Adiyaara Yọọn20
Ebọp Setan
1Ndin ami mmaakịt enyere naña asọiyọ ato hefịn adi, anyʌñ akama ukpọhọde Abis ye ekamba ñkpọnọ ke ubọk amọ.2Anye amaamʌm drakọn, akaan udʌkikọd ado, a-adooho andidiọọk, me Setan, anyʌñ akọp anye ke isua tọsịn keed.3Anye amaatop anye asịn ke Abis, ayịt usʌñ anyʌñ afiik ke ufiikñkpọ, mbaak anye adibiaña mme idịd aba tutu mme isua tọsịn keed ado adikem. Ini ado amaaboiyo, ana etat anye eyaak ke etək-etək ini.4Ami mmaakịt mme ebekpo a-mbon e-emaekenọ adudu adibiide ikpe eketieghe. Ndin mmaakịt ukpọñ mbon e-ekekpịkkeke iwuod ke ntak aditie ntiense nnọ Yisọs ye ikọ Abasi. Ammọ ikikponoke idiọọk unam ye mbid amọ, ikinyʌññọ ibọ idiọọñọ ke akpọiso me ke ubọk ammọ. Ammọ emaeseet ke ñkpa ndin emaedu uwem enyʌñ ekeene Krais eda ukara ke isua tọsịn keed.5(Mbon se ikisʌhọ ke atu mme akpañkpa ikisette idu uwem aba tutu ke isua tọsịn keed ado emaekeboiyo.) Ami ado akpa adised ke ñkpa.6Afọfọn anọ mbon e-enieghe udeeme ke akpa adised ke ñkpa. Ñkpa ayọhọ iba inieghe adudu ke idem ammọ, ado ammọ ediidoñño mme ndisana aku Abasi ye ake Krais, ndin ammọ eyaekeene anye eda ukara ke isua tọsịn keed.Ubiere Ikpe Setan
7Ke mme tọsịn isua keed ado emaeboiyo, eyaesio Setan ke ñkpakọb amọ,8ndin anye ayaawuọ akebiaña mme idịd ke mbeñ inaañ ederimbod, Kọk ye Makọk, adikoono ammọ mbon itie keed nọ enwana ekọñ. Ke ibad, ammọ ewak nte ntan ke mben inyañ.9Ammọ emaesaaña ke afịd ukpa ederimbod enyʌñ ekanna itie idʌñ ndisana nditọ Abasi ekʌk, abio a-anye amaaha. Ado ikañ amaato hefịn adita ammọ akwaat.10Ndin emaetop Setan a-akebiañake ammọ esịn ke ibiok ikañ sọlfọ e-emaeketotop idiọọk unam ado ye prọfed abiaña esịn. Eyaetʌkkọ ammọ uweemeayio ye akonayio ke nsi-nsi nsi-nsi.Ubiereikpe mme Akpañkpa
11Ndin mmaakịt ataa ekamba afia ebekpo ye awo andikitie ke anye. Isọñ ye mme hefịn emaefeeñe ekpọñ iso amọ, ndin itie ikibaaha inọ ammọ.12Ndin ami mmaakịt mbon e-emaekekpañña, ñkpoon ye ntək, naña eda ke iso ebekpo, emaenyʌñ ekuumọ mme ñwed. Emaekʌppọ ñwed mfen a-adooho ñwed uwem. Emaekpe ikpe enọ mbon e-emaekekpañña akeene se ammọ ekenañña naña ekewet esịn ke ñwed.13Akpainyañ amaasaana mme akpañkpa se ikisịne anye ke esịd ayaak, ndin ñkpa ye Abioekpo emaesaana mme akpañkpa se ikisịne ammọ ke esịd eyaak, ndin emaebiere ikpe enọ awo keedekeed akeene se ammọ ekenam.14Ndin emaetop ñkpa ye Abioekpo esịn ke ibiok ikañ. Ibiok ikañ ado ñkpa ayọhọ iba.15Awo keed akeedodo a-anyịñ amọ imiikiwereke ke ñwed uwem, emaetop esịn ke ibiok ikañ ado.Biblica, Inc.