Adiyaara Yọọn12
Awonwaan ye Drakọn
1Ekamba utịppe idiọọñọ amaawuọ ada ke hefịn. Mmaakịt awonwaan a-akesịneke utịn nte afọñidem ke idem, afiọñ ke idak ñkpad amọ, anyʌñ ayara ntinya ntantaafiọñ duob mme iba ke iwuod amọ.2Anye akesaña ye idịb, ndin ke ini akeyemme adiman ayịn anye amaasio ñkpo ke ntak ubiak uman.3Ndin idiọọñọ mfen amaawuọ ada ke hefịn. Mmaakịt ataa ekamba ndad-ndad drakọn a-akenieghe iwuod itiaba ye nnʌk duob ye ntinya itiaba ke mme iwuod amọ.4Isịm amọ amaakwọk keed ke ubaak ita ntantaafiọñ e-ekewuọñọke ke ikpaanyọñ aduọọk ke isọñ. Drakọn ado amaada ke iso awonwaan a-akeyemme adiman ayịn, nọ ayịn ado amaasʌk amamana anye aben amen.5Anye amaaman ayịn a-adiikara afịd idịd ke esañ ukwak, ndin emaewappa anye ayịn ado ebọ, eben esọk Abasi ke ebekpo amọ.6Awonwaan ado amaafeghe anyọñ anaan, itie A-Abasi akediọññọ anịm anọ anye, nọ ediise anye anyen ke mme usen tọsịn keed mme ikie iba mme ata (1,260).7Ndin ekọñ amaasakka ke hefịn. Maikel ye mme enyere amọ emaenwana ye drakọn ado, ndin drakọn ado ye mme enyere amọ emaenyʌñ enwana ye ammọ.8Ado drakọn ikisọññọ adudu ikem, ndin anye amaaduọọk itie ammọ ke hefịn.9Emaetop ekamba drakọn ado eduọọk ke isọñ, akaan udʌkikọd e-ekoodo andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.10Ndin ami mmaakop naña ekamba uyio ke hefịn abo ate:“Idahami adinyaaña ye adudu e-edi,ye abioubọọñ Abasi ñnyịn,ye ukara Krais amọ.Sia esio anye a-asidotto nditọeka ñnyịn ke Krais uyio eduọọk ke isọñ,anye a-asidotto ammọ uyio ke iso Abasi ñnyịnke uweemeayio ye akonayio.11Ammọ emaekan anyeke iyiib Ayịn Edọñ,ye ke ikọ ntiense ammọ;ammọ ikimaaha uwem ammọ ikisịmitie adisịkke idem nsio ke ñkpa.12Ke ntoro, mme hefịn idaara,ye ndufo mbon e-edʌññọ ke esịd!Ado adọdiọọk anọ isọñ ye akpainyañ,sia andidiọọk asọiyọ ibịne ndufo!Anye ayọhọ ye ifiobesịd, sia a-adiọọñọke ini imọ asʌhọ etək-etək.”13Ndin ke drakọn amaakekịt ke i-itop imọ eduọọk ke isọñ, anye amaafeghe abịne awonwaan a-akemanna ayịn ado.14Emaenọ awonwaan ado mba ekamba ntrukpuum iba nọ anye akan afuuro aka itie e-ekediọññọ enịm enọ anye ke anaan, itie e-ediise anye anyen ke isua ita ye ubaak, mbaak idiọọk udʌkikọd ado adisịme anye.15Ndin udʌkikọd ado amaatop mmọọñ asio ke inua amọ nte inyañ, ayem adikpuut awonwaan ado mben ke udiọọñ mmọọñ ado.16Ado isọñ amaanwam awonwaan ado ke aditat inua amọ mmen mmọọñ inyañ a-drakọn ado akekọkkọ ke inua amọ.17Ndin drakọn amaanekke ayat esịd ye awonwaan ado, anyʌñ adọñ idem akaa adikinwana ekọñ ye afịd mfịd idịb amọ se ikisʌhọ, mbon e-enịmme mme mbed Abasi, enyʌñ emʌm ikọ ntiense Yisọs ekama.Biblica, Inc.