Mme Saam88
Ikwọ. Saam Nditọ Ideen Kora. Ake etubom ikwọ. Akeene Mahalad liinọd. Maskil ake Heman, awo Esra.
1O Abọọñ, afo ado Abasi añnyaañake miin;ami ntua ukoot fiin akonayio ye uweemeayio.2Yak akam mmi adọọk adi ke iso mfo;kanna utọñ mfo kop uyio aseeme mmi.3Mfịna eñkan miin ubọkndin uwem mmi akpere ñkpa.4Embat miin esịn ke atu mbon se ika udi;ami ndiba nte awo i-idiinieghe udịd aba.5Ensio miin esịn ke atu mme akpañkpa,nte mbon se ewot edọñ ke udi,ake afo umuutoiyoke aba,emaekekpịkke esio ke ukpeme mfo.6Afo amensịn miin ke ataa ntotəño ube,ke udem akịmme akan.7Ifiobesịd mfo andoro miin ke idem;awawa mfo añkan miin ubọk.8Afo amembọi mme akpan ufan mmiamenyʌñ anam ammọ edinse miin ke mbubiam.Eñkanna miin ekʌk, anam ñkanna ñnyaaña idem;9ukuud anam anyen añkịm.Abọọñ, ami nseeme ukoot fiin afịd usen;ami mmetat ubọk mmi ñnyan unọ fiin.10Me afo uduunam mme utịppeñkpọ mfo unọ mme akpañkpa?Me sịbidịd ammọ eyaeset enyʌñ utooro fiin?11Nte ediibʌk mbʌk ima mfo ke udi,ye akpanikọ mfo ke Nsobo?12Ado nte ediọọñọ mme utịppeñkpọ mfo ke ekịm,me mme ndinen adinam mfo ke isọñ ndueidem?13Abọọñ, ami ntua ukoot fiin ñyem unwam;kwa ubakusen akam mmi adi ke iso mfo.14Abọọñ, nsoo inam nọ afo ansaana miin ayaakanyʌñ andịp miin iso mfo?15Ami mmebọ ufen tọọñọ ke uyịn mmi nyʌñ ñkpere ñkpa;ami mmebọ mme ndịk mfo tutu nduọọk idodanyen.16Ifiobesịd mfo amfʌk miin;mfiomo mfo añkweeñe miin.17Tọọñọ ubakusen tutu akonayio ammọ eñkanna miin ekʌk nte ndiọọñ;ammọ emfʌk miin afịd-afịd.18Afo amembọ miin ufan ye mbọhọidʌñ,ekịm adido akpan ufan mmi.Biblica, Inc.