụ kpátụ nhne zị́la rịchna aka,m jaanabnanya anụ,” ka bụ nhne Nyenwe aị kwuru.18“M jọoburu Nda anụ,anụ jọoburu rụmu m rukna nụ rụmu m rinya.Ka bụ nhne Nyenwe aị ke Meli Nhne Dum kwuru.”
expand_more
Search