Mme Saam91
1Awo akeedodo a-adʌññọ ke ndịbe itie Andikoñ Ñkanayaabọ emem ke mba Abasi Andikponñkan.2Ami ñyaatañ mbaña Abọọñ nte, “Anye ado itie ubọkkọ ye itie udịbe mmi,Abasi mmi, a-ami mbuọttọ idem ke anye.”3Ke akpanikọ, anye ayaufak fiinasio ke afia atautobmme udọñọ nsobo.4Anye ayaufʌk fiin ke ntañ amọ,ñko afo amaadịbe ke idak mba amọ ayaakịt ubọkkọ;akpanikọ amọ adiido atuekọñ mfo.5Afo uduufegheke ñkpọ ndịk ke akonayio,me idañ e-etoppo ke uweemeayio,6me akwọkudịm udọñọ a-afeeñeke ke ekịm,me udọñọñkpa a-asoboke ke ufọọd uweemeayio.7Tọsịn ekeme ediduọññọ ke ñkañ mfo,tọsịn duob ke ubọk nnasia mfo,ado idiisañake ukpere fiin.8Ke anyen mfo kpọd ke afo uduuseunyʌñ ukịt ufen mbon ibak.9Adieke afo abooho, “Abọọñ ado itie udịbe mmi,”afo anyʌñ anam Andikoñ Ñkan itie idʌñ mfo,10idiọọk ndomokeed iduuwuọhọ fiin idem,unọmọ ndomokeed idiinyʌññọ iwuọ atayad mfo.11Sia anye ayaanọ mme enyere amọ ewʌhọ ubaña fiinnọ ukpeme fiin ke afịd usʌñ mfo;12ammọ eyaudịppe fiin ke ubọk ammọ;mbaak afo udutuak ukod mfo ke itiad.13Afo ayaafiik ekpe mme abre ke ukod;ayaasọọk ikpọ ekpe mme udʌkikọd ke ukod.14“Sia anye ammaaha miin,” Abọọñ abo, “Ami ñyaanyaaña anye;ami ñyaakpeme anye, sia anye adiọọñọ anyịñ mmi.15Anye ayañkoot miin, ndin ami ñyaabọọrọ anye;ami ñyaada ye anye ke ini mfịna,ami ñyaanyaaña anye ñnyʌñ ñkpono anye.16Ami ñyaayʌkkọ anye ye anyan isua uwemñnyʌñ ñwọt anye adinyaaña mmi.”
Biblica, Inc.