Mme Saam94
1Abọọñ ado Abasi a-asioho usiene.O asio usiene Abasi, yamma!2Abiideikpe ederimbod, dakka da;nọ mbon ntañidem usiene se ikem ye ammọ.3Abọọñ, adiikpeene die, ke mbon ibak,mbon ibak ediidaara ikpeene die?4Ammọ enwañña mme ikọ usọñanyen;afịd mme anamidiọọk eyọhọ ye ñkpooninua.5O Abọọñ, ammọ efiik ikọd mfo;ammọ efiomo udeeme mfo.6Ammọ ewot ebekpa ye asenawo;ammọ ewoot nditọakpa.7Ammọ ebo ete, “Abọọñ ikịtte;Abasi Yekọb iseeghe.”8Idat uwọdñkpọ, ndufo mbon unana iwuod ke atu mme awo;ndufo mme ndisịme, idaha akee ke ediidiọọñọ idem?9Nte andikibot utọñ ikoppo ñkpọ?Nte andikibot anyen ikịtte ñkpọ?10Nte anditʌnọ mme idịd ikemeke adinọ awo ufen?Nte anye a-akpeebe ubonawo inieghe ifiọk?11Abọọñ adiọọñọ afịd uduak awo;anye adiọọñọ ke ammọ edo ikpu-ikpu.12Abọọñ, afọfọn anọ awo ake afo atʌnọke,anye ake afo akpeebe mbed mfo;13afo anọ ammọ ifuuro ke usen mfịna,tutu edọk ube enọ mbon ibak.14Sia Abọọñ Abasi idiisịnne ikọd amọ;anye ikemekekeme adikpọñ asaña-asaña udeeme amọ.15Sia ubiideikpe ayaamaana awʌhọ ke adinenido,ndin afịd mbon ndinen esịd eyaekeene anye.16Anie adiidakka ida iñkeene miin inwana ye mbon ibak?Anie adiidakka ida inwana ye mbon ibak innọ miin. Anie adiisọñ ida inwana ye mme anam idiọọk innọ miin?17Imiikpidooho Abọọñ akenọọhọ unwam,ñkpaakesọp ñkeba ke ndobo udi.18Ke ini ami ñkebooho, “Ukod mmi afiọnnọ,”nsọọñọnda ima mfo, Abọọñ, akemmʌm miin akama.19Ke ini ami ñkenieghe akpọsọñ iduọesịd,idọñesịd mfo akennọọ miin idaara.20Nte ebekpo idiọọk uwem anie ewuana ye afo,ebekpo a-adatta ukuud adi ato ke mme ewʌhọ amọ?21Mbon ibak esoobo iwuod ebaña ndinen awoenyʌñ ebiere ikpe ñkpa enọ mbon se imiidueghe.22Ado Abọọñ a-akappa ado itie ubọkkọ mmi,ye Abasi mmi, itiad ake ami ndịbeke.23Anye ayaasio ammọ usiene idiọọkñkpọ ammọanyʌñ asobo ammọ ke ntak ibak ammọ;Abọọñ Abasi ñnyịn ayaasobo ammọ.
Biblica, Inc.